2 Mga Taga-Corinto 7:9

Ang Biblia 2011

Ug sa ingon niana, ako malipayon dili tungod kay kamo nasubo lamang kondili nasubo ngadto sa paghinulsol, kay kamo mibati sa diosnon nga kasubo, ug nga wala diay kami makahimo ug kadaot kaninyo.

Cross References

Salmo 38:18

Nagsugid ako sa akong kalapasan; nasubo ako tungod sa akong sala.

Ecclesiastes 7:3

Ang kasubo maayo pa kay sa katawa, kay tungod sa kasubo sa panagway ang kasingkasing nahimong malipayon.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Mateo 3:8

Pamunga kamo ug mga bunga nga takos sa paghinulsol

Lucas 15:10

Sultihan ko kamo nga sa ingon usab niana adunay kalipay unya sa atubangan sa mga anghel sa Dios tungod sa usa ka makasasala nga maghinulsol.”

Lucas 15:32

Angay gayod ang pagsadya ug paglipay kay kining imong igsoon namatay apan karon nabuhi pag-usab. Siya nawala apan karon nakit-an.’ ”

Lucas 15:7

Sultihan ko kamo nga sa ingon usab niana adunay labaw pa nga kalipay unya didto sa langit tungod sa usa ka makasasala nga maghinulsol kay sa 99 ka tawong matarong nga wala magkinahanglan ug paghinulsol.

Mga Buhat 20:21

nga nagpamatuod sa atubangan sa mga Judio ug sa mga Grego mahitungod sa paghinulsol ngadto sa Dios ug sa pagtuo diha sa atong Ginoong Jesu-Cristo.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 2:16

ngadto sa usa ang kahumot gikan sa kamatayon ngadto sa kamatayon, ug ngadto sa usa ang kahumot gikan sa kinabuhi ngadto sa kinabuhi. Kinsa man ang takos niining mga butanga?

2 Mga Taga-Corinto 7:8

Kay bisan pa kon nakapaguol ako kaninyo tungod niadtong akong sulat, wala na ako magbasol karon, bisan tuod ug gibasolan ko kini kaniadto, kay nasuta ko man nga ang maong sulat nakapaguol kaninyo, sa makadiyot lamang.