2 Mga Taga-Corinto 6:6

Ang Biblia 2011

sa kaputli, sa kahibalo, sa pagpailob, sa pagkamaluluy-on, sa Espiritu Santo, sa matuod nga gugma,

Cross References

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

1 Mga Taga-Corinto 12:8

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

1 Mga Taga-Corinto 13:4

Ang gugma mapailobon ug maluluy-on. Ang gugma dili masinahon, dili manghambog.

1 Mga Taga-Corinto 2:16

“Kay kinsa ba ang nakasabot sa hunahuna sa Ginoo aron motudlo kaniya?” Apan atong nabatonan ang hunahuna ni Cristo.

1 Mga Taga-Corinto 2:4

Ang akong pulong ug pagwali dili pinaagi sa madanihong mga pulong sa kaalam kondili diha sa pagpadayag sa Espiritu ug sa gahom,

2 Mga Taga-Corinto 1:23

Apan ako nagtawag sa Dios ingon nga saksi batok sa akong kinabuhi—aron malikay kamo sa kasakit wala na lang ako moanha diha sa Corinto.

2 Mga Taga-Corinto 11:11

Ngano man? Tungod ba kay wala ako mahigugma kaninyo? Ang Dios nasayod.

2 Mga Taga-Corinto 11:4

Kay maayo man kaayo kamong motubay kon adunay motungha nga magwali ug Jesus nga lahi sa among giwali, ug dali ra kaayo kamong modawat ug lahi nga espiritu kay sa inyong nadawat ug lahi nga maayong balita kay sa inyong gidawat.

2 Mga Taga-Corinto 11:6

Ug bisan ako dili batid nga mamumulong, apan sa kahibalo wala ako makulangi, hinuon sa tanang paagi kini gipakita na namo kaninyo diha sa tanang mga butang.

2 Mga Taga-Corinto 12:15

Apan ikalipay gayod nako nga ako mogasto ug magasto alang sa inyong mga kalag. Kon milabaw man kadako ang akong paghigugma kaninyo, mogamay ba diay ang inyong paghigugma kanako tungod niini?

2 Mga Taga-Corinto 13:10

Busa ako nagsulat niining mga butanga samtang layo ako kaninyo aron nga sa pag-anha unya nako, dili na unta kinahanglan nga magmahigpit pa ako sa akong paggamit sa kagahom nga gihatag kanako sa Ginoo alang sa paglig-on ug dili sa paglumpag.

2 Mga Taga-Corinto 2:10

Ug bisan kinsa nga inyong gipasaylo, gipasaylo usab nako. Unsay akong gipasaylo, kon aduna man akoy gipasaylo, gihimo nako tungod ug alang kaninyo diha sa atubangan ni Cristo

2 Mga Taga-Corinto 2:4

Kay nagsulat ako kaninyo gikan sa tumang kasakit ug kahigwaos sa kasingkasing, uban sa daghang mga luha, dili aron sa pagpaguol kaninyo kondili aron mahibalo kamo sa kadagaya sa akong gugma alang kaninyo.

2 Mga Taga-Corinto 3:3

ug napadayag nga kamo mao ang usa ka sulat ni Cristo, among gihatod, sinulat dili pinaagi sa tinta kondili sa Espiritu sa Dios nga buhi, dili diha sa mga papan nga bato kondili diha sa mga papan sa kasingkasing nga unodnon.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

2 Mga Taga-Corinto 7:2

Hatagi kami ug luna diha kaninyo; wala kami magbuhat ug sayop kang bisan kinsa, wala kami mangdaot ug wala kami mamintaha.

Mga Taga-Galacia 3:2

Kini lamang ang buot nako nga masayran gikan kaninyo: Pinaagi ba sa mga buhat sa Balaod kamo nagdawat sa Espiritu o pinaagi ba sa pagpamati uban sa pagtuo?

Mga Taga-Galacia 3:5

Siya nga naghatag kaninyo sa Espiritu ug nagbuhat sa mga milagro diha kaninyo, naghimo ba kaninyo niini tungod sa mga buhat sa Balaod o tungod ba sa pagpamati uban sa pagtuo?

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Efeso 3:4

Sa inyong pagbasa niini kamo makasuta sa akong pagsabot sa tinago mahitungod kang Cristo.

Mga Taga-Efeso 4:2

uban ang tanang pagpaubos ug kaaghop, uban sa pailob, mag-inantosay sa usa ug usa diha sa gugma,

Mga Taga-Efeso 4:32

apan pagmaluluy-on kamo sa usa ug usa, ug lumo ug kasingkasing, mapinasayloon sa usa ug usa, ingon nga kamo gipasaylo sa Dios tungod kang Cristo.

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

Mga Taga-Colosas 2:3

Diha kaniya natago ang tanang bahandi sa kaalam ug kahibalo.

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

1 Mga Taga-Tesalonica 2:10

Mga saksi kamo, ug ang Dios usab, unsa ka balaanon ug matarong ug dili masaway ang among paggawi nganha kaninyo nga mga magtutuo.

1 Timoteo 4:12

Ayaw itugot nga adunay magtamay sa imong pagkabatan-on, hinuon alang sa mga magtutuo, pagkinabuhi ingon nga panag-ingnan diha sa sinultihan, sa paggawi, sa gugma, sa pagtuo, sa kaputli.

1 Timoteo 5:2

ang mga babayeng gulang ingon nga mga inahan ug ang mga batan-ong babaye ingon nga mga igsoon diha sa tanang kaputli.

2 Timoteo 3:10

Apan ikaw nakasunod pag-ayo sa akong pagpanudlo, sa paggawi, sa tumong sa kinabuhi, sa pagtuo, sa pagkamainantoson, sa gugma, sa pagkamalahutayon,

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.

Tito 2:7

Sa tanang butang ipakita ang imong kaugalingon ingon nga panag-ingnan sa maayong binuhatan, diha sa pagpanudlo ipakita ang kaputli, kaligdong ug

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

1 Pedro 1:12

Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Juan 3:18

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

Mga Maghuhukom 16:15

Ug si Delaila miingon kaniya, “Unsaon nimo sa pag-ingon, ‘Ako nahigugma kanimo,’ kon ang imong kasingkasing wala kanako? Imo akong gibugalbugalan sa makatulo ug wala ikaw mosugilon kanako kon diin magsukad ang imong dakong kusog.”