2 Mga Taga-Corinto 5:17

Ang Biblia 2011

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Cross References

Salmo 51:10

Buhata sa sulod nako ang hinlo nga kasingkasing, O Dios, ug bag-oha ug lig-ona ang espiritu sa sulod nako.

Isaias 45:17

Apan ang Israel luwason sa Ginoo sa kaluwasan nga walay kataposan; kamo dili pakaulawan o libogon hangtod sa dayon.

Ezequiel 11:19

Ako maghatag kanila ug usa ka kasingkasing, ug ako magbutang ug usa ka bag-ong espiritu sa sulod nila. Kuhaon nako ang batoon nga kasingkasing gikan sa ilang unod, ug hatagan nako sila sa kasingkasing nga unod,

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Ezequiel 36:26

Hatagan ko kamo ug usa ka bag-o nga kasingkasing, ug ibutang nako sa sulod ninyo ang usa ka bag-ong espiritu. Kuhaon nako ang kasingkasing nga bato gikan sa inyong unod, ug hatagan kamo nako ug usa ka kasingkasing nga unod.

Mateo 12:33

“Mahimong himoon ninyong maayo ang kahoy, ug maayo ang bunga niini, o himoon ba ninyong walay pulos ang kahoy ug mawalay pulos ang bunga niini, kay ang kahoy maila pinaagi sa bunga niini.

Mateo 24:35

Ang langit ug ang yuta mahanaw, apan ang akong mga pulong dili gayod mahanaw.

Lucas 5:38

Apan ang bag-ong bino kinahanglang isulod gayod sa mga bag-ong sudlanan nga panit.

Juan 14:20

Niana unyang adlawa inyong mahibaloan nga ako anaa sa akong Amahan ug kamo ania kanako ug ako anaa kaninyo.

Juan 15:2

Ang tanan nakong sanga nga wala mamunga, iyang pamutlon ug ang tanang sanga nga namunga, iyang pul-ongan aron kini mamunga ug daghan pa.

Juan 15:5

Ako mao ang punoan sa paras, kamo mao ang mga sanga. Ang magpabilin kanako ug ako diha kaniya, siya mamunga ug daghan, kay kon kamo bulag kanako wala gayod kamoy mahimo.

Juan 17:23

ako anaa kanila ug ikaw ania kanako aron sila hingpit nga mausa, aron ang kalibotan moila nga ikaw nagpadala kanako ug nahigugma kanila ingon nga ikaw nahigugma kanako.

Juan 3:3

Si Jesus mitubag kaniya, “Sa pagkatinuod gayod, sultihan ko ikaw, gawas kon ang tawo ipakatawo pag-usab, dili siya makakita sa gingharian sa Dios.”

Juan 3:5

Si Jesus mitubag, “Sa pagkatinuod gayod, sultihan ko ikaw, gawas kon ang tawo ipakatawo pinaagi sa tubig ug sa Espiritu, dili siya makasulod sa gingharian sa Dios.

Roma 16:10

Ipangumosta ako kang Apeles nga namatud-an diha kang Cristo. Ipangumosta ako sa mga sakop sa banay ni Aristobulo.

Roma 16:11

Ipangumosta ako kang Herodion nga akong kadugo. Ipangumosta ako sa mga anaa sa Ginoo nga sakop sa banay ni Narciso.

Roma 16:3

Ipangumosta ako kang Prisca ug Aquila, ang akong mga kauban nga magbubuhat diha kang Cristo Jesus.

Roma 16:7

Ipangumosta ako kang Andronico ug kang Junia, mga kauban nako nga binilanggo. Kini sila inila sa mga apostoles, ug sila una pa kanako diha kang Cristo.

Roma 16:9

Ipangumosta ako kang Urbano, ang atong kauban nga magbubuhat diha kang Cristo, ug kang Stacos nga akong minahal.

Roma 7:6

Apan karon gipalingkawas na kita gikan sa Balaod, mga patay na kita ngadto sa nag-ulipon kanato aron mag-alagad kita diha sa pagkabag-o diha sa Espiritu ug dili ilalom sa karaang sinulat.

Roma 8:1

Busa sila nga anaa kang Cristo Jesus dili na karon mga hinukman.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 13:11

Sa bata pa ako, nagsulti ako ingon nga bata, naghunahuna ako ingon nga bata, nangatarungan ingon nga bata apan sa nahamtong na ako, gibiyaan nako ang mga gawi nga binata.

2 Mga Taga-Corinto 12:2

Nakaila ako ug usa ka tawo nga anaa kang Cristo, napulo ug upat ka tuig na karon nga gibayaw ngadto sa ikatulong langit, diha ba sa lawas o sa gawas, wala ako masayod; ang Dios lamang ang nasayod.

2 Mga Taga-Corinto 5:16

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Galacia 5:6

Kay diha kang Cristo Jesus bisan ang pagkatinuli o ang pagkadili tinuli dili magpulos, kondili ang pagtuo nga nagbuhat pinaagi sa gugma.

Mga Taga-Galacia 6:15

Kay dili ang pagkatinuli o ang pagkadili tinuli mao ang may bili, kondili ang pagkabag-ong binuhat.

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Efeso 2:15

Iyang gihimong walay bili ang balaod sa mga kasugoan ug mga kalagdaan, aron ang duha mahimo niya nga usa ka bag-ong tawo pinaagi sa paghiusa kanila diha sa iyang kaugalingon ug sa ingon naghimo ug pakigdait.

Mga Taga-Filipos 4:21

Ipangumosta ako sa tanang balaan diha kang Cristo Jesus. Ang mga igsoon nga ania uban kanako nangumosta kaninyo.