2 Juan 1:4

Ang Biblia 2011

Nalipay gayod ako pag-ayo kay akong nakita ang imong mga anak nga nagkinabuhi diha sa kamatuoran, sumala sa sugo nga atong nadawat gikan sa Amahan.

Cross References

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Malaquias 2:6

Ang matuod nga pagtudlo anaa sa iyang baba ug walay sayop nga nakita diha sa iyang mga ngabil. Naglakaw siya uban kanako diha sa pakigdait ug sa pagkatul-id ug nagpabiya sa daghan gikan sa kasal-anan.

1 Mga Taga-Corinto 13:6

Ang gugma dili malipay sa daotan, apan malipay kini sa kamatuoran,

Mga Taga-Galacia 2:14

Apan sa akong pagkakita nga sila wala magtarong sumala sa kamatuoran sa Maayong Balita, ako miingon kang Cefas sa atubangan nilang tanan, “Kon ikaw nga Judio nagkinabuhi man gani sama sa Gentil ug dili ingon sa Judio, unsaon man nimo pagpugos sa mga Gentil sa pagkinabuhi sama sa mga Judio?”

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Mga Taga-Efeso 5:8

kay bisan tuod kangitngit kamo kaniadto, karon kahayag na kamo tungod sa Ginoo. Pagkinabuhi kamo ingon nga mga anak sa kahayag,

Mga Taga-Filipos 4:10

Nalipay ako pag-ayo diha sa Ginoo nga karon sa kataposan gibuhi ninyo ang inyong kahangawa alang kanako. Tinuod nahangawa kamo kanako apan wala lamang kamoy higayon sa pagpakita niini.

1 Juan 2:6

Siya nga nag-ingon nga siya anaa kaniya kinahanglan nga magkinabuhi sama sa iyang pagkinabuhi.