2 Mga Taga-Corinto 4:5

Ang Biblia 2011

Kay wala kami magwali mahitungod sa among kaugalingon kondili si Jesu-Cristo ingon nga Ginoo ug kami mga ulipon ninyo tungod kang Jesus.

Cross References

Mateo 23:8

Apan kamo, ayaw pagpatawag nga Rabi kay kamo adunay usa lamang ka magtutudlo ug kamong tanan magsoon.

Mateo 3:11

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Juan 7:18

Si bisan kinsa nga magsulti sa kinaugalingon lamang nangita sa iyang kaugalingong dungog apan si bisan kinsa nga nangita sa dungog sa nagpadala kaniya, matinud-anon ug wala diha kaniya ang pagkabakakon.

Mga Buhat 10:36

Kini mao ang pulong nga iyang gipadala ngadto sa katawhan sa Israel, sa iyang pagwali sa Maayong Balita sa kalinaw pinaagi kang Jesu-Cristo nga mao ang Ginoo sa tanan.

Mga Buhat 2:36

Busa pahibaloa gayod ang tibuok banay sa Israel nga ang Dios naghimo kaniya nga Ginoo ug Mesias, kining maong Jesus nga inyong gilansang sa krus.”

Mga Buhat 5:31

Ang Dios nagtuboy kaniya ngadto sa iyang tuo ingon nga Pangulo ug Manluluwas, aron sa paghatag ug paghinulsol ngadto sa Israel ug kapasayloan sa mga sala.

1 Mga Taga-Corinto 1:23

kita usab nagwali kang Cristo nga gilansang sa krus, nga alang sa mga Judio usa ka kapandolan ug alang sa mga Gentil usa ka binuang.

1 Mga Taga-Corinto 10:33

sama nga ako nagpahimuot sa tanan diha sa tanang butang sa walay pagpangita sa kaugalingon nakong kaayohan, kondili alang sa kadaghanan aron sila maluwas.

1 Mga Taga-Corinto 12:3

Busa buot nako nga inyong masabtan nga walay bisan usa nga pinaagi sa Espiritu sa Dios mag-ingon, “Si Jesus matinunglo!” Ug walay makaingon, “Si Jesus Ginoo,” gawas kon pinaagi sa Espiritu Santo.

1 Mga Taga-Corinto 15:47

Ang unang tawo gikan sa yuta, hinimo gikan sa abog; ang ikaduhang tawo gikan sa langit.

1 Mga Taga-Corinto 2:2

Kay gituyo nako nga dili mahibalo sa bisan unsa gawas lamang kang Jesu-Cristo ug nga siya gilansang sa krus.

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

1 Mga Taga-Corinto 8:6

apan alang kanato adunay usa lamang ka Dios, ang Amahan, nga gigikanan sa tanang mga butang ug kita alang kaniya, ug usa lamang ka Ginoo, si Jesu-Cristo, nga pinaagi kaniya mao kita ug ang tanang mga butang.

2 Mga Taga-Corinto 1:19

Kay ang Anak sa Dios nga si Jesu-Cristo, nga giwali kaninyo ni Silvano ug ni Timoteo ug nako, dili “Oo” ug unya “Dili”, kondili diha kaniya kanunay nga “Oo.”

2 Mga Taga-Corinto 1:24

Dili ingon nga nagpaka-agalon kami kaninyo sa inyong pagtuo, hinuon, kami naghago uban kaninyo alang sa inyong kalipay, tungod kay kamo malig-ong nagbarog sa inyong pagtuo.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

Mga Taga-Filipos 1:15

Tinuod, ang uban nagwali kang Cristo gikan sa kasina ug sa pagpalabaw, apan ang uban gikan sa maayong kabubut-on.

Mga Taga-Filipos 2:11

ug ang tanang dila magsugid nga Ginoo si Jesu-Cristo alang sa pagdayeg sa Dios nga Amahan.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.