2 Mga Taga-Corinto 6:5

Ang Biblia 2011

sa mga pagbunal, sa pagkabilanggo, sa mga kagubot, sa mga kahago, sa mga pagtukaw, sa kagutom,

Cross References

1 Mga Hari 22:27

ug ingna, ‘Mao kini ang gisulti sa hari, “Ibutang kining tawhana sa bilanggoan ug hatagi lamang siya ug gamayng pan ug diyotayng tubig, hangtod sa akong pagbalik nga malinawon.” ’ ”

2 Cronicas 16:10

Unya si Asa nasuko sa propeta ug gibalhog siya sa bilanggoan kay kini nasuko kaniya tungod niining butanga. Ug gipahiagom ni Asa sa kabangis ang ubang katawhan sa maong panahon.

Isaias 53:5

Apan siya gisamaran tungod sa atong kalapasan, napangos siya tungod sa atong mga kasal-anan, diha kaniya ang silot nga naghimo kanato nga bug-os, ug pinaagi sa iyang mga labod kita nangaayo.

Jeremias 33:1

Ang pulong sa Ginoo midangat kang Jeremias sa ikaduhang higayon samtang gibilanggo pa siya didto sa hawanan sa mga bantay,

Jeremias 38:6

Busa gikuha nila si Jeremias ug gitambog ngadto sa atabay ni Malkias nga anak sa hari, nga didto sa hawanan sa mga bantay, gitunton si Jeremias pinaagi sa mga pisi. Ug walay tubig sa atabay kondili lapok lamang, ug si Jeremias naunlod sa lapok.

Ezequiel 3:17

“Anak sa tawo, gihimo ko ikaw nga tigbantay alang sa balay sa Israel. Sa dihang makadungog ikaw ug pulong gikan sa akong baba, hatagi sila sa pasidaan gikan kanako.

Mateo 14:10

Ug iyang gipaadtoan ug gipaputlan sa ulo si Juan sulod sa bilanggoan.

Mateo 14:3

Si Herodes mao ang nagpadakop kang Juan, iyang gipagapos siya ug gipabilanggo tungod kang Herodias nga asawa ni Felipe nga igsoon ni Herodes

Mateo 9:15

Ug si Jesus miingon kanila, “Mahimo ba diayng magsubo ang mga dinapit sa kasal samtang ang nabana anaa pa uban kanila? Apan ang mga adlaw moabot nga ang nabana kuhaon na gikan kanila ug unya magpuasa na sila.

Mga Buhat 13:3

Unya human sila makapuasa ug makaampo, ilang gipandong ang ilang mga kamot kanila ug gipagikan sila.

Mga Buhat 14:19

Apan may mga Judio nga nangabot didto gikan sa Antioquia ug sa Iconio. Ug sa nadani na nila ang mga tawo, ilang gibato si Pablo ug giguyod paingon sa gawas sa siyudad, sa pagdahom nga siya patay na.

Mga Buhat 14:23

Ug sa nakatudlo na sila ug mga kadagkoan alang kanila diha sa matag iglesia, pinaagi sa pag-ampo ug mga pagpuasa, ilang gitugyan sila ngadto sa Ginoo nga ilang gituohan.

Mga Buhat 17:5

Apan ang mga Judio nasina, ug sa nakakuha sila ug mga bugoy sa merkado, ug nakapundok ug mga tawo, ilang gigubot ang siyudad. Ug ilang gisulong ang balay ni Jason sa pagpangita kang Pablo ug Silas aron ilang dad-on ngadto sa katawhan.

Mga Buhat 20:31

Busa pagbantay kamo ug hinumdomi ninyo nga sulod sa tulo ka tuig, sa adlaw ug gabii, wala ako mohunong sa pagpahimangno sa matag usa kaninyo uban sa luha.

Mga Buhat 23:10

Sa diha nga misamot kainit ang panaglalisay, ang komandante nga nahadlok nga kuniskunison si Pablo, misugo sa mga sundalo sa pagkanaog ug sa pagkuha kaniya pinaagi sa kusog gikan kanila ug sa pagdala kaniya ngadto sa kampo.

Mga Buhat 23:35

siya miingon kaniya, “Pamation ko ikaw inig-abot na sa mga nagsumbong kanimo.” Ug siya nagsugo nga pabantayan siya didto sa palasyo ni Herodes.

Mga Buhat 24:27

Apan sa dihang milabay ang duha ka tuig, si Felix gipulihan ni Porcio Festo, ug sa tinguha sa pagpahimuot sa mga Judio, si Felix mibiya kang Pablo nga binilanggo.

Mga Buhat 26:10

Ug mao kini ang akong gibuhat didto sa Jerusalem. Gibilanggo nako ang daghan sa mga balaan ingon nga nakadawat ako ug kagahom gikan sa mga pangulong pari, ug sa diha nga gipamatay sila ako mihatag sa akong pag-uyon batok kanila.

Mga Buhat 26:29

Ug si Pablo miingon, “Sa mubo o taas, nag-ampo ako sa Dios nga dili lamang ikaw ra kondili ang tanan usab nga nakadungog kanako karong adlawa mahimo untang sama kanako, gawas niining mga kadena.”

Mga Buhat 28:30

Ug si Pablo mipuyo didto sulod sa tibuok duha ka tuig, pinaagi sa iyang kaugalingong gasto, ug nag-abiabi sa tanang miadto kaniya.

Mga Buhat 5:18

ug ilang gidakop ang mga apostoles ug gibutang sa bilanggoan sa lungsod.

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Mga Taga-Corinto 4:11

Hangtod karon, kami gigutom ug giuhaw, nagkagidlay, dinagmalan, walay kaugalingong mga puluy-anan,

1 Mga Taga-Corinto 7:5

Ayaw hikawi ang usa ug usa gawas kon magsabot kamo alang sa usa ka panahon, aron sa paggahin ug panahon sa pag-ampo, ug pagduol na usab kamo aron dili kamo matintal ni Satanas tungod sa kakulang ninyo ug pagpugong sa kaugalingon.

2 Mga Taga-Corinto 11:27

sa kakapoy ug sa kalisod, sa kanunay nga pagtukaw sa kagabhion, sa kagutom ug sa kauhaw, sa kanunay nga dili makakaon, sa katugnaw ug sa kahubo.

Mga Taga-Efeso 3:1

Tungod niining maong hinungdan, ako, si Pablo, binilanggo ni Cristo Jesus tungod ug alang kaninyo nga mga Gentil,

Deuteronomio 25:3

40 ka lapdos ang ipahamtang kaniya apan dili molabaw kay tingali unya kon adunay mobunal kaniya ug labaw pa niini, maulawan unya ang imong igsoon diha sa imong panan-aw.

Mga Taga-Filipos 1:13

nga tungod niana nahibaloan na sa tibuok palasyo ug sa uban pa nga ang akong pagkabilanggo alang kang Cristo.

1 Mga Taga-Tesalonica 2:9

Kay kamo, mga igsoon, mahinumdom sa among paghago ug pagbudlay samtang kami nagwali kaninyo sa Maayong Balita sa Dios, kami usab naghago sa gabii ug sa adlaw aron kami dili makahatag ug kabug-at kang bisan kinsa kaninyo.

1 Timoteo 4:10

Kay tungod niini kita naghago ug nanglimbasog, kay ato mang gipahimutang ang atong paglaom diha sa buhing Dios, nga mao ang Manluluwas sa tanang tawo, ilabina gayod sa mga nagtuo.

2 Timoteo 1:8

Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios

2 Timoteo 2:9

nga tungod niini ako nag-antos bisan ngadto sa pagkaginapos sama sa usa ka tigbuhat ug daotan. Apan ang pulong sa Dios dili ginapos.

2 Timoteo 4:5

Apan ikaw, pagbantay sa tanang panahon, antosa ang mga kasakitan, buhata ang katungdanan sa usa ka magsasangyaw sa Maayong Balita, tumana ang imong buluhaton.

Mga Hebreo 11:36

Ang uban nag-antos sa mga pagbiaybiay ug mga bunal, ug bisan pa gani sa mga gapos ug sa mga pagbilanggo.

Mga Hebreo 13:17

Pagmasinugtanon kamo sa inyong mga pangulo, ug pagpailalom kamo kanila, kay sila nagtukaw alang sa inyong mga kalag, ingon nga sila mga tawo nga unya maghatag ug husay, aron ang ilang buluhaton himoon nila uban sa kalipay, dili uban sa kasubo, kay kini dili man makahatag kaninyo ug kaayohan.

Mga Hebreo 13:23

Hibaloi ninyo nga ang atong igsoon nga si Timoteo gibuhian na. Kon siya mahiuli man sa dili madugay, uban kaniya ako makigkita kaninyo.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.