2 Mga Hari 10:13

Ang Biblia 2011

gikatagbo ni Jehu ang mag kadugo ni Ahasias nga hari sa Juda ug siya miingon, “Kinsa ba kamo?” Ug sila mitubag, “Kami mao ang mga kadugo ni Ahasias ug kami nanganhi aron sa pagduaw sa banay sa hari ug sa mga anak nga lalaki sa rayna.”

Cross References

2 Mga Hari 10:12

Unya nangandam siya ug miadto sa Samaria. Didto sa dalan, sa iyang pag-abot sa balay pahulayanan sa mga tigbantay sa mga karnero,

2 Mga Hari 10:14

Ug siya miingon, “Dakpa sila nga buhi.” Ug ilang gidakop sila nga buhi ug gipatay sila didto sa gahong sa balay pahulayanan, ang 42 ka tawo ug wala siyay gibilin kanila.

2 Mga Hari 8:24

Busa si Joram mipahulay uban sa iyang mga katigulangan, ug gilubong uban sa iyang mga katigulangan didto sa siyudad ni David, ug si Ahasias nga iyang anak naghari puli kaniya.

2 Mga Hari 8:29

Ug si Hari Joram mipauli ngadto sa Jesreel aron magpaalim sa iyang mga samad nga gipahamtang kaniya sa mga Sirianhon didto sa Rama, sa dihang nakig-away siya kang Hasael nga hari sa Siria. Ug si Ahasias nga anak ni Jehoram, hari sa Juda, milugsong aron sa pagduaw kang Joram nga anak ni Ahab didto sa Jesreel, tungod kay siya nasakit man.

2 Cronicas 21:17

Ug sila nangadto batok sa Juda ug misulong niini, ug gidala ang tanang mga kabtangan nga ilang nakit-an nga nasakop sa balay sa hari, ug ingon man ang iyang mga anak nga lalaki ug mga asawa aron walay usa ka anak nga lalaki nga mahibilin kaniya, gawas kang Jehoahas, ang iyang kamanghoran nga anak nga lalaki.

Jeremias 41:5

dihay 80 ka tawo nga gikan sa Sekem, gikan sa Silo ug gikan sa Samaria nga ang ilang mga bungot gibarbas ug ang ilang mga bisti gigisi ug nga gisamaran ang ilang kaugalingon, uban ang mga halad nga pagkaon ug ang insenso diha sa ilang kamot, aron kini dad-on nila ngadto sa balay sa Ginoo.