2 Mga Taga-Corinto 2:4

Ang Biblia 2011

Kay nagsulat ako kaninyo gikan sa tumang kasakit ug kahigwaos sa kasingkasing, uban sa daghang mga luha, dili aron sa pagpaguol kaninyo kondili aron mahibalo kamo sa kadagaya sa akong gugma alang kaninyo.

Cross References

Salmo 119:136

Ang akong mga mata nagpaagas ug daghang luha tungod kay ang mga tawo wala magtuman sa imong Balaod.

2 Mga Taga-Corinto 11:2

Kay ako mibati ug diosnong pagpangabubho alang kaninyo, kay kamo ako na man nga gikasaad nga maasawa ngadto sa usa ka bana aron mapaila nga putling ulay ngadto kang Cristo.

2 Mga Taga-Corinto 12:15

Apan ikalipay gayod nako nga ako mogasto ug magasto alang sa inyong mga kalag. Kon milabaw man kadako ang akong paghigugma kaninyo, mogamay ba diay ang inyong paghigugma kanako tungod niini?

2 Mga Taga-Corinto 2:9

Kay ang hinungdan niadtong akong pagsulat mao nga aron mahibaloan nako ang pagkatinuod kon masinugtanon ba gayod kamo sa tanang butang.

2 Mga Taga-Corinto 7:12

Busa, bisan tuod ug ako nagsulat kaninyo, kadto dili tungod kaniya nga naghimo sa kadaot o tungod kaniya nga nahiagom sa kadaot, kondili aron ang inyong pagkamatinud-anon alang kanamo mapadayag nganha kaninyo sa atubangan sa Dios.

Mga Taga-Filipos 3:18

Kay daghan kanila, nga akong gisugilon kaninyo sa makadaghan ug nga bisan karon isugilon nako uban sa paghilak, nagkinabuhi nga mga kaaway sa krus ni Cristo.