2 Mga Taga-Corinto 2:14

Ang Biblia 2011

Apan salamat sa Dios nga nagmando kanato kanunay pinaagi kang Cristo ngadto sa kadaogan, ug ang kahumot sa kahibalo mahitungod kaniya gipadayag pinaagi kanato ngadto sa tanang dapit.

Cross References

Salmo 106:47

Luwasa kami, O Ginoo nga among Dios, ug tigoma kami gikan sa kanasoran, aron kami magpasalamat sa imong ngalan nga balaan, ug maghimaya diha sa pagdayeg kanimo.

Salmo 148:14

Nagpatindog siya ug usa ka sungay alang sa iyang katawhan, pagdayeg alang sa tanan niyang mga balaan, alang sa katawhan sa Israel nga duol kaniya. Dayega ang Ginoo!

Awit sa mga Awit 1:3

ang imong mga igdidihog nga lana humot, ang imong ngalan sama sa lana nga gibubo; busa ang mga dalaga nahigugma kanimo.

Ezequiel 20:41

Dawaton ko kamo ingon nga usa ka kahumot, sa diha nga kuhaon kamo nako gikan sa mga katawhan ug sa diha nga tigomon kamo nako gikan sa mga kayutaan diin kamo gipatibulaag, ug akong ipadayag ang akong pagkabalaan diha kaninyo sa atubangan sa mga nasod.

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Roma 1:8

Una, nagpasalamat ako sa akong Dios pinaagi kang Jesu-Cristo alang kaninyong tanan, kay ang inyong pagtuo nasangyaw man sa tibuok kalibotan.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

Roma 6:17

Apan salamat sa Dios nga kamo nga kaniadto ulipon sa sala, karon kinasingkasing na nga nagtuman sa pagtulun-an nga inyong gidawat.

Roma 8:37

Dili! Hinuon diha niining tanang mga butang kita labaw pa sa mga mananaog pinaagi kaniya nga nahigugma kanato.

1 Mga Taga-Corinto 12:8

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

1 Mga Taga-Corinto 15:37

Ug ang imong gipugas dili na mao ang lawas nga imong gipugas, kondili kini karon usa lamang ka liso, sa trigo o sa ubang binhi.

1 Mga Taga-Corinto 15:57

Apan salamat sa Dios nga mao ang naghatag kanato sa kadaogan pinaagi sa atong Ginoong Jesu-Cristo.

2 Mga Taga-Corinto 1:11

Kamo usab motabang pinaagi sa pag-ampo alang kanamo, aron daghan ang magpasalamat alang kanamo tungod sa panalangin nga nadawat namo agig tubag sa daghang mga pag-ampo.

2 Mga Taga-Corinto 8:16

Salamat sa Dios nga nagbutang diha sa kasingkasing ni Tito sa sama ka matinud-anong pagtagad alang kaninyo.

2 Mga Taga-Corinto 9:15

Salamat sa Dios tungod sa iyang gasa nga dili maasoy!

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Mga Taga-Efeso 5:20

Sa tanang higayon magpasalamat kamo ngadto sa Dios nga Amahan tungod sa tanang mga butang, diha sa ngalan sa atong Ginoong Jesu-Cristo.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

Mga Taga-Colosas 1:6

nga miabot kaninyo. Ingon nga kini namunga gayod ug nagmalamboon sa tibuok kalibotan mao usab diha kaninyo, sukad pa niadtong adlaw nga nakadungog ug nakasabot kamo sa grasya sa Dios diha sa kamatuoran,

Mga Taga-Colosas 2:15

Ang mga pamunoan ug kagamhanan iyang gitangtangan sa mga hinagiban ug iyang gipasundayag sila sa kadaghanan, diha sa iyang pagdaog batok kanila pinaagi sa krus.

1 Mga Taga-Tesalonica 1:8

Kay dili lamang nga gikan kaninyo ang pulong sa Ginoo nga mikaylap sa Macedonia ug sa Acaya, kondili ang inyong pagtuo sa Dios nadungog sa tanang dapit nga tungod niana wala na kinahanglana nga magsulti pa kami ug bisan unsa.

1 Mga Taga-Tesalonica 3:9

Kay unsang pasalamat ang among mahatag sa Dios tungod kaninyo, tungod sa tanang kalipay nga among gibati tungod ug alang kaninyo sa atubangan sa Dios?

1 Timoteo 2:8

Busa gitinguha nako nga sa tanang dapit ang mga lalaki mag-ampo nga magbayaw ug mga kamot nga balaan nga walay kasuko o pakiglalis.

2 Timoteo 2:2

ug ang mga butang nga imong nadungog gikan kanako sa atubangan sa daghang mga saksi, itugyan ngadto sa kasaligan nga mga tawo nga may katakos sa pagpanudlo usab sa uban.

Gipadayag 7:12

ug nag-ingon, “Amen! Ang pagdayeg ug ang himaya ug ang kaalam ug ang pagpasalamat ug ang kadungganan ug ang gahom ug ang kusog ngadto sa among Dios hangtod sa kahangtoran! Amen.”