2 Mga Taga-Corinto 7:11

Ang Biblia 2011

Kay tan-awa unsa kamatinud-anon ang misangpot diha kaninyo tungod sa inyong diosnon nga pagkasubo, unsa kaikag pagpanalipod, kasuko, kahadlok, tinguha, pagkamainiton, pagsilot! Sa kinatibuk-an kamo nakapamatuod nga kamo dili sad-an sa maong butang.

Cross References

Nehemias 13:25

Ug ako nakiglalis kanila ug nagtunglo kanila, ug gibunalan nako ang pipila kanila ug gilarot ang ilang mga buhok ug akong gipapanumpa sila sa ngalan sa Dios, nga nag-ingon, “Ayaw ninyo ihatag ang inyong mga anak nga babaye ngadto sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki o alang sa inyong kaugalingon.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Salmo 119:139

Ang akong kasibot miut-ot kanako, tungod kay ang akong mga kabatok nangalimot sa imong mga pulong.

Salmo 130:6

ang akong kalag naghulat sa Ginoo, labaw sa mga tawong nagtukaw alang sa kabuntagon, labaw sa mga tawong nagtukaw alang sa kabuntagon.

Salmo 145:19

Siya magtuman sa tinguha sa tanan nga may kahadlok kaniya, siya usab mamati sa ilang pagtuaw ug magluwas kanila.

Salmo 2:11

Alagari ang Ginoo uban ang kahadlok; uban ang pagkurog,

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Salmo 38:9

Ginoo, anaa sa imong atubangan ang tanan nakong tinguha; ang akong pag-agulo wala matago gikan kanimo.

Salmo 42:1

Ingon nga ang lagsaw nangandoy sa tubig sa kasapaan, ang akong kalag usab nangandoy kanimo, O Dios.

Salmo 69:9

Kay ang pagkamainiton alang sa imong balay milukop kanako, ug ang mga pagpakaulaw nila nga nagpakaulaw kanimo ania madakdak kanako.

Mga Panultihon 14:16

Ang usa ka tawong maalamon mabinantayon ug molikay sa daotan, apan ang buangbuang mosalikway sa pagpugong ug mapasagaron.

Mga Panultihon 28:14

Bulahan ang tawo nga may kahadlok kanunay sa Ginoo, apan siya nga nagpagahi sa iyang kasingkasing mahulog ngadto sa katalagman.

Awit sa mga Awit 8:6

Ipahimutang ako ingon nga patik sa imong kasingkasing, ingon nga patik sa imong bukton; kay ang gugma kusgan sama sa kamatayon, ang pangabubho bangis sama sa lubnganan. Ang mga pangidlap niini pangidlap sa kalayo, kalayo nga nagdilaab sa hilabihan.

Isaias 26:8

Diha sa dalan sa imong mga paghukom, O Ginoo, kami naghulat kanimo; ang imong ngalan nga halandomon mao ang tinguha sa among kalag.

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Daniel 6:14

Unya ang hari, sa pagkadungog niya niining mga pulonga, nasubo pag-ayo ug naghunahuna sa pagluwas kang Daniel ug siya naningkamot hangtod sa pagkasalop sa adlaw aron sa pagluwas kaniya.

Marcos 3:5

Sa gilibot niya ug sud-ong sila uban ang kasuko, nasubo tungod sa kagahi nila ug kasingkasing, miingon siya sa tawo, “Ituy-od ang imong kamot.” Gituy-od niya kini ug ang iyang kamot naulian.

Juan 2:17

Ug ang iyang mga tinun-an nahinumdom nga kini nasulat, “Ang mainitong pagbati alang sa imong balay maglamoy kanako.”

Mga Buhat 17:16

Samtang si Pablo nagpaabot kanila didto sa Atenas, ang iyang espiritu sa sulod niya nasuko sa iyang pagkakita nga ang siyudad napuno sa mga diosdios.

Roma 11:20

Tinuod kana. Sila gipamali tungod sa ilang pagkadili matinuohon, apan mibarog ka tungod sa imong pagtuo. Apan ayaw pagpagarbo, hinuon pagmahadlokon.

Roma 14:18

Busa siya nga nag-alagad kang Cristo kahimut-an sa Dios ug uyonan sa mga tawo.

Roma 3:5

Apan kon ang atong pagkadaotan magpakita sa pagkamatarong sa Dios, unsa may atong ikasulti? Nga dili matarong ang Dios sa pagpahamtang kanato ug kapungot? (Nagsulti ako sa tawhanong paagi.)

1 Mga Taga-Corinto 12:25

aron walay pagkabahin diha sa lawas, hinuon aron ang mga bahin niini makaangkon sa samang pagtagad alang sa usa ug usa.

1 Mga Taga-Corinto 5:13

Ang Dios mao ang maghukom kanila nga anaa sa gawas. “Papahawaa gikan sa inyong taliwala kanang tawong daotan.”

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

2 Mga Taga-Corinto 13:7

Apan kami nag-ampo sa Dios nga unta dili kamo magbuhat ug daotan, dili aron sa pagpakita nga kami maayo gayod kondili nga aron unta kamo magbuhat sa matarong bisan kami daw nangapakyas.

2 Mga Taga-Corinto 2:6

Alang sa maong tawo, igo na ang silot nga gipahamtang kaniya sa kadaghanan kaninyo,

2 Mga Taga-Corinto 6:4

Apan ingon nga mga alagad sa Dios kami nagpamatuod sa among kaugalingon: diha sa tumang pagkamalahutayon, diha sa mga kasakitan, sa mga kawalad-on, sa mga kalisdanan,

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

2 Mga Taga-Corinto 7:7

Ug dili lamang pinaagi sa iyang pag-abot kondili pinaagi usab sa kalipay nga iyang naangkon tungod kaninyo, sa dihang nagsulti siya kanamo mahitungod sa inyong pangandoy, sa inyong kasubo, sa inyong pagkamainiton alang kanako, nga tungod niana misamot ang akong kalipay.

2 Mga Taga-Corinto 7:9

Ug sa ingon niana, ako malipayon dili tungod kay kamo nasubo lamang kondili nasubo ngadto sa paghinulsol, kay kamo mibati sa diosnon nga kasubo, ug nga wala diay kami makahimo ug kadaot kaninyo.

2 Mga Taga-Corinto 9:2

kay ako nasayod man sa inyong pagkamainiton, nga tungod niini gipasigarbo ko kamo ngadto sa mga tawo sa Macedonia nga ang Acaya andam na sukad pa sa miaging tuig, ug ang inyong kaikag nakapadasig sa kadaghanan kanila.

Mga Taga-Efeso 4:26

Kasuko kamo apan ayaw pagpakasala tungod niini, ayaw pasalopi sa adlaw ang inyong kasuko,

Mga Taga-Efeso 5:11

Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini.

Mga Taga-Filipos 2:12

Busa, akong mga hinigugma, ingon nga kamo sa kanunay mituman, dili lamang sa panahon nga anaa ako kaninyo, kondili labaw pa gani sa panahon usab nga wala ako diha kaninyo, panglimbasogi ninyo ang inyong kaugalingong kaluwasan uban ang kahadlok ug pagkurog,

1 Mga Taga-Tesalonica 4:6

nga walay bisan kinsa nga maglapas ug mamintaha sa iyang igsoon sa bisan unsang butang. Kay ang Ginoo mao ang tigpanimalos mahitungod niining tanan sumala sa among hugot nga gipasidaan ug gipamatud-an kaninyo.

1 Timoteo 5:20

Mahitungod niadtong nagpadayon sa pagpakasala, badlonga sila sa atubangan sa tanan aron ang uban makabaton ug kahadlok.

2 Timoteo 2:15

Paningkamoti pag-ayo ang pagpakita sa imong kaugalingon ngadto sa Dios ingon nga iyang nahimut-an, usa ka magbubuhat nga dili maulaw, nga sa hustong paagi magpasabot sa pulong sa kamatuoran.

Tito 3:8

Ang maong pulong kasaligan. Ug nanghinaot ako nga ikaw lig-on nga magpamatuod niining mga butanga, aron ang mga nagtuo sa Dios magtinguha sa pagbuhat kanunay sa mga maayong buhat. Kining mga butanga maayo ug mapuslanon sa mga tawo.

Mga Hebreo 4:1

Busa angay kitang mahadlok, samtang nagpadayon pa ang saad sa pagsulod ngadto sa iyang kapahulayan, tingali unya ug aduna kaninyoy maisip nga wala makakab-ot niini.

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

1 Pedro 1:17

Ug kon gitawag man ninyo nga Amahan siya nga sa walay pagdapig maghukom sa matag tawo sumala sa iyang binuhatan, paggawi kamo uban sa kahadlok sulod sa panahon sa inyong pagpuyo ingon nga mga dumuduong dinhi sa yuta.

1 Pedro 2:2

sama sa mga bata nga bag-o pang nahimugso, tinguhaa ninyo ang espirituhanong gatas nga walay sagol, aron nga pinaagi niini kamo motubo ngadto sa kaluwasan,

Judas 1:23

luwasa ninyo ang uban pinaagi sa pagsakmit kanila gikan sa kalayo, ang uban kaluy-i ninyo uban sa kahadlok, dumtan bisan pa ang bisti nga nabulingan sa ilang lawas.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.