2 Mga Taga-Corinto 6:10

Ang Biblia 2011

ingon nga mga masulub-on apan sa kanunay malipayon, ingon nga mga kabos apan nagpadato sa daghang tawo, ingon nga mga walay nahot apan nakabaton sa tanang mga butang.

Cross References

Salmo 84:11

Kay ang Ginoo nga Dios adlaw ug taming; ang Ginoo mohatag ug grasya ug himaya. Walay maayo nga butang nga ihikaw niya gikan niadtong mga naglakaw nga matarong.

Mga Panultihon 13:7

Adunay tawong nagpakaaron-ingnon nga dato, apan walay bisan unsa; adunay lain nga nagpakaaron-ingnon nga kabos, apan adunay dakong bahandi.

Mga Panultihon 16:16

Ang pagbaton ug kaalam maayo pa kay sa bulawan; ang pagbaton ug salabotan maayo pa nga pilion kay sa plata.

Mateo 5:12

Pagmaya ug paglipay kamo kay dako ang inyong ganti didto sa langit, kay sa ingon niini gilutos sa mga tawo ang mga propeta nga nag-una kaninyo.

Mateo 5:4

“Bulahan ang mga masulob-on kay sila lipayon.

Lucas 6:21

“Bulahan kamong mga gigutom karon kay busgon ra unya kamo. “Bulahan kamong mga naghilak karon kay mokatawa ra unya kamo.

Juan 16:22

Ug busa, kamo usab may kasubo karon apan makigkita ra ako kaninyo pag-usab, ug unya ang inyong mga kasingkasing malipay ug wala unyay bisan kinsa nga mokuha sa inyong kalipay gikan kaninyo.

Mga Buhat 16:25

Apan nianang pagkatungang gabii, si Pablo ug si Silas nag-ampo ug nag-awit ug mga alawiton ngadto sa Dios ug ang mga binilanggo naminaw kanila.

Mga Buhat 3:6

Apan si Pedro miingon, “Wala akoy plata o bulawan, apan hatagan ko ikaw sa ania kanako. Sa ngalan ni Jesu-Cristo nga Nazaretnon, tindog ug lakaw.”

Mga Buhat 5:41

Ug gikan sa atubangan sa Sanhedrin, sila mibiya nga nagmalipayon kay giisip sila nga takos nga moantos sa kaulawan tungod sa iyang ngalan.

Roma 11:12

Ug kon ang ilang paglapas nahimong bahandi alang sa kalibotan ug ang ilang kapildihan nahimong kabulahanan sa mga Gentil, unsa pa kaha ka labaw pa diha sa ilang kahingpitan?

Roma 12:15

Paglipay kamo duyog sa mga nalipay, hilak duyog sa mga nanghilak.

Roma 15:13

Ang Dios sa paglaom magpuno unta kaninyo sa tumang kalipay ug kalinaw tungod sa inyong pagtuo, aron nga pinaagi sa gahom sa Espiritu Santo magmadagayaon kamo sa paglaom.

Roma 8:32

Siya nga wala mohikaw sa iyang kaugalingong Anak kondili mitugyan hinuon kaniya alang kanatong tanan, dili ba ihatag usab niya kanato ang tanang mga butang uban kaniya?

Roma 9:2

nga dako ang akong kaguol ug walay paghunong ang kasakit sa akong kasingkasing.

1 Mga Taga-Corinto 1:5

tungod kay diha kaniya kamo nahimong adunahan sa tanang mga butang, sa tanang pagpamulong ug sa tanang kahibalo.

2 Mga Taga-Corinto 2:4

Kay nagsulat ako kaninyo gikan sa tumang kasakit ug kahigwaos sa kasingkasing, uban sa daghang mga luha, dili aron sa pagpaguol kaninyo kondili aron mahibalo kamo sa kadagaya sa akong gugma alang kaninyo.

2 Mga Taga-Corinto 4:15

Kay kining tanan tungod ug alang kaninyo aron nga samtang ang grasya modagaya ngadto sa daghan pang mga tawo, kini makapadagaya unta sa mga pasalamat ngadto sa himaya sa Dios.

2 Mga Taga-Corinto 4:7

Ug aduna kami niining maong bahandi nga sinulod diha sa mga sudlanan nga yuta, aron sa pagpadayag nga ang labawng gahom iya sa Dios ug dili gikan kanamo.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

Mga Taga-Efeso 3:16

aron nga sumala sa iyang naghingapin nga himaya, itugot unta niya nga malig-on kamo sa gahom pinaagi sa iyang Espiritu diha sa kinasuloran sa inyong pagkatawo,

Mga Taga-Efeso 3:8

Kanako, bisan tuod ug labing ubos sa tanang mga balaan, gihatag ang maong grasya aron akong iwali ngadto sa mga Gentil ang dili matugkad nga mga bahandi ni Cristo,

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

Mga Taga-Filipos 4:4

Paglipay kamo kanunay diha sa Ginoo; usbon nako pag-ingon, paglipay kamo.

Mga Taga-Colosas 1:24

Gikalipay nako karon ang akong mga pag-antos tungod ug alang kaninyo, ug dinhi sa akong lawas akong gihingpit ang mga kasakit nga nakulang sa mga pag-antos ni Cristo alang sa iyang lawas nga mao ang iglesia

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

1 Mga Taga-Tesalonica 1:6

Ug kamo misundog kanamo ug sa Ginoo, kay kamo midawat man sa pulong taliwala sa daghang kasakit, dinuyogan sa kalipay gikan sa Espiritu Santo.

1 Mga Taga-Tesalonica 5:16

Paglipay kamo sa kanunay,

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

1 Timoteo 6:18

Kinahanglan nga magbuhat sila ug maayo, magpadato sa mga maayong binuhatan, andam sa pagtabang ug manggihatagon.

Mga Hebreo 10:34

Kay kamo may kaluoy man sa mga binilanggo, ug gikalipay ninyo nga sakmitan sa inyong katigayonan, kay inyo mang nahibaloan nga kamo adunay usa ka labaw pa ka maayong bahandi ug nga kini molungtad.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

1 Pedro 4:13

Paglipay hinuon kamo sa inyong pag-ambit sa mga kasakit ni Cristo, aron kamo maglipay usab ug magsadya inigpadayag na unya sa iyang himaya.

Gipadayag 2:9

“ ‘Nasayod ako sa imong kasakit ug sa imong kakabos, apan dato ikaw, ug sa pagpasipala kanimo sa mga nag-ingon nga sila mga Judio apan dili diay, hinuon sinagoga sila ni Satanas.

Gipadayag 21:7

Ang magmadaogon makapanunod niini ug ako mahimo nga iyang Dios ug siya mahimo nga akong anak.