2 Mga Hari 13:2

Ang Biblia 2011

Ug siya naghimo ug daotan diha sa panan-aw sa Ginoo, ug misunod sa mga sala ni Jeroboam nga anak ni Nebat, nga nakahimo sa Israel sa pagpakasala. Siya wala mobiya gikan niini.

Cross References

1 Mga Hari 14:16

Iyang isalikway ang Israel tungod sa mga sala ni Jeroboam nga iyang nahimo ug nakaangin sa Israel sa pagpakasala.”

2 Mga Hari 10:29

Apan wala mobiya si Jehu gikan sa mga sala ni Jeroboam, ang anak ni Nebat, diin gihimo niya nga ang Israel magpakasala sa mga nating baka nga bulawan nga didto sa Betel ug sa Dan.

2 Mga Hari 13:1

Sa ika-23 nga tuig ni Joas nga anak ni Ahasias, hari sa Juda, si Jehoahas nga anak ni Jehu misugod sa paghari sa Israel didto sa Samaria, ug naghari sulod sa napulo ug pito ka tuig.

2 Mga Hari 13:11

Gibuhat usab niya ang daotan diha sa panan-aw sa Ginoo ug wala siya mobiya sa tanang mga sala ni Jeroboam nga anak ni Nebat nga nakapahimo sa Israel sa pagpakasala, apan naglakaw diha niini.

2 Mga Hari 13:6

Apan sa gihapon wala sila mobiya sa mga sala sa balay ni Jeroboam nga nakapahimo sa Israel sa pagpakasala apan naglakaw niini ug ang Asera nahibilin usab didto sa Samaria).

2 Mga Hari 3:3

Apan nagpabilin siya diha sa sala ni Jeroboam nga anak ni Nebat, nga naghimo sa Israel sa pagpakasala. Siya wala mobiya gikan niini.

Oseas 5:11

Ang Ephraim gidaogdaog, nadugmok sa paghukom, kay siya nakahukom sa pagsunod sa kakawangan.