2 Mga Taga-Corinto 7:15

Ang Biblia 2011

Ug ang iyang pagbati misamot alang kaninyo sa dihang mahinumduman niya ang pagkamasinugtanon ninyong tanan ug ang kataha ug ang pagkamatinahuron nga inyong gipakita sa inyong pagdawat kaniya.

Cross References

Genesis 43:30

Unya si Jose midali pagbiya kay ang iyang kasingkasing nangandoy alang sa iyang igsoon, ug nangita siya ug dapit aron sa paghilak. Ug misulod siya sa iyang lawak ug mihilak siya didto.

1 Mga Hari 3:26

Unya ang babaye nga tag-iya sa buhing bata misulti sa hari kay ang iyang kasingkasing nangandoy sa iyang anak, “O akong agalon, ihatag kaniya ang buhing bata ug ayaw intawon kini patya.” Apan ang usa miingon, “Kana dili maako o maimo. Bahina kana!”

Esdras 10:9

Unya ang tanang mga tawo sa Juda ug sa Benjamin nagtigom didto sa Jerusalem sulod sa tulo ka adlaw. Kadto mao ang ikasiyam nga bulan, sa ika-20 nga adlaw sa bulan. Ug ang tibuok nga katawhan nanglingkod sa hawanan atubangan sa balay sa Dios, nagkurog tungod niining maong butang ug tungod sa kusog ulan.

Esdras 9:4

Unya ang tanan nga nagkurog tungod sa mga pulong sa Dios sa Israel, tungod sa pagkamalapason sa mga nahiuli gikan sa pagkabinihag, nag-alirong kanako samtang ako naglingkod nga nalibog hangtod sa haponon nga paghalad.

Job 21:6

Kon ako maghunahuna niini, maluya ako, ug ang pagpangurog mohakop sa akong unod.

Salmo 119:120

Ang akong unod mikurog tungod sa kahadlok kanimo, ug ako nahadlok sa imong mga paghukom.

Salmo 2:11

Alagari ang Ginoo uban ang kahadlok; uban ang pagkurog,

Awit sa mga Awit 5:4

Ang akong hinigugma mibutang sa iyang kamot diha sa buho sa pultahan, ug natandog ang akong kasingkasing alang kaniya.

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Juan 16:21

Ang babaye, sa dihang siya magbati, siya mag-antos sa kasakit kay miabot na man ang iyang takna. Apan sa dihang mahimugso na ang iyang anak, dili na siya mahinumdom sa kasakit tungod sa kalipay nga nahimugso sa kalibotan ang usa ka tawo.

Mga Buhat 16:29

Ug siya nangayo ug suga ug midali pagsulod, ug mihapa nga nagkurog sa atubangan ni Pablo ug ni Silas.

1 Mga Taga-Corinto 2:3

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

2 Mga Taga-Corinto 2:9

Kay ang hinungdan niadtong akong pagsulat mao nga aron mahibaloan nako ang pagkatinuod kon masinugtanon ba gayod kamo sa tanang butang.

2 Mga Taga-Corinto 6:12

Wala kami magkulang kaninyo, kamo hinuon ang nagkulang sa inyong pagbati.

Mga Taga-Efeso 6:5

Kamong mga ulipon, kinahanglang magmasinugtanon sa inyong mga tawhanong agalon uban ang pagtahod ug kahadlok sa tibuok ninyong kasingkasing, sama ngadto kang Cristo.

Mga Taga-Filipos 1:8

Kay ang Dios mao ang akong saksi, nga ako gimingaw gayod kaninyong tanan uban sa pagbati ni Cristo Jesus.

Mga Taga-Filipos 2:12

Busa, akong mga hinigugma, ingon nga kamo sa kanunay mituman, dili lamang sa panahon nga anaa ako kaninyo, kondili labaw pa gani sa panahon usab nga wala ako diha kaninyo, panglimbasogi ninyo ang inyong kaugalingong kaluwasan uban ang kahadlok ug pagkurog,

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

2 Mga Taga-Tesalonica 3:14

Kon aduna may magdumili sa pagtuman sa among gisulti niining sulata, timan-i ninyo kanang tawhana ug ayaw pakig-uban kaniya aron siya mobati ug kaulaw.

1 Juan 3:17

Apan si bisan kinsa nga adunay mga butang alang sa panginabuhi dinhi sa kalibotan, ug makakita sa iyang igsoon nga anaa sa kawalad-on ug unya magtak-op sa iyang kasingkasing, unsaon man sa pagpabilin diha kaniya sa gugma sa Dios?