2 Mga Taga-Corinto 8:7

Ang Biblia 2011

Apan ingon nga milabaw kamo sa tanang butang, sa pagtuo, sa pagpamulong, sa kahibalo, sa hingpit nga pagkamatinud-anon, ug sa inyong gugma alang kanamo, molabaw usab unta kamo niining maong grasya.

Cross References

Mateo 25:22

Ug ang nakadawat ug duha ka talanton miduol usab nga nag-ingon, ‘Ginoo, gihatagan nimo ako ug duha ka talanton, tan-awa, nakaganansya ako ug laing duha ka talanton.’

Roma 15:14

Nagtuo gayod ako mahitungod kaninyo, akong mga igsoon, nga kamo puno sa pagkamaayo, napuno sa tanang kahibalo ug may katakos sa pagtambag sa usa ug usa.

1 Mga Taga-Corinto 1:5

tungod kay diha kaniya kamo nahimong adunahan sa tanang mga butang, sa tanang pagpamulong ug sa tanang kahibalo.

1 Mga Taga-Corinto 12:13

Kay pinaagi sa usa ka Espiritu kitang tanan, mga Judio o mga Grego, mga ulipon o mga gawasnon, gibautismohan ngadto sa usa ka lawas ug kitang tanan gipainom sa usa ka Espiritu.

1 Mga Taga-Corinto 12:8

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

1 Mga Taga-Corinto 13:2

Ug kon ako adunay gahom pagpropesiya, ug makasabot sa tanang mga misteryo ug sa tanang kahibalo, ug kon ako adunay hingpit nga pagtuo nga makapabalhin ug mga bukid, apan walay gugma, ako walay kapuslanan.

1 Mga Taga-Corinto 13:8

Ang gugma dili gayod matapos apan ang mga pagpropesiya mahanaw, ang mga pinulongan mahunong, ang kahibalo mahanaw.

1 Mga Taga-Corinto 14:12

Ingon usab kamo niana, kay nagtinguha man gayod kamo sa mga butang sa Espiritu, paningkamoti nga mahanas kamo alang sa pagpalig-on sa iglesia.

1 Mga Taga-Corinto 4:7

Kay kinsa bay naghimo kanimo nga lahi? Ug unsa bay anaa kanimo nga wala nimo madawat? Ug kon ikaw nakadawat, nganong manghambog man ikaw nga daw wala makadawat?

2 Mga Taga-Corinto 7:7

Ug dili lamang pinaagi sa iyang pag-abot kondili pinaagi usab sa kalipay nga iyang naangkon tungod kaninyo, sa dihang nagsulti siya kanamo mahitungod sa inyong pangandoy, sa inyong kasubo, sa inyong pagkamainiton alang kanako, nga tungod niana misamot ang akong kalipay.

2 Mga Taga-Corinto 8:6

Tungod niini, si Tito among giagda nga padayonon usab niya diha kaninyo ang iyang nasugdan nga buhat sa gugma.

2 Mga Taga-Corinto 9:14

Ug sila mangandoy kaninyo ug mag-ampo alang kaninyo tungod sa hilabihan ka dakong grasya sa Dios diha kaninyo.

2 Mga Taga-Corinto 9:8

Ug ang Dios makahimo sa paghatag sa tanang panalangin nga naghingapin nganha kaninyo, aron kamo makabaton kanunay ug igo sa tanang butang, madagayaon alang sa tanang maayong buhat.

Mga Taga-Efeso 4:29

Kinahanglang walay sulting daotan nga manggula gikan sa inyong baba, kondili kanang maayo lamang nga makapalig-on ug angay sa higayon, aron makahatag kini ug kaayohan ngadto sa mga naminaw.

Mga Taga-Filipos 1:11

puno sa mga bunga sa pagkamatarong pinaagi kang Jesu-Cristo, alang sa himaya ug pagdayeg sa Dios.

Mga Taga-Filipos 1:9

Maoy akong pag-ampo nga unta ang inyong gugma moawas pa gayod uban sa kahibalo ug sa tanang pagpanabot

2 Mga Taga-Tesalonica 1:3

Kinahanglan nga kanunay kaming magpasalamat ngadto sa Dios mahitungod kaninyo, mga igsoon, ingon nga maoy angay, kay ang inyong pagtuo nagtubo man sa hilabihan gayod, ug ang gugma sa matag usa kaninyo nagkadako man alang sa usa ug usa.

2 Timoteo 2:1

Busa ikaw, anak ko, kinahanglan nga magmalig-on ikaw diha sa grasya nga anaa kang Cristo Jesus,

Mga Hebreo 12:28

Busa magpasalamat kita tungod sa atong pagkadawat sa gingharian nga dili matarog ug tungod niana ihalad nato ngadto sa Dios ang makapahimuot nga pagsimba, nga inubanan sa pagtahod ug kahadlok,

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.

Gipadayag 3:17

Kay ikaw nag-ingon, “Ako dato, ako mauswagon ug walay nakulang kanako;” ug wala ka mahibalo nga ikaw alaot, makaluluoy, kabos, buta ug hubo.