2 Mga Taga-Corinto 7:2

Ang Biblia 2011

Hatagi kami ug luna diha kaninyo; wala kami magbuhat ug sayop kang bisan kinsa, wala kami mangdaot ug wala kami mamintaha.

Cross References

Numeros 16:15

Si Moises nasuko pag-ayo ug miingon sa Ginoo, “Ayaw tagda ang ilang halad! Wala ako magkuha bisan usa ka asno gikan kanila o magdaot sa usa kanila.”

Mateo 10:14

Kon kamo dili dawaton ni bisan kinsa ug dili pamation ang inyong mga pulong, itaktak ang mga abog gikan sa inyong mga tiil sa pagbiya ninyo sa maong balay o lungsod.

Mateo 10:40

“Ang nagdawat kaninyo nagdawat kanako ug ang nagdawat kanako nagdawat sa nagpadala kanako.

Lucas 10:8

Sa diha nga mosulod kamo ug usa ka lungsod ug sila modawat kaninyo, kaon kamo sa bisan unsa nga ilang idulot kaninyo.

Mga Buhat 20:33

Wala ako maibog sa plata o bulawan o bisti ni bisan kinsa.

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:16

Sublion ko ang pag-ingon, ayaw ipaisip ni bisan kinsa nga ako buangbuang; apan bisan kon inyo man ako nga isipon nga ingon, dawata ako ingon nga buangbuang aron ako usab makapasigarbo hinuon ug diyotay.

2 Mga Taga-Corinto 11:9

Ug sa diha nga ako uban kaninyo ug nakabsan sa mga kinahanglanon, wala ako maghasol kang bisan kinsa, kay ang akong mga gikinahanglan gihatag man kanako sa mga igsoon nga nangabot gikan sa Macedonia. Busa ako naglikay ug magpadayon sa paglikay sa paghasol kaninyo sa bisan unsang paagi.

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

Mga Taga-Filipos 2:29

Busa dawata siya ninyo diha sa Ginoo uban sa tanang kalipay ug pasidunggi ninyo ang maong mga tawo,

Mga Taga-Colosas 4:10

Si Aristarco nga akong kauban nga binilanggo nangumosta kaninyo, ug si Marcos nga ig-agaw ni Bernabe (mahitungod kaniya, kamo nakadawat na ug mga tugon, dawata ninyo siya kon moabot man siya kaninyo),

1 Mga Taga-Tesalonica 2:10

Mga saksi kamo, ug ang Dios usab, unsa ka balaanon ug matarong ug dili masaway ang among paggawi nganha kaninyo nga mga magtutuo.

Filemon 1:12

Gipabalik nako siya nganha kanimo, uban gayod sa akong kasingkasing.

Filemon 1:17

Busa kon giisip man nimo ako ingon nga kauban, dawata siya sama sa imong pagdawat kanako.

2 Juan 1:10

Kon adunay moanha kaninyo ug wala magdala sa maong pagtulun-an, ayaw ninyo siya padayona sa inyong balay ug ayaw ninyo siya ug abiabiha,