2 Mga Taga-Corinto 13:6

Ang Biblia 2011

Naglaom ako nga inyong masuta nga kami wala mangapakyas.

Cross References

Roma 1:28

Ug kay wala man nila hunahunaa nga kinahanglan ang pagbaton ug kahibalo sa Dios, ang Dios mitugyan kanila ngadto sa salawayong panghunahuna, sa pagbuhat sa mga butang nga dili angay.

2 Mga Taga-Corinto 12:20

Kay ako nahadlok nga inig-abot nako diha tingali ug makaplagan ko kamo sa kahimtang nga dili nako buot, ug nga makaplagan ako ninyo sa kahimtang nga dili ninyo buot. Tingalig makaplagan ko kamo nga may panaglalis, kasina, kapungot, pag-iya-iya, mga pagdinaotay sa dungog, linibakay, pagpanghambog ug kagubot.

2 Mga Taga-Corinto 13:10

Busa ako nagsulat niining mga butanga samtang layo ako kaninyo aron nga sa pag-anha unya nako, dili na unta kinahanglan nga magmahigpit pa ako sa akong paggamit sa kagahom nga gihatag kanako sa Ginoo alang sa paglig-on ug dili sa paglumpag.

2 Mga Taga-Corinto 13:5

Susiha ang inyong kaugalingon kon anaa ba kamo sa pagtuo. Sulayi ang inyong kaugalingon. Wala ba ninyo masinati nga si Jesu-Cristo anaa kaninyo?—gawas kon nangapakyas kamo.

2 Mga Taga-Corinto 13:7

Apan kami nag-ampo sa Dios nga unta dili kamo magbuhat ug daotan, dili aron sa pagpakita nga kami maayo gayod kondili nga aron unta kamo magbuhat sa matarong bisan kami daw nangapakyas.