2 Mga Taga-Corinto 3:14

Ang Biblia 2011

Apan ang ilang mga salabotan gipagahi kay bisan pa hangtod niining mga adlawa karon, sa dihang magbasa sila sa daan nga kasabotan, ang maong tabon nagpabilin gihapon, kay kini makuha man lamang pinaagi kang Cristo.

Cross References

Salmo 69:23

Pangitngiti ang ilang mga mata aron sila dili makakita; ug himoa nga magpadayon sa pagkurog ang ilang mga hawak.

Isaias 25:7

Ug iyang gub-on niining bukira ang tabon nga gilabay ibabaw sa tanan nga mga katawhan, ang pandong nga gibukhad ibabaw sa tanan nga mga nasod;

Isaias 44:18

Sila wala makaila o makasabot, kay iyang gitaptapan ang ilang mga mata aron sila dili makakita, ug ang ilang mga hunahuna aron sila dili makasabot.

Isaias 56:10

Ang iyang mga tigbantay mga buta, silang tanan mga walay kahibalo; silang tanan pulos mga amang nga iro, sila dili makausig; nagdamgo, naghigda, mahigugmaon sa pagkatulog.

Isaias 59:10

Kami nagpanghikap sa bungbong sama sa buta, kami nagpanghikap sama niadtong walay mga mata; kami nadagma diha sa kaudtohon ingon sa kilomkilom, taliwala kanila nga himsog, kami sama sa mga tawong patay.

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Jeremias 5:21

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Ezequiel 12:2

“Anak sa tawo, ikaw nagpuyo taliwala sa usa ka balay nga masupilon, nga adunay mga mata sa pagtan-aw apan dili makakita, adunay mga dalunggan sa pagpamati apan dili makadungog, kay sila usa ka masupilon nga panimalay.

Mateo 13:11

Mitubag siya nga nag-ingon, “Tungod kay kaninyo gitugot ang pagkahibalo sa mga tinago sa gingharian sa langit apan kanila wala kini itugot.

Mateo 16:17

Kaniya mitubag si Jesus nga nag-ingon, “Bulahan ikaw, Simon, anak ni Jonas! Kay dili unod ug dugo ang nagpadayag kanimo niini, kondili ang akong Amahan nga anaa sa langit.

Mateo 6:23

apan kon masakiton ang imong mata, ang tibuok nimong lawas mapuno sa kangitngit. Busa kon ang kahayag nga anaa kanimo kangitngit diay, pagkadako gayod sa maong kangitngit!

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Juan 12:46

Ako mianhi sa kalibotan ingon nga kahayag aron ang tanan nga motuo kanako dili na magpabilin sa kangitngit.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Mga Buhat 13:15

Human sa pagbasa sa Balaod ug sa mga Propeta, ang mga pangulo sa sinagoga nagpaadto kanila sa pag-ingon, “Mga igsoon, kon aduna kamoy pulong sa pagdasig alang sa katawhan, isulti kana.”

Mga Buhat 15:21

Kay sukad pa sa unang mga kaliwatan si Moises adunay mga nagwali mahitungod kaniya sa matag lungsod, kay ang iyang mga sinulat gibasa man sulod sa mga sinagoga sa matag adlawng igpapahulay.”

Mga Buhat 16:14

Ug usa sa naminaw kanamo mao ang usa ka babaye nga ginganlan ug Lydia nga taga-lungsod sa Tiatira, nga tigbaligya ug mga mahalong panapton nga tapol. Siya masimbahon sa Dios, ug ang iyang kasingkasing giablihan sa Ginoo aron sa pagpamati sa gisulti ni Pablo.

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Roma 11:25

Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,

2 Mga Taga-Corinto 3:15

Apan hangtod niining mga adlawa karon, sa dihang magbasa sila kang Moises, natabonan gihapon ang ilang mga hunahuna

2 Mga Taga-Corinto 3:6

nga mao ang naghimo kanamong takos nga alagad sa bag-ong kasabotan, dili sa nasulat kondili sa Espiritu kay ang nasulat makamatay, apan ang Espiritu maghatag ug kinabuhi.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Mga Taga-Efeso 4:18

kay gingitngitan man ang ilang pagpanabot, nahimulag gikan sa kinabuhi sa Dios tungod sa pagkawalay kahibalo nila, tungod sa kagahi sa ilang kasingkasing.