2 Juan 1:1

Ang Biblia 2011

Ang pangulo, nganha sa pinili nga ginang ug sa iyang mga anak, nga akong gihigugma diha sa kamatuoran, ug dili lamang ako ra kondili ang tanan usab nga nahibalo sa kamatuoran,

Cross References

Lucas 1:3

ug kay nasubay man nako pag-ayo ang tanan sukad sa sinugdan, giisip nako nga daw maayo usab alang kanako ang pagsulat kanimo sa usa ka maayong pagkahan-ay nga kasaysayan, O labing halangdon nga Teofilo,

Juan 8:32

ug mahibaloan ninyo ang kamatuoran, ug ang kamatuoran maghimo kaninyo nga gawasnon.”

Mga Buhat 11:30

Ug kini gibuhat nila, gipadala kini ngadto sa mga kadagkoan pinaagi sa mga kamot ni Bernabe ug ni Saulo.

Roma 16:13

Ipangumosta ako kang Rufo, nga pinili diha sa Ginoo, ug sa iyang inahan nga akoa usab.

Mga Taga-Galacia 2:14

Apan sa akong pagkakita nga sila wala magtarong sumala sa kamatuoran sa Maayong Balita, ako miingon kang Cefas sa atubangan nilang tanan, “Kon ikaw nga Judio nagkinabuhi man gani sama sa Gentil ug dili ingon sa Judio, unsaon man nimo pagpugos sa mga Gentil sa pagkinabuhi sama sa mga Judio?”

Mga Taga-Galacia 2:5

kanila wala kami magpadaog bisan makadiyot lamang, aron ang kamatuoran sa Maayong Balita magpabilin diha kaninyo.

Mga Taga-Galacia 3:1

O mga hungog nga taga-Galacia! Kinsa bay naglamat kaninyo? Sa atubangan sa inyong mga mata si Jesu-Cristo tataw nga gipasundayag nga gilansang diha sa krus.

Mga Taga-Galacia 5:7

Maayo na man unta ang inyong dagan. Kinsa ba gayod ang mibabag kaninyo sa inyong pagtuman sa kamatuoran?

Mga Taga-Colosas 1:5

tungod sa paglaom nga gikatagana alang kaninyo didto sa langit. Nadungog kini ninyo kaniadto pinaagi sa pulong sa kamatuoran sa Maayong Balita

1 Timoteo 2:4

nga nagtinguha nga ang tanang tawo maluwas ug makaabot sa kahibalo sa kamatuoran.

Mga Hebreo 10:26

Kay kon kita magpadayon sa tinuyo nga pagpakasala human nato madawat ang kahibalo sa kamatuoran, wala nay nahibilin pa nga halad nga inihaw alang sa mga sala,

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

1 Pedro 5:1

Busa ako magtambag sa mga kadagkoan diha kaninyo, ingon nga kauban ug saksi sa mga pag-antos ni Cristo, ug mag-aambit usab sa himaya nga ipadayag unya.

1 Pedro 5:13

Ang iglesia nga ania sa Babilonia, nga pinili usab, nangumosta kaninyo, ug si Marcos usab nga akong anak.

1 Juan 2:21

Ako wala magsulat kaninyo tungod kay wala kamo mahibalo sa kamatuoran, kondili tungod kay kamo nahibalo na niini ug nga walay bakak nga naggikan sa kamatuoran.

1 Juan 3:18

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

2 Juan 1:13

Nangumosta kanimo ang mga anak sa pinili nga imong igsoong babaye.

2 Juan 1:5

Ug karon maghangyo ako kanimo, tinahod nga ginang, dili ingon nga magsulat ako kanimo ug usa ka bag-ong sugo, kondili ang ato nang nabatonan sukad pa sa sinugdan, nga kinahanglang maghigugmaay kita sa usa ug usa.

3 Juan 1:1

Ang pangulo, nganha kang Gayo nga hinigugma, nga akong gihigugma diha sa kamatuoran.