2 Mga Taga-Corinto 5:11

Ang Biblia 2011

Busa sa nasayran namo ang pagkahadlok sa Ginoo, kami nangdani sa mga tawo. Hinuon, kami nasayran na sa Dios, ug ako naglaom nga kini masayran usab sa inyong mga tanlag.

Cross References

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

Job 18:11

Mga panghadlok naglisang kaniya diha sa matag kilid, ug naggukod kaniya sa iyang mga tikod.

Job 31:23

Kay ako anaa sa kalisang sa katalagman gikan sa Dios, ug dili ako makaharong sa iyang pagkahalangdon.

Job 6:4

Kay ang mga pana sa Labing Gamhanan ania kanako, ang akong espiritu miinom sa ilang hilo, ug ang mga pagpanglisang sa Dios gihan-ay batok kanako.

Salmo 73:19

Naunsa ba nga sila nangalaglag man sa kalit, nangaanod sa hilabihang mga kalisang!

Salmo 76:7

Apan ikaw, ikaw makalilisang gayod! Kinsay makabarog sa imong atubangan sa diha nga ikaw masuko?

Salmo 90:11

Kinsa ba ang nasayod sa gahom sa imong kasuko? ug sa imong kaligutgot sumala sa kahadlok kanimo?

Isaias 19:16

Nianang adlawa ang mga Ehiptohanon mahimong sama sa mga babaye, ug sila mangurog uban ang kahadlok tungod sa kamot nga gibakyaw ibabaw kanila sa Ginoo sa mga panon nga iyang gibakyaw ibabaw kanila.

Isaias 33:14

Ang mga makasasala diha sa Zion nangahadlok; ang pagkurog mihakop sa mga mapasipalahon, “Kinsa ba kanato ang makapuyo uban sa kalayo nga naglamoy? Kinsa ba kanato ang makapuyo uban sa walay kataposan nga pagkasunog?”

Nahum 1:6

Kinsa ang makasugakod sa atubangan sa iyang kapungot? Kinsa ang makaantos sa kainit sa iyang kasuko? Ang iyang kapungot gibubo sama sa kalayo, ug ang mga bato iyang gipulpog.

Mateo 10:28

Ayaw ninyo kahadloki kadtong mopatay sa lawas apan dili makahimo pagpatay sa kalag apan kahadloki hinuon ninyo ang makahimo paglaglag sa kalag ug lawas didto sa imperno.

Mateo 25:46

Ug sila moadto sa silot nga dayon apan ang mga matarong ngadto sa kinabuhing dayon.”

Lucas 12:5

Apan pasidan-an ko kamo kon kinsay angay ninyong kahadlokan: kahadloki siya nga, human mopatay, may gahom sa pagtambog ngadto sa imperno; oo, sultihan ko kamo, kahadloki siya!

Lucas 16:31

Si Abraham mitubag kaniya, ‘Kon sila dili man mamati kang Moises ug sa mga propeta, dili usab sila mamati bisan kon may mabanhaw pa gikan sa mga patay.’ ”

Mga Buhat 13:43

Ug sa nahuman na ang tigom sa sinagoga, daghang mga Judio ug mga relihiyosong nakabig sa pagka-Judio misunod kang Pablo ug Bernabe nga misulti ug miawhag kanila sa pagpadayon diha sa grasya sa Dios.

Mga Buhat 18:13

nga nag-ingon, “Kining tawhana nangdani sa mga tawo sa pagsimba sa Dios sa paagi nga supak sa balaod.”

Mga Buhat 18:4

Ug sa matag adlaw nga igpapahulay siya nakiglantugi didto sa sinagoga ug nangabig sa mga Judio ug sa mga Grego.

Mga Buhat 19:26

Ug kamo nakakita ug nakadungog nga dili lamang dinhi sa Efeso kondili hapit sa tibuok Asia, daghan ang mga tawo nga gipangdani ug gipahisalaag ni Pablo nga nag-ingon nga ang mga dios nga binuhat ug mga kamot dili mga dios.

Mga Buhat 26:26

Kay ang hari nasayod niining mga butanga ug kaniya nagsulti ako sa walay panagana, kay nagtuo ako nga walay bisan unsa niining mga butanga nga natago kaniya, kay wala man kini buhata diha sa suok.

Mga Buhat 28:23

Sa dihang nakatakda na sila ug adlaw alang kaniya, daghan sila nga nangadto kaniya sa iyang gipuy-an. Ug sukad sa buntag hangtod sa gabii, iyang gipasabot ang mga butang ngadto kanila nga nagpamatuod sa gingharian sa Dios ug naningkamot nga motuo sila mahitungod kang Jesus pinasikad sa Balaod ni Moises ug sa mga propeta.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Galacia 1:10

Kay nangdani ba ako karon sa tawo o sa Dios? O nagtinguha ba ako sa pagpahimuot sa mga tawo? Kon nagpahimuot pa gihapon ako sa mga tawo, dili unta ako karon ulipon ni Cristo.

Mga Taga-Efeso 5:21

Magpasakop kamo nga masinugtanon sa usa ug usa ingon nga nagtahod kang Cristo.

Mga Hebreo 10:31

Makalilisang gayod ang pagkahulog ngadto sa mga kamot sa buhi nga Dios.

Mga Hebreo 12:29

kay ang atong Dios usa ka kalayo nga mag-ut-ot.

Judas 1:23

luwasa ninyo ang uban pinaagi sa pagsakmit kanila gikan sa kalayo, ang uban kaluy-i ninyo uban sa kahadlok, dumtan bisan pa ang bisti nga nabulingan sa ilang lawas.

Gipadayag 20:15

Ug si bisan kinsa nga wala makaplagi nga nasulat diha sa basahon sa kinabuhi, siya itambog ngadto sa linaw nga kalayo.