2 Mga Taga-Corinto 6:15

Ang Biblia 2011

Unsa may pakig-uyon ni Cristo kang Bilial? O unsa may gisalohan sa magtutuo uban sa dili magtutuo?

Cross References

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

Esdras 4:3

Apan si Zerubabel, si Jesua ug ang uban nga mga pangulo sa mga panimalay sa mga katigulangan sa Israel miingon kanila, “Kamo walay labot kanamo sa pagtukod ug balay sa among Dios, apan kami lamang ang magtukod alang sa Ginoo, ang Dios sa Israel, sumala sa gisugo kanamo ni Hari Ciro nga hari sa Persia.”

Marcos 16:16

Ang motuo ug magpabautismo maluwas apan ang dili motuo hukman sa silot.

Mga Buhat 5:14

Ug misamot ka daghan ang mga magtutuo nga nadugang ngadto sa Ginoo, mga pundok sa mga lalaki ug sa mga babaye,

Mga Buhat 8:20

Apan si Pedro miingon kaniya, “Ang imong salapi malaglag unta uban kanimo, kay ikaw naghunahuna nga mabatonan nimo ang gasa sa Dios pinaagi ug salapi!

1 Mga Taga-Corinto 6:6

Apan mokiha ba diay ang igsoon batok sa iyang igsoon ug kini himoon sa atubangan sa mga dili magtutuo?

1 Timoteo 5:8

Ug kon adunay tawo nga wala magsangkap alang sa iyang mga kadugo, ilabi na sa iyang panimalay, siya naglimod sa iyang pagtuo ug labaw pa siyang daotan kay sa dili magtutuo.

1 Pedro 1:21

Pinaagi kaniya kamo nagsalig sa Dios nga nagbanhaw kaniya gikan sa mga patay ug mihatag kaniya ug himaya, aron nga ang inyong pagtuo ug paglaom maanaa sa Dios.

Mga Maghuhukom 19:22

Samtang naglipay sila sa ilang mga kasingkasing, adunay mga tawo sa siyudad, mga daotang tawo, naglibot sa balay nga nagpukpok sa pultahan. Ug sila miingon sa tigulang, ang tag-iya sa balay, “Pagulaa ang tawo nga miabot sa imong balay aron makaila kami kaniya.”

Mga Maghuhukom 20:13

Busa karon, itugyan ang mga tawo, ang mga daotang tawo sa Gibea, aron amo silang patyon ug wagtangon ang daotan sa Israel.” Apan ang mga kaliwat ni Benjamin wala mamati sa tingog sa ilang mga igsoon, ang katawhan sa Israel.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.