2 Mga Taga-Corinto 4:7

Ang Biblia 2011

Ug aduna kami niining maong bahandi nga sinulod diha sa mga sudlanan nga yuta, aron sa pagpadayag nga ang labawng gahom iya sa Dios ug dili gikan kanamo.

Cross References

Job 10:9

Hinumdomi nga ikaw nag-umol kanako sama sa lapok ug imo ba akong ibalik ngadto sa abog?

Job 33:6

Tan-awa, ako nag-atubang sa Dios sama kanimo; ako usab giumol gikan sa lapok.

Job 4:19

unsa pa kaha kadtong nagpuyo sa mga balay nga lapok, nga ang patukoranan anaa sa abog, nga nadugmok atubangan sa anunugba.

Mga Pagbangotan 4:2

Ang bililhong mga anak nga lalaki sa Zion ikatandi sa inulay nga bulawan, giisip sila nga sama sa yuta nga kulonon, ang buhat sa mga kamot sa magkukolon!

Mateo 13:44

“Ang gingharian sa langit sama sa usa ka bahandi nga gitagoan didto sa usa ka uma. Nakaplagan kini sa usa ka tawo ug iya kining gibalik pagtago ug tungod sa iyang kalipay siya milakaw ug iyang gibaligya ang tanan niyang kabtangan ug iyang gipalit ang maong uma.

Mateo 13:52

Ug siya miingon kanila, “Busa ang matag usa ka eskriba nga natudloan mahitungod sa gingharian sa langit sama sa usa ka pangulo sa panimalay nga magpagula gikan sa iyang mga bahandi sa mga butang nga bag-o ug daan.”

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

1 Mga Taga-Corinto 1:28

Ang mga ubos ug kahimtang ug ang mga sinalikway sa kalibotan gipili sa Dios, bisan ang mga walay bili aron ang mga bililhon nga butang mahimong walay kapuslanan,

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 13:4

Kay bisan tuod siya gilansang sa krus gikan sa kahuyang, apan siya nabuhi pinaagi sa gahom sa Dios. Kay bisan ug kami mga huyang diha kaniya, alang kaninyo mabuhi kami uban kaniya pinaagi sa gahom sa Dios.

2 Mga Taga-Corinto 4:1

Busa sa among pagkabaton niining maong pagpangalagad kay kami gikaluy-an, wala kami maluya.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

2 Mga Taga-Corinto 6:10

ingon nga mga masulub-on apan sa kanunay malipayon, ingon nga mga kabos apan nagpadato sa daghang tawo, ingon nga mga walay nahot apan nakabaton sa tanang mga butang.

Mga Taga-Efeso 2:5

bisan sa dihang patay pa kita tungod sa atong mga kasal-anan, naghimo kanato nga buhi uban kang Cristo. Tungod sa grasya giluwas kamo.

Mga Taga-Efeso 3:8

Kanako, bisan tuod ug labing ubos sa tanang mga balaan, gihatag ang maong grasya aron akong iwali ngadto sa mga Gentil ang dili matugkad nga mga bahandi ni Cristo,

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

Mga Taga-Colosas 2:12

ug gilubong kamo uban kaniya diha sa bautismo, nga uban kaniya usab kamo gibanhaw pinaagi sa pagtuo sa gahom sa Dios nga nagbanhaw kaniya gikan sa mga patay.

Mga Taga-Colosas 2:3

Diha kaniya natago ang tanang bahandi sa kaalam ug kahibalo.

1 Mga Taga-Tesalonica 1:5

kay ang among Maayong Balita miabot kaninyo dili diha sa pulong lamang, kondili diha usab sa gahom ug sa Espiritu Santo ug sa dakong pagsalig. Kamo nasayod unsa kaming matanga diha sa inyong taliwala tungod kaninyo.

1 Mga Taga-Tesalonica 4:4

nga ang matag usa kaninyo mahibalo unsaon sa pagpangasawa diha sa pagkabalaan ug kadungganan,

2 Timoteo 2:20

Diha sa dakong balay adunay mga sudlanan nga dili lamang hinimo ug bulawan ug plata kondili mga hinimo usab ug kahoy ug yuta, ug ang uban alang sa dungganan ug ang uban alang sa dili dungganan.

Mga Maghuhukom 7:2

Ang Ginoo miingon kang Gideon, “Ang katawhan nga anaa uban kanimo daghan ra kaayo alang kanako aron itugyan ang mga Midianhon ngadto sa ilang kamot, kay tingali unya ug ang Israel magpasigarbo sa ilang kaugalingon batok kanako, nga mag-ingon, ‘Ang akong kaugalingong kamot mao ang nakaluwas kanako.’