2 Mga Taga-Corinto 5:10

Ang Biblia 2011

Kay kitang tanan kinahanglan mangatubang sa hukmanan ni Cristo aron ang matag usa modawat sumala sa nabuhat sa iyang lawas, maayo man o daotan.

Cross References

Genesis 18:25

Malayo unta kanimo ang pagbuhat sa ingon niana nga patyon nimo ang mga matarong uban sa mga daotan, ug nga sa ingon niana ang mga matarong mahisama sa mga daotan. Malayo unta kana kanimo! Dili ba nga ang Maghuhukom sa tibuok nga yuta magbuhat man sa matarong?”

1 Mga Hari 8:32

pamatia diha sa langit ug buhata ug hukmi ang imong mga sulugoon, siloti ang sad-an sumala sa iyang binuhatan ug ipadayag ang matarong sumala sa iyang pagkamatarong.

1 Mga Hari 8:39

pamatia diha sa langit nga imong puluy-anan ug pasayloa, ug buhata, ug hatagi ang matag tawo sumala sa tanan niyang gibuhat nga ang kasingkasing imong nahibaloan, kay ikaw, ikaw lamang ang nahibalo sa kasingkasing sa tanang mga anak sa mga tawo,

Job 34:11

Kay sumala sa buhat sa usa ka tawo mobalos siya kaniya, ug sumala sa iyang mga pamaagi iyang himoon nga modangat kini kaniya.

Salmo 62:12

ug nganha kanimo, O Ginoo, imo ang gugmang walay paglubad. Kay ikaw nagbalos sa tawo sumala sa iyang buhat.

Salmo 98:9

sa atubangan sa Ginoo, kay siya moanhi aron sa paghukom sa yuta. Diha sa pagkamatarong maghukom siya sa kalibotan, ug sa mga katawhan diha sa kaangayan.

Ecclesiastes 11:9

Paglipay, O batan-ong lalaki, sa imong pagkabatan-on, ug itugot nga ang imong kasingkasing magdasig kanimo sa mga adlaw sa imong pagkabatan-on. Lakaw diha sa mga pamaagi sa imong kasingkasing ug sa panan-aw sa imong mga mata. Apan hibaloi nga niining tanang mga butang, ang Dios maghukom kanimo.

Ecclesiastes 12:14

Kay ang Dios maghukom sa tanang buhat, sa tanang mga tinagoan, maayo man o dili.

Ezequiel 18:30

“Busa ako maghukom kanimo, O balay sa Israel, ang matag usa sumala sa iyang mga pamaagi, nag-ingon ang Ginoong Dios. Paghinulsol kamo ug talikdi ninyo ang tanan ninyong kalapasan aron ang pagkadaotan dili mahimong inyong kalaglagan.

Mateo 16:27

Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan.

Mga Buhat 10:42

Ug siya misugo kanamo sa pagwali ngadto sa mga tawo ug sa pagpamatuod nga siya mao ang gitudlo sa Dios aron mahimong maghuhukom sa mga buhi ug sa mga patay.

Mga Buhat 17:31

kay siya nagtakda ug adlaw kon kanus-a niya hukman ang kalibotan diha sa pagkamatarong pinaagi sa usa ka tawo nga iyang gitudlo, ug niini naghatag siya ug pasalig ngadto sa tanang mga tawo pinaagi sa pagbanhaw kaniya gikan sa mga patay.”

Roma 2:16

unya sa maong Adlaw nga, sumala sa akong Maayong Balita, hukman sa Dios ang mga tinagoan sa mga tawo pinaagi kang Cristo Jesus.

Roma 6:19

Nagsulti ako sa tawhanong paagi tungod sa inyong tawhanong kakulangan. Kay ingon nga kaniadto inyong gitugyan ang mga bahin sa inyong lawas ngadto sa kahugawan ug gikan sa usa ka kalapasan ngadto sa lain pang kalapasan, busa karon kinahanglang itugyan ninyo ang mga bahin sa inyong lawas ingon nga ulipon sa pagkamatarong ngadto sa pagkabalaan.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

2 Mga Taga-Corinto 7:3

Gisulti ko kini dili aron kamo pakasad-on kay giingon ko na kaniadto nga kamo ania sa among mga kasingkasing, nga kami makig-uban kaninyo sa kamatayon ug sa kinabuhi.

Mga Taga-Efeso 6:8

kay kamo nasayod nga ang tanang maayo nga gibuhat ni bisan kinsa, mao usab ang balos nga iyang madawat gikan sa Ginoo, ulipon man siya o gawasnon.

Mga Hebreo 9:27

Ug ingon nga natakda nga ang tawo mamatay sa makausa, ug human niana mao ang paghukom,

1 Pedro 4:5

Apan kini sila maghatag ra unya ug husay ngadto kaniya nga andam sa paghukom sa mga buhi ug sa mga patay.

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.

Gipadayag 22:12

“Tan-awa, moabot ako sa dili madugay, magdala sa akong igbabalos, sa pagbayad ngadto sa matag usa sumala sa iyang binuhatan.

1 Samuel 2:10

Kadtong makigbatok sa Ginoo, mangapusgay; batok kanila siya modahunog diha sa langit. Ang Ginoo maghukom sa tibuok kalibotan; maghatag siya ug kalig-on sa iyang hari, ug magbayaw sa gahom sa iyang dinihogan.”

1 Samuel 2:3

Ayaw na pagsulti sa hilabihan nga pagkamapahitas-on, ayaw pagulaa gikan sa imong baba ang pagkagarboso; kay ang Ginoong Dios sa kahibalo, ug pinaagi kaniya ang mga buhat gitimbang.