2 Mga Taga-Corinto 2:9

Ang Biblia 2011

Kay ang hinungdan niadtong akong pagsulat mao nga aron mahibaloan nako ang pagkatinuod kon masinugtanon ba gayod kamo sa tanang butang.

Cross References

Exodo 16:4

Unya ang Ginoo miingon kang Moises, “Tan-awa, magpaulan ako ug pan gikan sa langit alang kaninyo, ug ang katawhan manggula ug manguha matag adlaw ug igo alang sa usa ka adlaw, aron kasulayan nako sila kon magsubay ba sila diha sa akong balaod o dili.

2 Mga Taga-Corinto 10:6

Ug kami andam sa pagsilot sa tanang pagsupil, sa dihang mahingpit ang inyong pagkamasinugtanon.

2 Mga Taga-Corinto 2:3

Busa ako nagsulat niining maong butang kaninyo aron dili ako moanha nga maguol pinaagi sa mga tawo nga mao untay molipay kanako, ingon nga ako nagsalig kaninyong tanan nga ang akong kalipay inyo usab nga tanan.

2 Mga Taga-Corinto 2:4

Kay nagsulat ako kaninyo gikan sa tumang kasakit ug kahigwaos sa kasingkasing, uban sa daghang mga luha, dili aron sa pagpaguol kaninyo kondili aron mahibalo kamo sa kadagaya sa akong gugma alang kaninyo.

2 Mga Taga-Corinto 2:8

Busa naghangyo ako kaninyo nga inyong pamatud-an kaniya ang inyong gugma.

2 Mga Taga-Corinto 8:2

Kay bisan pa sa daghang pagsulay kanila sa kasakit, ang ilang naghingapin nga kalipay ug ang ilang tuman nga kakabos miawas hinoon ngadto sa hilabihan nga pagkamanggihatagon.

2 Mga Taga-Corinto 8:24

Busa sa atubangan sa mga iglesia ipadayag ninyo niining mga tawhana ang kamatuoran sa inyong gugma ug sa among pagpasigarbo kaninyo.

Deuteronomio 13:3

ayaw kamo pamati sa mga pulong sa maong propeta o sa maong tighubad sa mga damgo kay ang Ginoo nga inyong Dios nagsulay kaninyo, aron sa pag-ila kon nahigugma ba kamo o wala sa Ginoo nga inyong Dios sa tibuok ninyong kasingkasing ug sa tibuok ninyong kalag.

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

Mga Taga-Filipos 2:12

Busa, akong mga hinigugma, ingon nga kamo sa kanunay mituman, dili lamang sa panahon nga anaa ako kaninyo, kondili labaw pa gani sa panahon usab nga wala ako diha kaninyo, panglimbasogi ninyo ang inyong kaugalingong kaluwasan uban ang kahadlok ug pagkurog,

Mga Taga-Filipos 2:22

Apan kamo nasayod sa katakos ni Timoteo, kon giunsa niya sa pag-alagad uban kanako diha sa buluhaton sa Maayong Balita, ingon sa usa ka anak nga nag-alagad sa iyang amahan.

2 Mga Taga-Tesalonica 3:14

Kon aduna may magdumili sa pagtuman sa among gisulti niining sulata, timan-i ninyo kanang tawhana ug ayaw pakig-uban kaniya aron siya mobati ug kaulaw.

Filemon 1:21

Masaligon sa imong pagkamasinugtanon, ako nagsulat kanimo nga nasayod nga ikaw mobuhat gayod bisan ug labaw pa sa akong gisulti.