2 Mga Taga-Corinto 9:7

Ang Biblia 2011

Ang matag usa maghatag sumala sa kabubut-on sa iyang kasingkasing, dili sa pagpanuko o ingon nga pinugos kay gihigugma sa Dios ang naghatag nga malipayon.

Cross References

1 Cronicas 29:17

Ako nahibalo, akong Dios, nga ikaw nagsulay sa kasingkasing ug may kalipay diha sa matarong. Sa katarong sa akong kasingkasing gihatag nako sa kinabubut-on kining tanang mga butang, ug karon nakita nako ang imong katawhan nga ania dinhi, naghalad nga kinabubut-on ug malipayon nganha kanimo.

1 Cronicas 29:9

Unya ang katawhan nangalipay tungod kay nanghatag man sila nga kinabubut-on uban sa tibuok nga kasingkasing, nanghatag sila sa kinabubut-on ngadto sa Ginoo. Si David nga hari nalipay usab pag-ayo.

Exodo 25:2

“Sultihi ang katawhan sa Israel nga magdala sila ug halad alang kanako. Gikan sa tanang tawo nga naghatag sa kinabubut-on, dawata ang halad alang kanako.

Exodo 35:5

Gikan kaninyo pagkuha kamo ug usa ka halad alang sa Ginoo. Si bisan kinsa nga manggihatagon ug kasingkasing, padad-a siya alang sa Ginoo ug halad nga bulawan, plata, bronsi,

Mga Panultihon 11:25

Ang tawo nga manggihatagon magmauswagon, ug ang nagbisibis bisibisan usab.

Mga Panultihon 22:9

Siya nga manggihatagon panalanginan, kay nagpaambit siya sa iyang pan ngadto sa kabos.

Isaias 32:5

Ang buangbuang dili na tawgon nga halangdon, o ang hakog tawgon nga dungganan.

Isaias 32:8

Apan siya nga hamili naghimo sa mga butang nga hamili ug pinaagi sa mga butang nga hamili siya magbarog.

Mga Buhat 20:35

Ang tanang mga butang gipakita nako kaninyo nga ang mga maluyahon kinahanglang inyong tabangan pinaagi sa samang paghago nga maghinumdom sa pulong sa Ginoong Jesus nga iyang gisulti, ‘Labaw pang bulahan ang paghatag kay sa pagdawat.’ ”

Roma 12:8

ang nagmaymay, sa iyang pagpangmaymay; ang nag-amot, diha sa pagkamadagayaon; ang nangulo, diha sa kadasig; ang naghimo ug mga buhat sa kaluoy, diha sa kasaya.

2 Mga Taga-Corinto 8:12

Kay kon anaa ang pagkamatinguhaon, kini kahimut-an sumala sa unsay anaa sa tawo, dili sumala sa unsay wala kaniya.

Deuteronomio 15:14

Sangkapi siya nga madagayaon gikan sa imong mga karnero, ug gikan sa imong giokanan ug gikan sa dapit nga pug-anan sa mga ubas. Sumala sa pagpanalangin sa Ginoo kanimo, hatagi siya.

Filemon 1:14

Apan dili ako buot nga magbuhat nga walay pag-uyon gikan kanimo aron ang imong kaayo dili mahimo pinaagi sa pagpugos kondili sa imong kaugalingong kabubut-on.

Santiago 5:9

Mga igsoon, ayaw kamo pagbagulbol sa usa ug usa aron dili kamo hukman sa silot. Tan-awa, ang Maghuhukom nagtindog sa mga ganghaan.

1 Pedro 4:9

Batasana ninyo ang pag-abiabi sa usa ug usa sa walay pagbagulbol.