2 Mga Taga-Corinto 9:13

Ang Biblia 2011

Pinaagi sa kamatuoran sa maong tabang, sila maghimaya sa Dios tungod sa inyong pakamasinugtanong agig pag-ila sa Maayong Balita ni Cristo, ug tungod sa pagkadagaya sa inyong amot alang kanila ug alang usab sa tanan.

Cross References

Salmo 50:23

Ang naghatag ug pasalamat ingon nga iyang halad nagpasidungog kanako; kaniya nga nagmatngon sa iyang dalan ipakita nako ang kaluwasan sa Dios.”

Mateo 5:16

Busa pasigaa ang inyong kahayag sa atubangan sa mga tawo aron makita nila ang inyong mga maayong buhat ug dayegon nila ang inyong Amahan nga atua sa langit.

Mateo 9:8

Sa pagkakita niini sa mga panon sa katawhan, sila nangahadlok ug nagdayeg sa Dios nga naghatag sa maong kagahom ngadto sa mga tawo.

Lucas 6:46

“Nganong nagtawag man kamo kanako ug ‘Ginoo, Ginoo,’ apan wala magbuhat sa akong gisulti?

Juan 15:8

Pinaagi niini, ang akong Amahan napasidunggan, nga namunga kamo ug daghan, ug nahimo nga akong mga tinun-an.

Mga Buhat 11:18

Sa ilang pagkadungog niini, sila mihilom. Ug ang Dios ilang gidayeg nga nag-ingon, “Sa mga Gentil ang Dios naghatag usab ug paghinulsol ngadto sa kinabuhi.”

Mga Buhat 4:21

Ug sa nahimo nila ang dugang pa nga pagpanghadlok kanila, sila gibuhian nila nga wala makakita ug paagi sa pagsilot kanila tungod sa katawhan, kay ang tanang tawo nagdayeg man sa Dios tungod sa nahitabo.

Roma 10:16

Apan dili tanan ang mituman sa Maayong Balita, kay si Isaias nag-ingon, “Ginoo, kinsa ba ang mituo sa nakadungog kanamo?”

Roma 12:8

ang nagmaymay, sa iyang pagpangmaymay; ang nag-amot, diha sa pagkamadagayaon; ang nangulo, diha sa kadasig; ang naghimo ug mga buhat sa kaluoy, diha sa kasaya.

Roma 15:31

aron maluwas ako gikan sa mga misupak didto sa Judea, ug nga ang akong pag-alagad alang sa Jerusalem kahimut-an unta sa mga balaan,

Roma 16:26

apan karon gipadayag na, ug pinaagi sa mga sinulat sa mga propeta gibutyag na ngadto sa tanang kanasoran, sumala sa mando sa Dios nga dayon, aron sila magmatinumanon diha sa pagtuo,

2 Mga Taga-Corinto 10:5

sa tanang mga pangatarongan ug sa tanang mapahitas-ong babag nga nag-ali batok sa kahibalo sa Dios, ug nagbihag sa tanang panghunahuna aron kini magmasinugtanon kang Cristo.

2 Mga Taga-Corinto 2:12

Ug sa pag-adto nako sa Troas aron sa pagwali sa Maayong Balita mahitungod kang Cristo, usa ka pultahan ang naabli alang kanako diha sa Ginoo.

2 Mga Taga-Corinto 8:4

uban sa mapugsanong paghangyo kanamo nga kahatagan sa katungod sa pagpakig-ambit sa pagtabang sa mga balaan.

2 Mga Taga-Corinto 9:14

Ug sila mangandoy kaninyo ug mag-ampo alang kaninyo tungod sa hilabihan ka dakong grasya sa Dios diha kaninyo.

Mga Taga-Galacia 1:24

Ug sila nagdayeg sa Dios tungod kanako.

1 Timoteo 6:12

Pakigbisog diha sa maayong pakigbisog sa pagtuo. Hupti ang kinabuhing dayon nga niini gitawag ikaw ug niini ikaw naghimo ug maayong pagsugid sa atubangan sa daghang mga saksi.

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,

Mga Hebreo 10:23

Sa walay pagsibog pangusgan nato pagkupot ang paglaom sa atong tinuohan, kay kasaligan siya nga nagsaad kanato.

Mga Hebreo 13:16

Ug ayaw ninyo kalimti ang pagbuhat ug maayo ug ang pagkamanggihatagon, kay ang maong mga halad makapahimuot sa Dios.

Mga Hebreo 3:1

Busa, mga igsoong balaan, nga mga mag-aambit sa langitnon nga pagtawag, hunahuna ninyo si Jesus, ang apostol ug labawng pangulong pari sa atong pagtuo.

Mga Hebreo 4:14

Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.

Mga Hebreo 5:9

Ug sa nahimo siyang hingpit, siya nahimong tuboran sa dayong kaluwasan alang sa tanang magtuman kaniya,

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

Ruth 2:19

Ang iyang ugangan nga babaye miingon kaniya, “Diin ka man manghagdaw karong adlawa? Ug diin man ikaw magtrabaho? Bulahan ang tawo nga mitagad kanimo.” Ug iyang gipahibalo sa iyang ugangan nga babaye kon kinsa ang iyang gitrabahoan ug siya miingon, “Ang ngalan sa tawo nga akong gitrabahoan niining adlawa mao si Boas.”