2 Mga Taga-Corinto 9:8

Ang Biblia 2011

Ug ang Dios makahimo sa paghatag sa tanang panalangin nga naghingapin nganha kaninyo, aron kamo makabaton kanunay ug igo sa tanang butang, madagayaon alang sa tanang maayong buhat.

Cross References

2 Cronicas 25:9

Si Amasias miingon sa tawo sa Dios, “Apan unsay among buhaton mahitungod sa usa ka gatos ka talanton nga akong gihatag sa kasundalohan sa Israel?” Ang tawo sa Dios mitubag, “Ang Ginoo makahimo sa paghatag kanimo ug labaw pa ka daghan kay niini.”

Salmo 84:11

Kay ang Ginoo nga Dios adlaw ug taming; ang Ginoo mohatag ug grasya ug himaya. Walay maayo nga butang nga ihikaw niya gikan niadtong mga naglakaw nga matarong.

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Mga Panultihon 11:24

Adunay naghatag nga walay pugongpugong apan midugang pa hinuon ang kaadunahan; adunay nagpugong sa iyang ihatag, ug nag-antos lamang hinuon sa kawalad-on.

Mga Panultihon 28:27

Siya nga naghatag sa kabos dili makulangan, apan ang molingiw sa iyang mga mata makabaton ug daghang pagtunglo.

Mga Panultihon 3:9

Pasidunggi ang Ginoo pinaagi sa imong katigayonan ug sa mga unang bunga sa tanan nimong abot;

Hageo 2:8

Ang plata akoa ug ang bulawan akoa usab, nag-ingon ang Ginoo sa mga panon.

Malaquias 3:10

Dad-a ninyo ang tibuok nga ikapulo ngadto sa balay nga tipiganan aron nga adunay pagkaon sa akong balay, ug pinaagi niini sulayi ninyo ako, nag-ingon ang Ginoo sa mga panon, kon dili ba nako buksan kaninyo ang mga tamboanan sa langit ug ibubo nako kaninyo ang nag-awas nga panalangin.

Mga Buhat 9:36

Didto sa Jopa may usa ka babayeng tinun-an nga ginganlan ug Tabita, nga kon hubaron, Dorcas o Lagsaw. Siya daghan ug mga maayong buhat ug mga pagtabang nga iyang gihimo.

1 Mga Taga-Corinto 15:58

Busa, hinigugma kong mga igsoon, pagmalig-on kamo, dili matarog, magmadagayaon kanunay sa buluhaton sa Ginoo, kay nasayod man kamo nga diha sa Ginoo ang inyong paghago dili makawang.

2 Mga Taga-Corinto 13:3

kay nangita man gayod kamo ug pamatuod nga si Cristo nagsulti pinaagi kanako. Siya dili huyang nganha kaninyo hinuon gamhanan diha kaninyo.

2 Mga Taga-Corinto 8:19

Ug dili lamang niini ra, kondili nga kini usab siya gipili sa mga iglesia sa pagpanaw uban kanamo, niining buluhaton sa grasya nga among gidumala alang sa himaya sa Ginoo ug sa among pagkamainiton.

2 Mga Taga-Corinto 8:2

Kay bisan pa sa daghang pagsulay kanila sa kasakit, ang ilang naghingapin nga kalipay ug ang ilang tuman nga kakabos miawas hinoon ngadto sa hilabihan nga pagkamanggihatagon.

2 Mga Taga-Corinto 8:7

Apan ingon nga milabaw kamo sa tanang butang, sa pagtuo, sa pagpamulong, sa kahibalo, sa hingpit nga pagkamatinud-anon, ug sa inyong gugma alang kanamo, molabaw usab unta kamo niining maong grasya.

2 Mga Taga-Corinto 9:11

Sa tanang butang kamo iyang padatoon ngadto sa tumang pagkamahinatagon ug makapahimo sa mga tawo nga mapasalamaton sa Dios pinaagi kanamo.

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Efeso 3:20

Ug ngadto kaniya, nga pinaagi sa gahom nga naglihok sulod kanato makahimo ug labaw pa gayod kay sa tanan natong gipangayo ug gihunahuna,

Mga Taga-Filipos 4:11

Wala ko kini isulti tungod sa akong kawalad-on, kay ako nakakat-on man sa pagpahaom sa akong kaugalingon sa bisan unsang kahimtang nga akong nahimutangan.

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

2 Mga Taga-Tesalonica 2:17

maglipay unta sa inyong mga kasingkasing ug magpalig-on niini diha sa tanang maayong buhat ug pulong.

2 Timoteo 2:21

Kon ang usa ka tawo magputli sa iyang kaugalingon gikan sa butang nga dili dungganan, mahimo siyang sudlanan alang sa dungganan, binalaan ug mapuslanon sa agalon sa panimalay, andam sa tanang maayong buluhaton.

2 Timoteo 3:17

aron ang tawo sa Dios mahimong hingpit, sangkap alang sa tanang maayong buluhaton.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Tito 3:14

Himoa usab nga makakat-on ang atong mga sakop sa pagbuhat kanunay sa mga maayong buhat aron sila makatabang sa mga tabangonon, ug nga dili unta sila mahimong dili mabungahon.

Tito 3:8

Ang maong pulong kasaligan. Ug nanghinaot ako nga ikaw lig-on nga magpamatuod niining mga butanga, aron ang mga nagtuo sa Dios magtinguha sa pagbuhat kanunay sa mga maayong buhat. Kining mga butanga maayo ug mapuslanon sa mga tawo.

1 Pedro 4:10

Sumala sa hiyas nga nadawat sa matag usa, gamita ninyo kini alang sa usa ug usa ingon nga mga maayong piniyalan sa nagkalainlaing grasya sa Dios.