2 Mga Taga-Corinto 6:1

Ang Biblia 2011

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Cross References

Jeremias 8:8

“Unsaon ninyo pag-ingon, ‘Kami mga maalamon, ug ang Balaod sa Ginoo ania kanamo’? Apan ang bakakon nga dagang sa mga eskriba nagbuhat niini nga bakak.

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Mga Buhat 14:3

Busa mipabilin sila didto sa dugayng panahon, nagsulti nga maisogon alang sa Ginoo, nagpamatuod sa pulong sa iyang grasya, nagtugot nga ang mga ilhanan ug mga kahibulongan mahimo pinaagi sa ilang mga kamot.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

1 Mga Taga-Corinto 3:9

Kay kami mga kauban nga magbubuhat nga iya sa Dios, kamo ang uma sa Dios, ang balay sa Dios.

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

Mga Taga-Galacia 2:21

Wala nako isalikway ang grasya sa Dios; kay kon ang pagkamatarong pinaagi pa sa Balaod, si Cristo namatay lamang nga walay hinungdan.

Mga Taga-Galacia 3:4

Giantos ba ninyo ang daghang mga butang sa wala lamay kapuslanan?—kon kini wala gayoy kapuslanan.

1 Mga Taga-Tesalonica 3:5

Tungod niini, sa wala na ako makaantos, nagsugo ako aron masayod mahitungod sa inyong pagtuo, sa kahadlok nga tingali ug nagpatintal kamo sa maninintal ug nga nakawang lamang ang among pagpangabudlay.

Tito 2:11

Ang grasya sa Dios gipadayag alang sa kaluwasan sa tanang tawo,

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

Mga Hebreo 12:25

Tan-awa nga dili ninyo isalikway siya nga nagsulti. Kay kon wala man gani sila makaikyas sa dihang gisalikway nila siya nga nagpasidaan kanila dinhi sa yuta, labaw pa gayod nga dili kita makaikyas kon kita magsalikway kaniya nga nagpasidaan kanato gikan sa langit.

Mga Hebreo 4:1

Busa angay kitang mahadlok, samtang nagpadayon pa ang saad sa pagsulod ngadto sa iyang kapahulayan, tingali unya ug aduna kaninyoy maisip nga wala makakab-ot niini.

1 Pedro 4:10

Sumala sa hiyas nga nadawat sa matag usa, gamita ninyo kini alang sa usa ug usa ingon nga mga maayong piniyalan sa nagkalainlaing grasya sa Dios.

1 Samuel 14:45

Unya ang katawhan miingon kang Saul, “Mamatay ba gayod si Jonatan nga naghimo niining dakong kadaogan sa Israel? Ipahilayo kana. Ingon nga buhi ang Ginoo, walay usa ka lugas nga buhok sa iyang ulo nga matagak sa yuta kay siya nagbuhat uban sa Dios niining adlawa.” Busa ang katawhan milukat kang Jonatan, mao nga wala siya mamatay.