2 Mga Taga-Corinto 5:15

Ang Biblia 2011

Ug siya namatay alang sa tanan, aron sila nga mga buhi magkinabuhi dili na alang sa ilang kaugalingon, kondili alang kaniya nga namatay ug nabanhaw tungod kanila.

Cross References

2 Mga Hari 5:17

Unya si Naaman miingon, “Kon dili, ako naghangyo kanimo, hatagi ang imong sulugoon ug yuta nga makarga sa duha ka mula, kay gikan karon, ang imong sulugoon dili na maghalad ug halad nga sunogon o inihaw ngadto sa laing mga dios, kondili sa Ginoo.

Ezequiel 16:6

“Ug sa diha nga miagi ako duol kanimo ug nakita ko ikaw nga naglunang sa kaugalingon nimong dugo, ako miingon kanimo samtang naglunang ikaw sa imong dugo, ‘Mabuhi ka,

Ezequiel 37:14

Ug ibutang nako sulod kaninyo ang akong Espiritu ug kamo mangabuhi, ug ipahiluna ko kamo sa inyong kaugalingong yuta. Unya kamo makaila nga ako, ang Ginoo, nagsulti ug maghimo niini, nag-ingon ang Ginoo.”

Ezequiel 37:9

Unya siya miingon kanako, “Pagpropesiya ngadto sa gininhawa, pagpropesiya, anak sa tawo, ug ingna ang gininhawa, Mao kini ang gisulti sa Ginoong Dios: Dali ngari gikan sa upat ka hangin, O gininhawa, ug ginhawai kining mga gipamatay, aron sila mangabuhi.”

Habacuc 2:4

Tan-awa, siya nga ang kalag dili matarong diha kaniya mapakyas, apan ang matarong mabuhi pinaagi sa iyang pagtuo.

Zacarias 10:9

Bisan ug gikatag nako sila taliwala sa mga nasod, apan didto sa mga layong dapit mahinumdom sila kanako, ug sila magpuyo uban sa ilang mga anak ug mamauli sila.

Lucas 1:74

aron sa pagtugot kanato, ingon nga mga linuwas gikan sa kamot sa atong mga kaaway, sa pag-alagad kaniya sa walay kahadlok,

Juan 5:24

Sa pagkatinuod gayod, sultihan ko kamo nga ang namati sa akong pulong ug nagtuo kaniya nga nagpadala kanako may kinabuhi nga dayon ug dili na hukman, apan nakalatas na siya gikan sa kamatayon ngadto sa kinabuhi.

Juan 6:57

Ingon nga ang buhing Amahan nagpadala kanako ug ako buhi tungod sa Amahan, ang mokaon kanako mabuhi usab tungod kanako.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

Roma 6:2

Dili gayod! Kita nga namatay na ngadto sa sala, unsaon pa man nato sa pagkinabuhi diha niana?

Roma 6:6

Kita nasayod nga ang atong karaang pagkatawo gilansang sa krus uban kang Cristo aron malaglag ang lawas sa sala ug dili na kita maulipon sa sala.

Roma 8:10

Apan kon si Cristo anaa kaninyo, bisan ang lawas patay tungod sa sala, ang Espiritu kinabuhi tungod sa pagkamatarong.

Roma 8:2

Kay ang balaod sa Espiritu sa kinabuhi diha kang Cristo Jesus nagpalingkawas kanako gikan sa balaod sa sala ug sa kamatayon.

Roma 8:6

Ang panghunahuna nga anaa sa unod mosangpot sa kamatayon apan ang panghunahuna nga anaa sa Espiritu mosangpot sa kinabuhi ug kalinaw.

1 Mga Taga-Corinto 10:33

sama nga ako nagpahimuot sa tanan diha sa tanang butang sa walay pagpangita sa kaugalingon nakong kaayohan, kondili alang sa kadaghanan aron sila maluwas.

2 Mga Taga-Corinto 12:10

Busa tungod kang Cristo ikalipay nako ang mga kaluyahon, mga pagbugalbugal, mga kalisdanan, mga paglutos ug mga kasakitan kay sa diha nga luya ako, lig-on hinuon ako.

2 Mga Taga-Corinto 3:6

nga mao ang naghimo kanamong takos nga alagad sa bag-ong kasabotan, dili sa nasulat kondili sa Espiritu kay ang nasulat makamatay, apan ang Espiritu maghatag ug kinabuhi.

2 Mga Taga-Corinto 5:16

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.

Mga Taga-Galacia 5:25

Kon kita nangabuhi man diha sa Espiritu, kinahanglan nga magkinabuhi usab kita diha sa Espiritu.

Mga Taga-Efeso 4:17

Busa ako moingon ug magpamatuod niini tungod sa Ginoo, nga kinahanglan dili na kamo magkinabuhi sama sa mga Gentil diha sa pagkawalay hinungdan sa ilang panghunahuna,

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”

Mga Taga-Colosas 2:12

ug gilubong kamo uban kaniya diha sa bautismo, nga uban kaniya usab kamo gibanhaw pinaagi sa pagtuo sa gahom sa Dios nga nagbanhaw kaniya gikan sa mga patay.

Mga Taga-Colosas 3:1

Kon gibanhaw man kamo uban kang Cristo, pangitaa ninyo ang mga butang nga atua sa itaas diin anaa si Cristo, naglingkod sa tuo sa Dios.

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

Mga Taga-Colosas 3:23

Bisan unsa ang inyong buluhaton, buhata kini sa kinasingkasing ingon nga alang sa Ginoo ug dili sa tawo,

1 Mga Taga-Tesalonica 5:10

nga namatay alang kanato aron nga bisan nagmata kita o natulog, kita mabuhi uban kaniya.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

1 Pedro 4:6

Kay kini mao ang hinungdan ngano nga ang Maayong Balita giwali bisan ngadto sa mga patay, aron nga bisan tuod sila hinukman na diha sa lawas sama sa tanang tawo, sila magkinabuhi diha sa espiritu sumala sa Dios.

1 Juan 4:9

Ang gugma sa Dios gipadayag dinhi kanato pinaagi niini, nga gipadala sa Dios ang iyang bugtong Anak nganhi sa kalibotan aron kita mabuhi pinaagi kaniya.

Gipadayag 1:18

ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades.