2 Mga Taga-Corinto 6:4

Ang Biblia 2011

Apan ingon nga mga alagad sa Dios kami nagpamatuod sa among kaugalingon: diha sa tumang pagkamalahutayon, diha sa mga kasakitan, sa mga kawalad-on, sa mga kalisdanan,

Cross References

Isaias 61:6

apan kamo tawgon nga mga pari sa Ginoo, ang mga tawo motawag kaninyo nga mga alagad sa atong Dios; kamo magkaon sa bahandi sa kanasoran, ug sa ilang kadato kamo maghimaya.

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Joel 2:17

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Lucas 21:19

Pinaagi sa inyong pagkamalahutayon, maangkon ninyo ang inyong mga kinabuhi.

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Mga Buhat 20:34

Kamo gayod nahibalo nga kining mga kamota maoy nag-atiman alang sa akong mga panginahanglan ug sa akong mga kauban.

Mga Buhat 9:16

kay ipakita nako kaniya kon unsa ka daghan ang kinahanglan niyang antoson tungod sa akong ngalan.”

Roma 14:18

Busa siya nga nag-alagad kang Cristo kahimut-an sa Dios ug uyonan sa mga tawo.

Roma 16:10

Ipangumosta ako kang Apeles nga namatud-an diha kang Cristo. Ipangumosta ako sa mga sakop sa banay ni Aristobulo.

Roma 3:5

Apan kon ang atong pagkadaotan magpakita sa pagkamatarong sa Dios, unsa may atong ikasulti? Nga dili matarong ang Dios sa pagpahamtang kanato ug kapungot? (Nagsulti ako sa tawhanong paagi.)

Roma 5:8

Apan ang Dios nagpadayag sa iyang gugma alang kanato pinaagi niini, nga bisan sa mga makasasala pa kita, si Cristo nagpakamatay alang kanato.

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

1 Mga Taga-Corinto 4:1

Busa ipaisip kami sa tawo ingon nga mga sulugoon ni Cristo ug mga piniyalan sa mga misteryo sa Dios.

1 Mga Taga-Corinto 9:11

Kon kami nagpugas ug butang nga espirituhanon diha kaninyo, dako ra ba diay kon kami moani ug mga butang gikan ninyo?

2 Mga Taga-Corinto 11:23

Mga alagad ba sila ni Cristo? Labaw pa ako (nagsulti ako ingon nga buangbuang), labaw pa ka dako ang akong mga pagbudlay, labaw ka daghan ang akong pagkabilanggo, dili maihap ang mga pagbunal ug sa makadaghan nag-ungaw sa kamatayon.

2 Mga Taga-Corinto 11:27

sa kakapoy ug sa kalisod, sa kanunay nga pagtukaw sa kagabhion, sa kagutom ug sa kauhaw, sa kanunay nga dili makakaon, sa katugnaw ug sa kahubo.

2 Mga Taga-Corinto 11:9

Ug sa diha nga ako uban kaninyo ug nakabsan sa mga kinahanglanon, wala ako maghasol kang bisan kinsa, kay ang akong mga gikinahanglan gihatag man kanako sa mga igsoon nga nangabot gikan sa Macedonia. Busa ako naglikay ug magpadayon sa paglikay sa paghasol kaninyo sa bisan unsang paagi.

2 Mga Taga-Corinto 12:10

Busa tungod kang Cristo ikalipay nako ang mga kaluyahon, mga pagbugalbugal, mga kalisdanan, mga paglutos ug mga kasakitan kay sa diha nga luya ako, lig-on hinuon ako.

2 Mga Taga-Corinto 12:12

Ang mga ilhanan sa pagka-apostol nahimo sa taliwala ninyo diha sa akong hingpit nga pailob, inubanan sa mga ilhanan ug mga katingalahan ug mga milagro.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 3:6

nga mao ang naghimo kanamong takos nga alagad sa bag-ong kasabotan, dili sa nasulat kondili sa Espiritu kay ang nasulat makamatay, apan ang Espiritu maghatag ug kinabuhi.

2 Mga Taga-Corinto 4:17

Kay kining gaan ug lumalabay nga kasakit modangat ngadto sa hilabihan gayod kadako ug walay sukod nga gibug-aton sa himaya alang kanamo,

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

2 Mga Taga-Corinto 4:8

Kami gipiit sa tanang paagi apan wala mapugngi; gilisodlisod apan wala kawad-i ug paglaom;

2 Mga Taga-Corinto 7:11

Kay tan-awa unsa kamatinud-anon ang misangpot diha kaninyo tungod sa inyong diosnon nga pagkasubo, unsa kaikag pagpanalipod, kasuko, kahadlok, tinguha, pagkamainiton, pagsilot! Sa kinatibuk-an kamo nakapamatuod nga kamo dili sad-an sa maong butang.

Mga Taga-Colosas 1:11

Hinaot unta nga malig-on kamo sa tanang kusog, sumala sa iyang mahimayaong gahom, alang sa tanang paglahutay ug pagpailob uban sa kalipay,

Mga Taga-Colosas 1:24

Gikalipay nako karon ang akong mga pag-antos tungod ug alang kaninyo, ug dinhi sa akong lawas akong gihingpit ang mga kasakit nga nakulang sa mga pag-antos ni Cristo alang sa iyang lawas nga mao ang iglesia

1 Mga Taga-Tesalonica 3:7

Tungod niini, nahupay kami mga igsoon, tungod kaninyo bisan sa tanan namong mga kaguol ug kasakit, pinaagi sa inyong pagtuo.

1 Mga Taga-Tesalonica 5:14

Ug kami nag-awhag kaninyo, mga igsoon, pahimangnoi ang mga tapolan, dasiga ang mga maulawon, tabangi ang mga luya, pagpailob sa tanan.

1 Timoteo 2:15

Apan ang babaye maluwas pinaagi sa iyang pagpanganak kon siya magpadayon diha sa pagtuo ug gugma ug pagkabalaan inubanan sa kaligdong.

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.

1 Timoteo 6:11

Apan ikaw, O tawo sa Dios, pahilayo niining mga butanga; paningkamoti ang pagkamalahutayon, pagkadiosnon, pagtuo, paghigugma, pagkamainantoson, pagkaaghop.

2 Timoteo 1:8

Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios

2 Timoteo 2:24

Ug ang ulipon sa Ginoo kinahanglan nga dili palaaway kondili maaghop ngadto sa tanan, maayong motudlo, mainantoson.

2 Timoteo 4:5

Apan ikaw, pagbantay sa tanang panahon, antosa ang mga kasakitan, buhata ang katungdanan sa usa ka magsasangyaw sa Maayong Balita, tumana ang imong buluhaton.

Mga Hebreo 12:1

Busa kay gilibotan man kita sa ingon ka baga nga panganod sa mga saksi, sinalikway ang tanang pagkamalahutayon ug ang sala nga daling mobalikos kanato, managan kita uban sa lahutay sa lumba nga gibutang sa atong atubangan,

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.

Gipadayag 3:10

Tungod kay gituman man nimo ang akong pulong sa pagkamalahutayon, bantayan ko ikaw nga malikay gikan sa takna sa pagsulay nga hapit na moabot sa tibuok kalibotan aron sa pagsulay sa mga nagpuyo sa yuta.