2 Mga Taga-Corinto 4:4

Ang Biblia 2011

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Cross References

1 Mga Hari 22:22

Ug ang Ginoo miingon kaniya, ‘Sa unsang paagi?’ Ug siya miingon, ‘Ako moadto ug magpakabakakon nga espiritu sa baba sa tanan niyang mga propeta.’ Ug siya miingon, ‘Ikaw mao ang modani kaniya ug magmalamposon. Lakaw ug buhata kini.’

Salmo 50:2

Gikan sa Zion, ang pagkahingpit sa katahom, nagsidlak ang Dios.

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Mateo 13:22

Mahitungod niadtong nahisabod diha sa kasampinitan, kini mao kadtong nakadungog sa pulong apan ang mga kabalaka niining kalibotana ug ang gugma sa bahandi magtuok sa pulong ug kini dili makapamunga.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 12:31

Karon mao na ang paghukom niining kalibotana, karon palagpoton na ang pangulo niining kalibotana.

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Juan 12:45

Ug siya nga nakakita kanako nakakita kaniya nga nagpadala kanako.

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

Juan 15:24

Kon wala pa nako buhata taliwala kanila ang mga buhat nga wala mabuhat sa uban, wala unta silay sala. Apan karon sila nakakita ug nagdumot na kanako ug sa akong Amahan.

Juan 16:11

ug mahitungod sa hukom, kay ang pangulo niining kalibotana gihukman na.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Mga Buhat 26:23

nga ang Cristo kinahanglang mag-antos, ug ingon nga una nga mabanhaw gikan sa mga patay, siya magsangyaw sa kahayag ngadto sa mga tawo ug sa mga Gentil.”

1 Mga Taga-Corinto 10:20

Dili, hinuon ang buot nako nga ipasabot mao nga bisan unsay ilang gihalad, kini ilang gihalad ngadto sa mga demonyo ug dili ngadto sa Dios. Dili ako buot nga kamo makig-ambit sa mga demonyo.

2 Mga Taga-Corinto 2:11

aron dili kita pahimuslan ni Satanas kay kita nahibalo man sa iyang mga pamaagi.

2 Mga Taga-Corinto 2:12

Ug sa pag-adto nako sa Troas aron sa pagwali sa Maayong Balita mahitungod kang Cristo, usa ka pultahan ang naabli alang kanako diha sa Ginoo.

2 Mga Taga-Corinto 3:11

Kay kon mahimayaon man kadtong nagkahanaw, labi pang mahimayaon kadtong magpadayon.

2 Mga Taga-Corinto 3:14

Apan ang ilang mga salabotan gipagahi kay bisan pa hangtod niining mga adlawa karon, sa dihang magbasa sila sa daan nga kasabotan, ang maong tabon nagpabilin gihapon, kay kini makuha man lamang pinaagi kang Cristo.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Mga Taga-Galacia 1:4

nga mitugyan sa iyang kaugalingon alang sa atong mga sala aron sa pagluwas kanato gikan niining daotan nga kapanahonan karon, sumala sa kabubut-on sa atong Dios ug Amahan.

Mga Taga-Efeso 2:2

Kaniadto kamo nagkinabuhi sumala sa pamaagi niining kalibotana, sumala sa kagamhanan sa kahanginan, sa espiritu nga karon mao ang naglihok diha sa mga tawong masupilon.

Mga Taga-Efeso 6:12

Kay ang atong pagpakig-away dili man sa unod ug dugo, kondili batok sa mga nagmando, batok sa mga kagamhanan, batok sa mga makagagahom sa kalibotan nga gingitngitan, batok sa mga daotan nga espirituhanong panon diha sa mga langitnong dapit.

Mga Taga-Filipos 2:6

nga bisan tuod siya naglungtad diha sa kinaiya sa Dios, wala siya maghunahuna nga ang pagpakigtupong sa Dios usa ka butang nga huptan,

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

1 Timoteo 1:11

sumala sa mahimayaong Maayong Balita sa dalaygong Dios nga niini ako gitugyanan.

Tito 2:13

samtang magpaabot kita sa atong bulahan nga paglaom ug pagpadayag sa himaya ni Jesu-Cristo nga atong dakong Dios ug Manluluwas.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Mga Hebreo 6:4

Kay dili gayod mahimo sa pagpabalik pag-usab ngadto sa paghinulsol niadtong mga nalamdagan na, ug nakatilaw na sa langitnong gasa, ug nakaambit na sa Espiritu Santo,

2 Pedro 1:19

Ug napamatud-an pa gayod ang pulong sa propesiya nga among gibatonan. Maayo nga inyong himoon ang pagtagad niini sama sa usa ka suga nga nagsiga sa ngitngit nga dapit, hangtod magsingabot na ang adlaw ug mosubang ang bituon nga kabugason diha sa inyong mga kasingkasing.

1 Juan 2:11

Apan siya nga nagdumot sa iyang igsoon, anaa sa kangitngit ug naglakaw diha sa kangitngit ug wala siya mahibalo kon asa siya padulong, kay ang kangitngit mibuta man sa iyang mga mata.

1 Juan 2:8

Apan bag-o usab kining sugoa nga akong gisulat kaninyo, nga tinuod diha kaniya ug kaninyo, kay ang kangitngit milabay na ug ang tinuod nga kahayag nagdan-ag na.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.