2 Mga Taga-Corinto 8:3

Ang Biblia 2011

Kay ako saksi nga sumala sa ilang maabot, ug labaw pa gani, sila mihatag nga kinabubut-on,

Cross References

1 Cronicas 29:9

Unya ang katawhan nangalipay tungod kay nanghatag man sila nga kinabubut-on uban sa tibuok nga kasingkasing, nanghatag sila sa kinabubut-on ngadto sa Ginoo. Si David nga hari nalipay usab pag-ayo.

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Exodo 35:29

Ang tanan nga katawhan sa Israel, mga babaye ug mga lalaki nga gidasig sa ilang mga kasingkasing sa pagdala ug bisan unsa alang sa buluhaton nga gisugo sa Ginoo pinaagi kang Moises aron ilang buhaton, nagdala niini ingon nga ilang kinabubut-ong halad ngadto sa Ginoo.

Exodo 35:5

Gikan kaninyo pagkuha kamo ug usa ka halad alang sa Ginoo. Si bisan kinsa nga manggihatagon ug kasingkasing, padad-a siya alang sa Ginoo ug halad nga bulawan, plata, bronsi,

Marcos 14:8

Gibuhat niya ang iyang mahimo, ang akong lawas gihaplasan niyang daan alang sa paglubong.

Mga Buhat 11:29

Ug ang mga tinun-an nakahukom nga ang matag usa kanila, sumala sa iyang masarangan, magpadala ug hinabang ngadto sa mga kaigsoonan nga nagpuyo sa Judea.

Roma 10:2

Kay saksi ako nila nga sila adunay kasibot alang sa Dios, apan kini maoy kasibot nga wala ipasubay sa kahibalo.

1 Mga Taga-Corinto 16:2

Sa unang adlaw sa matag semana, ang matag usa kaninyo kinahanglang maggahin ug magtigom sumala sa iyang pag-uswag, aron nga inig-abot nako diha dili na kinahanglan mag-amot pa.

1 Mga Taga-Corinto 9:17

Kay kon gibuhat man kini nako sa akong kabubut-on makadawat ako ug ganti, apan kon dili man sa akong kabubut-on, ako gipiyalan ingon nga tinugyanan.

Mga Taga-Galacia 4:15

Unsa may gidangatan niadtong inyong kalipay? Kay ako saksi kaninyo, nga kon mahimo pa, inyo untang lugiton ang inyong mga mata aron inyong ihatag kanako.

Mga Taga-Filipos 2:13

kay ang Dios mao ang naglihok diha kaninyo, sa pagbuot ug sa pagbuhat alang sa iyang ikahimuot.

Mga Taga-Colosas 4:13

Kay ako saksi nga siya naghago pag-ayo alang kaninyo ug alang kanila nga atua sa Laodicea ug sa Hierapolis.

1 Mga Taga-Tesalonica 2:8

Busa tungod sa among mahigugmaong tinguha kaninyo, gikalipay namo ang pagpaambit kaninyo dili lamang sa Maayong Balita sa Dios kondili sa among kaugalingong kinabuhi usab tungod kay kamo nahimo man nga mga minahal namo.

Filemon 1:14

Apan dili ako buot nga magbuhat nga walay pag-uyon gikan kanimo aron ang imong kaayo dili mahimo pinaagi sa pagpugos kondili sa imong kaugalingong kabubut-on.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

1 Pedro 5:2

Atimana ninyo ang panon sa Dios nga anaa diha kaninyo, nga ilalom sa inyong pagbantay, dili ingon nga gipugos kamo kondili sa kinabubut-on sumala sa pagbuot sa Dios gayod, dili alang sa makauulawng pagpanapi kondili inubanan hinuon sa kadasig,