2 Mga Taga-Corinto 3:12

Ang Biblia 2011

Busa tungod kay kami nakabaton man sa maong paglaom, kami maisogon,

Cross References

Juan 10:24

Unya mialirong kaniya ang mga Judio ug miingon kaniya, “Hangtod kanus-a ba kutob ang imong pagpahinam kanamo? Kon ikaw mao man ang Cristo, tug-ani kami sa walay lipodlipod.”

Juan 16:25

“Kining mga butanga gisulti nako kaninyo pinaagi sa mga sambingay apan moabot ang panahon nga ako dili na magsulti kaninyo pinaagi sa mga sambingay kondili magsugilon kaninyo sa dayag gayod mahitungod sa Amahan.

Juan 16:29

Ang iyang mga tinun-an miingon, “Ah, karon nagsulti na ikaw sa dayag gayod ug dili na pinaagi ug sambingay!

Mga Buhat 14:3

Busa mipabilin sila didto sa dugayng panahon, nagsulti nga maisogon alang sa Ginoo, nagpamatuod sa pulong sa iyang grasya, nagtugot nga ang mga ilhanan ug mga kahibulongan mahimo pinaagi sa ilang mga kamot.

Mga Buhat 4:13

Sa ilang pagkakita sa kaisog ni Pedro ug ni Juan, ug sa namatikdan nila nga sila walay alamag ug mga yano lamang nga mga tawo, sila nahibulong. Ug ilang nasayran nga sila diay dugay nang nakig-uban kang Jesus.

Mga Buhat 9:27

Apan si Bernabe midawat kaniya ug midala kaniya ngadto sa mga apostoles, ug misugilon kanila kon giunsa ni Saulo pagkakita sa Ginoo nga misulti kaniya didto sa dalan ug giunsa niya pagwali nga maisogon diha sa ngalan ni Jesus didto sa Damasco.

Mga Buhat 9:29

ug maisogon nga nagwali sa ngalan sa Ginoo. Nakigsulti siya ug nakiglantugi sa mga Judio nga Grego ug sinultihan, apan sila nagtinguha sa pagpatay kaniya.

1 Mga Taga-Corinto 14:19

apan diha sa iglesia palabihon nako ang pagsulti ug lima ka pulong uban ang akong pangisip aron katudloan usab ang uban, kay sa paglitok ug kaliboan ka libo ka pulong pinaagi sa pagsulti ug laing pinulongan.

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 3:11

Kay kon mahimayaon man kadtong nagkahanaw, labi pang mahimayaon kadtong magpadayon.

2 Mga Taga-Corinto 4:13

Apan kami nakabaton sa mao rang espiritu sa pagtuo sumala sa nasulat, “Ako mituo, busa ako misulti,” kami usab nagtuo, ug busa kami nagsulti

2 Mga Taga-Corinto 7:4

Aduna akoy dakong pagsalig kaninyo aduna akoy dakong garbo kaninyo, napuno ako sa kalipay. Ug bisan pa sa tanan namong kasakit, nag-awas ang akong kalipay.

Mga Taga-Filipos 1:14

Ang kadaghanan sa kaigsoonan nahimong masaligon sa Ginoo tungod sa akong pagkabilanggo, ug misamot sa pagkamaisogon sa pagsulti sa pulong sa Dios nga walay kahadlok.

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

Mga Taga-Colosas 4:4

aron ipadayag nako kini ingon nga kinahanglan nakong isulti.

1 Mga Taga-Tesalonica 2:2

hinuon, bisan pa ug gidagmalan ug gipakaulawan kami didto sa Filipos, sumala sa inyong nahibaloan, kami magmaisogon diha sa atong Dios sa pagpadayag nganha kaninyo sa Maayong Balita sa Dios atubangan sa dagkong pagsupak.

1 Timoteo 3:13

kay sila nga maayong mangalagad makabaton ug maayong kahimtang alang sa ilang kaugalingon ug dakong pagsalig diha sa pagtuo nga anaa kang Cristo Jesus.

Filemon 1:8

Busa, bisan tuod ug maisogon ako diha kang Cristo sa pagsugo kanimo sa gikinahanglan nimong buhaton,