2 Mga Taga-Corinto 8:23

Ang Biblia 2011

Mahitungod kang Tito, siya ang akong katambayayong ug kauban nga magbubuhat alang kaninyo. Ug mahitungod sa ubang mga igsoon, sila mga pinadala gikan sa mga iglesia, himaya alang kang Cristo.

Cross References

Lucas 5:10

ug mao usab sila si Santiago ug Juan, mga anak ni Zebedeo, nga mga kauban ni Simon. Unya si Jesus miingon kang Simon, “Ayaw kahadlok, sukad karon managat na ikaw ug mga tawo.”

Lucas 5:7

gikamay nila ang ilang mga kauban nga didto sa laing sakayan aron moduol ug motabang kanila. Sila nanuol, ug ilang gipuno ang duha ka sakayan nga tungod niana sila nagkaunlod.

Juan 13:16

Sa pagkatinuod gayod, sultihan ko kamo, ang ulipon dili labaw sa iyang agalon o ang sinugo labaw sa nagsugo kaniya.

1 Mga Taga-Corinto 11:7

Dili kinahanglan sa lalaki nga magtabon sa iyang ulo kay dagway ug himaya man siya sa Dios, apan ang babaye mao ang himaya sa lalaki.

2 Mga Taga-Corinto 12:18

Akong gihangyo si Tito sa pag-anha diha, ug gipakuyogan ko siya ug igsoon. Nagpahimulos ba si Tito kaninyo? Dili ba naggawi man kami diha sa mao rang espiritu? Dili ba mao ra man ang among mga lakang?

2 Mga Taga-Corinto 7:6

Apan ang Dios nga naglipay sa mga masulub-on, milipay kanamo pinaagi sa pag-abot ni Tito.

2 Mga Taga-Corinto 8:16

Salamat sa Dios nga nagbutang diha sa kasingkasing ni Tito sa sama ka matinud-anong pagtagad alang kaninyo.

2 Mga Taga-Corinto 8:18

Uban kaniya among gipadala ang igsoon nga nabantog na sa tanang mga iglesia tungod sa iyang pagsangyaw sa Maayong Balita.

2 Mga Taga-Corinto 8:19

Ug dili lamang niini ra, kondili nga kini usab siya gipili sa mga iglesia sa pagpanaw uban kanamo, niining buluhaton sa grasya nga among gidumala alang sa himaya sa Ginoo ug sa among pagkamainiton.

2 Mga Taga-Corinto 8:22

Ug uban kanila kami nagpadala sa among igsoon nga sa makadaghan among namatud-an nga siya matinud-anon sa daghang mga butang. Ug karon misamot pa gani hinuon siya sa pagkamatinud-anon tungod sa iyang pagsalig kaninyo.

2 Mga Taga-Corinto 8:6

Tungod niini, si Tito among giagda nga padayonon usab niya diha kaninyo ang iyang nasugdan nga buhat sa gugma.

Mga Taga-Filipos 2:25

Naghunahuna ako nga kinahanglang paanhaon nako diha kaninyo si Epafrodito nga akong igsoon ug kaubang magbubuhat ug kaubang sundalo ug inyong sinugo ug tig-atiman sa akong mga kinahanglanon,

Mga Taga-Filipos 4:3

Naghangyo usab ako kaninyo akong matuod nga kaubang magbubuhat, tabangi ang maong mga babaye nga naghago uban kanako diha sa Maayong Balita uban kang Clemente ug sa uban nakong mga kaubang magbubuhat nga ang mga ngalan anaa sa basahon sa kinabuhi.

Mga Taga-Colosas 1:7

ingon nga inyo kining nakat-onan gikan kang Epafras nga atong hinigugma nga kaubang ulipon. Siya kasaligan nga alagad ni Cristo alang kanato

1 Mga Taga-Tesalonica 2:2

hinuon, bisan pa ug gidagmalan ug gipakaulawan kami didto sa Filipos, sumala sa inyong nahibaloan, kami magmaisogon diha sa atong Dios sa pagpadayag nganha kaninyo sa Maayong Balita sa Dios atubangan sa dagkong pagsupak.

2 Timoteo 4:10

Kay ako gibiyaan ni Demas tungod sa iyang gugma niining kalibotan karon, ug miadto sa Tesalonica. Si Cresente miadto sa Galacia, si Tito ngadto sa Dalmacia.

Tito 1:4

Alang kang Tito, matuod nakong anak diha sa tinuohan nga atong giusahan: Ang grasya ug kalinaw gikan sa Dios nga Amahan ug kang Cristo Jesus nga atong Manluluwas.

Filemon 1:17

Busa kon giisip man nimo ako ingon nga kauban, dawata siya sama sa imong pagdawat kanako.

Filemon 1:24

ug ingon man usab sila si Marcos, Aristarchus, Demas ug si Lucas nga akong mga kaubang magbubuhat.

3 Juan 1:8

Busa kinahanglan gayod nga atong abiabihon ang maong mga tawo aron mahimo kitang kauban nga magbubuhat sa kamatuoran.