2 Mga Taga-Corinto 5:20

Ang Biblia 2011

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

Cross References

2 Mga Hari 17:13

Bisan pa niana ang Ginoo nagpasidaan batok sa Israel ug batok sa Juda, pinaagi sa matag propeta ug sa matag mananagna nga nag-ingon, “Balik kamo gikan sa daotan ninyong mga dalan, ug tumana ang akong mga sugo ug mga lagda, sumala sa tanang balaod nga akong gisugo sa inyong katigulangan ug nga akong gipadala kaninyo pinaagi sa akong mga sulugoon nga mga propeta.”

2 Cronicas 36:15

Ug ang Ginoo, ang Dios sa ilang mga katigulangan kanunay nga nagpaadto kanila pinaagi sa iyang mga sinugo tungod kay siya may kaluoy sa iyang katawhan ug sa iyang dapit nga puluy-anan.

Nehemias 9:29

Ug ikaw nagpasidaan kanila aron sa pagpabalik kanila ngadto sa imong Balaod. Apan sila nagmapahitas-on ug wala magtuman sa imong mga sugo, hinuon sila nagpakasala batok sa imong mga tulumanon, nga pinaagi sa pagtuman niini ang tawo mabuhi, ug gipatalikod ang mga gipagahi nga abaga ug gipatikig ang ilang liog ug wala mamati.

Job 22:21

“Pakig-uyon sa Dios ug pagpakigdait, sa ingon ang maayo moabot kanimo.

Job 33:23

Kon kaniya adunay usa ka anghel, usa ka tigpataliwala, usa diha sa matag usa ka libo, aron sa pagpadayag sa tawo kon unsa ang matarong alang kaniya;

Job 33:6

Tan-awa, ako nag-atubang sa Dios sama kanimo; ako usab giumol gikan sa lapok.

Mga Panultihon 13:17

Ang usa ka daotan nga sinugo magdalag kadaot, apan ang usa ka matinumanon nga sinugo magdala ug kaayohan.

Isaias 27:5

O paduola sila kanako aron akong panalipdan, pahimoa sila ug pakigdait uban kanako, pahimoa sila ug pakigdait uban kanako.”

Jeremias 38:20

Si Jeremias miingon, “Dili ikaw itugyan ngadto kanila. Tumana ang tingog sa Ginoo sumala sa akong gisulti kanimo, ug maayo kini alang kanimo, ug maluwas ang imong kinabuhi.

Jeremias 44:4

Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’

Malaquias 2:7

Kay ang mga ngabil sa pari kinahanglang magbantay sa kahibalo ug ang mga tawo mangita unta ug pagtudlo gikan sa iyang baba kay siya mao ang sinugo sa Ginoo sa mga panon.

Lucas 10:16

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Lucas 14:23

Ang agalon miingon, ‘Lakaw ngadto sa kadalanan ug sa kasuokan ug pugsa ang mga tawo sa pag-anhi aron mapuno kining akong balay.

Juan 20:21

Unya si Jesus miingon kanila pag-usab, “Ang kalinaw mag-uban kaninyo. Ingon nga gipadala ako sa Amahan, ako usab magpadala kaninyo.”

Roma 5:10

Kay kon sa dihang mga kaaway pa kita sa Dios, kita gipasig-uli ngadto sa Dios pinaagi sa kamatayon sa iyang Anak, labaw pa karon nga napasig-uli na kita, luwason kita pinaagi sa iyang kinabuhi.

2 Mga Taga-Corinto 12:10

Busa tungod kang Cristo ikalipay nako ang mga kaluyahon, mga pagbugalbugal, mga kalisdanan, mga paglutos ug mga kasakitan kay sa diha nga luya ako, lig-on hinuon ako.

2 Mga Taga-Corinto 3:6

nga mao ang naghimo kanamong takos nga alagad sa bag-ong kasabotan, dili sa nasulat kondili sa Espiritu kay ang nasulat makamatay, apan ang Espiritu maghatag ug kinabuhi.

2 Mga Taga-Corinto 5:11

Busa sa nasayran namo ang pagkahadlok sa Ginoo, kami nangdani sa mga tawo. Hinuon, kami nasayran na sa Dios, ug ako naglaom nga kini masayran usab sa inyong mga tanlag.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Efeso 6:20

Tungod niini ako nahimong usa ka tinugyanan nga kinadenahan aron pinaagi niini ako magmaisogon, ingon nga gikinahanglan sa akong pagsulti.

Mga Taga-Colosas 1:20

ug pinaagi kaniya mipasig-uli nganha sa iyang kaugalingon ang tanang mga butang sa kayutaan o sa kalangitan, ug naghimo sa pakigdait pinaagi sa iyang dugo diha sa krus.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.