2 Mga Taga-Corinto 5:12

Ang Biblia 2011

Wala kami magdayeg pag-usab sa among kaugalingon nganha kaninyo, apan naghatag hinuon kaninyo ug higayon sa pagpasigarbo tungod kanamo, aron kamo adunay ikatubag kanila nga nagpasigarbo diha sa dagway lamang ug dili sa diha kasingkasing.

Cross References

Mga Panultihon 27:2

Padayega ang laing tawo kanimo ug dili ang imong kaugalingong baba; usa ka langyaw, ug dili ang imong kaugalingong mga ngabil.

2 Mga Taga-Corinto 1:14

ingon nga kamo may nasabtan na, aron kamo makapasigarbo kanamo ingon nga kamo amo unyang ikapasigarbo sa adlaw sa atong Ginoong Jesus.

2 Mga Taga-Corinto 10:12

Dili ingon nga kami nangahas sa pagpakig-ingon o sa pagpakigtandi kanila nga nagdayeg sa ilang kaugalingon, apan sila nga nagsinukdanay sa ilang kaugalingon ug nagtinandiay sa ilang kaugalingon—sila dili maalamon.

2 Mga Taga-Corinto 10:18

Kay ang tawo nga nagdayeg sa iyang kaugalingon dili mao ang kahimut-an, kondili ang tawo hinuon nga gidayeg sa Ginoo.

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

2 Mga Taga-Corinto 10:8

Kay bisan kon palabihan pa ug diyotay ang akong pagpasigarbo tungod sa kagahom nga gihatag kanamo sa Ginoo alang sa pagpalig-on ug dili sa pagpukan, ako dili maulawan.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 3:1

Nagsugod na ba usab kami karon sa pagdayeg sa among kaugalingon? O gikinahanglan ba namo, sama sa uban, ang mga sulat sa pagpaila nganha kaninyo o gikan kaninyo?

2 Mga Taga-Corinto 6:4

Apan ingon nga mga alagad sa Dios kami nagpamatuod sa among kaugalingon: diha sa tumang pagkamalahutayon, diha sa mga kasakitan, sa mga kawalad-on, sa mga kalisdanan,

Mga Taga-Filipos 1:26

aron nga dinhi kanako makabaton kamo ug igong hinungdan sa pagpasigarbo kang Cristo Jesus, tungod sa akong pag-anha pag-usab kaninyo.