2 Juan 1:8

Ang Biblia 2011

Bantayi ninyo ang inyong kaugalingon nga dili kamo mawad-an sa mga butang nga inyong gihagoan, kondili nga makadawat kamo sa hingpit nga ganti.

Cross References

Daniel 12:3

Ug kadtong mga maalamon modan-ag sama sa kasanag sa wanang sa kalangitan, ug kadtong nagkabig sa daghan ngadto sa pagkamatarong, sama sa mga bituon hangtod sa kahangtoran.

Mateo 24:4

Ug mitubag kanila si Jesus nga nag-ingon, “Pagbantay kamo nga walay makapasaag kaninyo.

Marcos 13:23

Apan pagbantay kamo, gitug-anan ko na kamong daan sa tanang mga butang.

Marcos 13:9

“Apan pagbantay kamo sa iyong kaugalingon kay kamo ilang itugyan ngadto sa mga hukmanan, ug kamo ilang bunalan sulod sa mga sinagoga, ug kamo moatubang sa mga gobernador ug sa mga hari tungod ug alang kanako, aron sa pagpamatuod ngadto kanila.

Lucas 19:19

Ug siya miingon kaniya, ‘Ug ikaw usab magdumala sa lima ka siyudad.’

Lucas 21:8

Ug siya mitubag, “Pagbantay kamo nga dili kamo masaag kay daghan unya ang motungha dinala ang akong ngalan nga moingon, ‘Ako mao!’ ug ‘Ang panahon nagkaduol na!’ Ayaw kamo pagsunod kanila.

Juan 4:36

Siya nga nag-ani nagdawat ug suhol ug nagtigom ug bunga alang sa kinabuhi nga dayon aron ang nagpugas ug ang nag-ani magduyog sa kalipay.

1 Mga Taga-Corinto 15:8

Ug ulahi sa tanan, sama sa naahat pagkatawo, nagpakita usab siya kanako.

1 Mga Taga-Corinto 3:14

Kon ang buhat ni bisan kinsa magpabilin diha sa iyang gitukoran, siya makadawat ug ganti.

1 Mga Taga-Corinto 3:8

Siya nga nagtanom ug siya nga nagbisibis managsama ra, ug ang matag usa modawat sa iyang suhol sumala sa iyang paghago.

Mga Taga-Galacia 3:4

Giantos ba ninyo ang daghang mga butang sa wala lamay kapuslanan?—kon kini wala gayoy kapuslanan.

Mga Taga-Galacia 4:11

Nahadlok ako alang kaninyo, nga tingali ug napakyas ang akong paghago diha kaninyo.

Mga Taga-Filipos 3:16

Mao lamang nga kinahanglang magkinabuhi kita sumala sa ato nang nakab-ot.

Mga Hebreo 10:32

Apan hinumdomi ninyo ang nangaging mga adlaw nga human kamo malamdagi, giantos ninyo ang lisod nga pagpakigbisog sa mga kasakitan.

Mga Hebreo 10:35

Busa ayaw ninyo wad-a ang inyong pagsalig, nga adunay dakong ganti.

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.