2 Mga Taga-Corinto 5:8

Ang Biblia 2011

Busa kita masaligon ug maayo pa alang kanato nga mahimulag sa lawas ug makig-uban sa Ginoo.

Cross References

Salmo 16:11

Imong gipakita kanako ang dalan sa kinabuhi; diha sa imong atubangan anaa ang kahingpitan sa kalipay; diha sa imong tuong kamot anaa ang kalipay nga walay kataposan.

Salmo 17:15

Alang kanako, magsud-ong ako sa imong nawong diha sa pagkamatarong; sa diha nga mahigmata ako, matagbaw ako sa pagsud-ong sa imong dagway.

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Mateo 25:21

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Mateo 25:23

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Lucas 2:29

“Karon Ginoo, itugot nga ang imong ulipon mobiya nga malinawon, sumala sa imong pulong,

Juan 12:26

Kon ang usa ka tawo mag-alagad kanako, kinahanglan nga mosunod siya kanako ug kon asa gani ako, ang akong alagad atua usab didto. Kon ang usa ka tawo mag-alagad kanako, ang Amahan magpasidungog kaniya.

Juan 14:3

Ug sa makaadto na ako ug makaandam na ug dapit alang kaninyo, moanhi ako pag-usab ug kuhaon nako kamo aron nga asa ako atua usab kamo.

Juan 17:24

Amahan, buot unta nako nga kon asa ako atua usab uban kanako sila nga imong gitugyan kanako, aron makakita sila sa akong himaya nga imong gihatag kanako tungod kay nahigugma man ikaw kanako bisan sa wala pa buhata ang kalibotan.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

2 Mga Taga-Corinto 5:6

Busa kanunay kita nga masaligon ug nasayod kita nga samtang ania pa kita sa lawas, kita layo gikan sa Ginoo

2 Mga Taga-Corinto 5:9

Busa sa ingon niana, maania man kita sa atong balay o mahilayo, kita nagtinguha sa pagpahimuot kaniya.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

Gipadayag 22:3

Ug didto wala nay bisan unsang tinunglo apan atua didto ang trono sa Dios ug sa Nating Karnero, ug ang iyang mga ulipon magsimba kaniya.