2 Mga Taga-Corinto 5:21

Ang Biblia 2011

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Cross References

Jeremias 23:26

Hangtod kanus-a kutob nga adunay mga bakak sa kasingkasing sa mga propeta nga nagpropesiya ug mga bakak ug nagpropesiya ug limbong sa kaugalingon nilang kasingkasing,

Jeremias 33:16

Nianang mga adlawa, ang Juda maluwas ug ang Jerusalem magpuyo nga layo sa kakuyaw. Ug mao kini ang ngalan nga itawag niini, ‘Ang Ginoo mao ang atong pagkamatarong.’

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Daniel 9:26

Ug human sa 62 ka pito ka tuig, ang dinihogan patyon ug walay mabatonan bisan unsa, ug ang katawhan sa pangulo nga moabot maoy molaglag sa siyudad ug sa balaang dapit. Ang kataposan niini moabot sama sa baha ug hangtod sa kataposan adunay gubat, ang pagkagun-ob gitakda na.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Numeros 21:9

Busa si Moises nagbuhat ug usa ka bitin nga bronsi ug gibutang niya sa ibabaw sa tukon ug mahitabo nga kon adunay bitin nga mopaak kang bisan kinsa, sa diha nga siya makatan-aw sa bitin nga bronsi mabuhi siya.

Numeros 7:45

usa ka nating baka nga laki, usa ka laking karnero, usa ka nating karnero nga laki nga usa ka tuig ang kagulangon alang sa halad nga sunogon,

Numeros 7:64

usa ka laking kanding ingon nga halad tungod sa sala,

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Mga Buhat 3:14

Apan inyong gilimod ang Balaan ug Matarong, ug inyong gipangayo nga maoy buhian alang kaninyo ang usa ka mamumuno,

Roma 1:17

Kay diha niini ang pagkamatarong sa Dios gipadayag pinaagi sa pagtuo ngadto sa pagtuo sumala sa nasulat, “Ang matarong mabuhi pinaagi sa pagtuo.”

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

Roma 5:19

Kay ingon nga pinaagi sa pagkamasinupakon sa usa ka tawo daghan ang nahimong makasasala, mao usab nga pinaagi sa pagkamasinugtanon sa usa ka tawo daghan ang gihimong matarong.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Mga Taga-Filipos 3:9

ug makaplagan diha kaniya, dili nga nagbaton ako sa pagkamatarong pinasikad sa Balaod, kondili ang pagkamatarong nga pinaagi sa pagtuo kang Cristo, ang pagkamatarong nga gikan sa Dios nga nagsukad sa pagtuo.

Mga Hebreo 4:15

Kay ang atong labawng pangulong pari dili usa ka pari nga dili mobati ug kaluoy kanato sa atong mga kaluyahon, hinuon sa tanang paagi siya gitintal sama kanato, apan wala gayod makasala.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

1 Juan 3:5

Kamo nasayod nga siya gipadayag aron sa pagkuha sa mga kasal-anan, ug diha kaniya walay sala.