2 Mga Taga-Corinto 5:16

Ang Biblia 2011

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.

Cross References

Numeros 10:30

Si Hobab mitubag kaniya, “Ako dili moadto, kondili mopauli ako ngadto sa akong yuta ug sa akong mga kadugo.”

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Juan 15:14

Kamo akong mga higala kon magtuman kamo sa akong sugo kaninyo.

Juan 2:4

Si Jesus miingon kaniya, “Babaye, unsa bay imo ug ako niana? Ang akong takna wala pa moabot.”

Juan 6:63

Ang espiritu mao ang naghatag ug kinabuhi, ang unod walay kapuslanan. Ang mga pulong nga akong gisulti kaninyo espiritu ug kinabuhi.

Juan 8:15

Naghukom kamo pinaagi sa unod apan wala ako maghukom kang bisan kinsa.

2 Mga Taga-Corinto 11:18

Ug kay daghan man ang nagpasigarbo sumala sa unod, ako usab magpasigarbo.

Mga Taga-Galacia 5:6

Kay diha kang Cristo Jesus bisan ang pagkatinuli o ang pagkadili tinuli dili magpulos, kondili ang pagtuo nga nagbuhat pinaagi sa gugma.

Deuteronomio 33:9

Siya nag-ingon mahitungod sa iyang amahan ug sa iyang inahan, ‘Wala ako magtahod kanila’; Wala siya moila sa iyang mga igsoon ug wala magpakabana sa iyang mga anak. Kay sila nagbantay sa imong pulong ug nagtuman sa imong kasabotan.

Mga Taga-Filipos 3:4

Bisan ako adunay pagsalig usab sa unod. Kon adunay laing tawo nga naghunahuna sa pagsalig sa unod, ako labaw pa.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

1 Samuel 2:29

Nganong gitamay ninyo ang mga inihaw ug mga halad alang kanako nga akong gisugo, ug nagpasidungog sa imong mga anak nga lalaki labaw kay kanako pinaagi sa pagpatambok sa inyong kaugalingon sa mga piniling bahin sa matag halad sa akong katawhan nga Israel?’