2 Mga Taga-Corinto 7:7

Ang Biblia 2011

Ug dili lamang pinaagi sa iyang pag-abot kondili pinaagi usab sa kalipay nga iyang naangkon tungod kaninyo, sa dihang nagsulti siya kanamo mahitungod sa inyong pangandoy, sa inyong kasubo, sa inyong pagkamainiton alang kanako, nga tungod niana misamot ang akong kalipay.

Cross References

Salmo 141:5

Ipahampak o ipabadlong ako sa tawong matarong usa kini ka kaluoy, apan ayaw gayod itugot nga ang lana sa daotan idihog sa akong ulo; kay ang akong pag-ampo kanunay nga batok sa ilang daotang nga buhat.

Salmo 30:5

Kay ang iyang kasuko makadiyot lamang, ug ang iyang kaluoy alang sa tibuok kinabuhi. Ang paghilak mopabilin sa kagabhion, apan ang kalipay moabot uban sa kabuntagon.

Salmo 38:18

Nagsugid ako sa akong kalapasan; nasubo ako tungod sa akong sala.

Salmo 51:1

Kaluy-i intawon ako, O Dios, sumala sa imong gugmang walay paglubad; sumala sa imong dakong kaluoy papasa ang akong mga kalapasan.

Mateo 26:75

Ug si Pedro nahinumdom sa giingon ni Jesus, “Sa dili pa motuktugaok ang manok, ilimod nimo ako sa makatulo.” Ug siya migula ug mihilak sa hilabihang kasakit.

Mateo 5:4

“Bulahan ang mga masulob-on kay sila lipayon.

Lucas 22:44

Samtang nag-antos siya sa hilabihang kasakit, nag-ampo siya nga labaw pa ka mainiton; ug ang iyang singot nahimong sama sa dagkong tulo sa dugo nga nangatagak sa yuta.]

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Roma 1:12

nga sa ato pa, magdinasigay kita pinaagi sa pagtuo sa usa ug usa, sa inyo ug sa ako.

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

2 Mga Taga-Corinto 1:14

ingon nga kamo may nasabtan na, aron kamo makapasigarbo kanamo ingon nga kamo amo unyang ikapasigarbo sa adlaw sa atong Ginoong Jesus.

2 Mga Taga-Corinto 1:4

Siya naglipay kanamo sa tanan namong kasakit aron kami makahimo sa paglipay kanila nga anaa sa bisan unsang kasakit, pinaagi sa paglipay nga niini kami gilipay sa Dios.

2 Mga Taga-Corinto 2:9

Kay ang hinungdan niadtong akong pagsulat mao nga aron mahibaloan nako ang pagkatinuod kon masinugtanon ba gayod kamo sa tanang butang.

2 Mga Taga-Corinto 5:2

Kay dinhi niini kita nagpanghupaw sa atong pagpangandoy nga unta kasul-oban na kita sa atong langitnong puluy-anan,

2 Mga Taga-Corinto 7:6

Apan ang Dios nga naglipay sa mga masulub-on, milipay kanamo pinaagi sa pag-abot ni Tito.

2 Mga Taga-Corinto 7:8

Kay bisan pa kon nakapaguol ako kaninyo tungod niadtong akong sulat, wala na ako magbasol karon, bisan tuod ug gibasolan ko kini kaniadto, kay nasuta ko man nga ang maong sulat nakapaguol kaninyo, sa makadiyot lamang.

2 Mga Taga-Corinto 8:16

Salamat sa Dios nga nagbutang diha sa kasingkasing ni Tito sa sama ka matinud-anong pagtagad alang kaninyo.

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

Mga Taga-Colosas 2:5

Kay bisan tuod ug ako wala diha sa linawas, apan ako anaa uban kaninyo sa espiritu, nagmaya ug nagsud-ong sa inyong kahusay ug sa kalig-on sa inyong pagtuo kang Cristo.

1 Mga Taga-Tesalonica 3:6

Apan karon nga si Timoteo nahibalik na diri kanamo gikan kaninyo, ug nagdala kanamo ug mga maayong balita mahitungod sa inyong pagtuo ug gugma, ug sa balita nga kamo sa kanunay adunay maayong paghandom kanamo ug nangandoy sa pagpakigkita kanamo, sama nga kami usab kaninyo.

1 Mga Taga-Tesalonica 3:8

Kay buhi kami karon kon kamo malig-ong nagbarog diha sa Ginoo.

Mga Hebreo 2:1

Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini.

Santiago 5:17

Si Elias usa ka tawo nga sama kanato ug kinaiya, ug sa iyang pag-ampo, siya nag-ampo nga dili unta mag-ulan, ug wala kini moulan sa yuta sulod sa tulo ka tuig ug unom ka bulan.

2 Juan 1:4

Nalipay gayod ako pag-ayo kay akong nakita ang imong mga anak nga nagkinabuhi diha sa kamatuoran, sumala sa sugo nga atong nadawat gikan sa Amahan.

Judas 1:3

Mga hinigugma, maikagon gayod ako sa pagsulat kaninyo mahitungod sa atong gikausahang kaluwasan, kay gikinahanglan ang pagsulat nako aron pagdasig kaninyo sa pagpakigbisog alang sa pagtuo nga makausa lamang itugyan ngadto sa mga balaan.