2 Mga Taga-Corinto 13:5

Ang Biblia 2011

Susiha ang inyong kaugalingon kon anaa ba kamo sa pagtuo. Sulayi ang inyong kaugalingon. Wala ba ninyo masinati nga si Jesu-Cristo anaa kaninyo?—gawas kon nangapakyas kamo.

Cross References

Salmo 119:59

Sa namalandong ako sa akong mga dalan, gipabalik nako ang akong mga tiil ngadto sa imong mga pagpamatuod.

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Salmo 26:2

Susiha ako, O Ginoo, ug sulayi ako; sulayi ang akong kasingkasing ug ang akong hunahuna.

Jeremias 6:30

Sinalikway nga plata ang itawag kanila kay ang Ginoo nagsalikway man kanila.”

Mga Pagbangotan 3:40

Susihon nato ug sulayan ang atong mga pamaagi, ug mamalik kita ngadto sa Ginoo!

Ezequiel 18:28

Tungod kay siya namalandong ug mitalikod gikan sa tanan niyang kalapasan nga iyang gihimo, siya mabuhi gayod, ug siya dili mamatay.

Hageo 1:5

Busa karon mao kini ang giingon sa Ginoo sa mga panon: Palandonga ang inyong kahimtang.

Hageo 1:7

“Mao kini ang giingon sa Ginoo sa mga panon: Palandonga ang inyong kahimtang.

Juan 14:23

Si Jesus mitubag ug miingon kaniya, “Kon ang usa ka tawo nahigugma kanako, siya magtuman sa akong pulong, ug ang akong Amahan mahigugma kaniya ug moanha kami kaniya ug kami mopuyo uban kaniya.

Juan 15:4

Pabilin kamo kanako, ug ako diha kaninyo. Sama nga ang sanga dili makapamunga sa iya rang kaugalingon gawas kon magpabilin kini sa punoan; mao usab kamo, dili makapamunga gawas kon magpabilin kamo kanako.

Juan 17:23

ako anaa kanila ug ikaw ania kanako aron sila hingpit nga mausa, aron ang kalibotan moila nga ikaw nagpadala kanako ug nahigugma kanila ingon nga ikaw nahigugma kanako.

Juan 17:26

Ug ang imong ngalan akong gipaila kanila, ug kini ipaila nako kanila aron nga ang gugma nga imong gihigugma kanako maanaa kanila ug ako maanaa kanila.”

Juan 6:56

Ang mokaon sa akong unod ug moinom sa akong dugo magpabilin kanako ug ako diha kaniya.

Juan 6:6

Kini iyang gisulti aron sa pagsulay kang Felipe kay siya nasayod man kon unsay buhaton.

Roma 1:28

Ug kay wala man nila hunahunaa nga kinahanglan ang pagbaton ug kahibalo sa Dios, ang Dios mitugyan kanila ngadto sa salawayong panghunahuna, sa pagbuhat sa mga butang nga dili angay.

Roma 8:10

Apan kon si Cristo anaa kaninyo, bisan ang lawas patay tungod sa sala, ang Espiritu kinabuhi tungod sa pagkamatarong.

1 Mga Taga-Corinto 11:28

Apan ipasusi sa matag usa ang iyang kaugalingon ug unya pakan-a siya sa pan ug paimna siya sa kupa.

1 Mga Taga-Corinto 11:31

Apan kon kita nakasusi sa atong kaugalingon, kita dili na hukman.

1 Mga Taga-Corinto 3:16

Wala ba kamo masayod nga kamo templo sa Dios ug nga ang Espiritu sa Dios nagpuyo diha kaninyo?

1 Mga Taga-Corinto 6:15

Wala ba kamo masayod nga ang inyong lawas mga bahin man ni Cristo? Kuhaon ko ba ang mga bahin ni Cristo aron himoon nga mga bahin sa usa ka babayeng makihilawason? Dili gayod!

1 Mga Taga-Corinto 6:19

Wala ba kamo masayod nga ang inyong lawas templo sa Espiritu Santo nga anaa kaninyo, nga inyong nabatonan gikan sa Dios? Kamo dili na inyo sa inyong kaugalingon,

1 Mga Taga-Corinto 6:2

Wala ba kamo masayod nga ang mga balaan maghukom man unya sa kalibotan? Ug kon ang kalibotan hukman ninyo, dili ba diay kamo takos sa paghusay sa gagmay nga mga panagsumpaki?

1 Mga Taga-Corinto 9:24

Wala ba kamo masayod nga sa usa ka lumba ang tanang apil sa lumba modagan, apan usa ra ang makadawat sa ganti? Busa dagan aron kamo makadawat sa ganti.

1 Mga Taga-Corinto 9:27

hinuon gihigpitan nako ang akong lawas ug giulipon kini, kay basin unya ug sa akong pagwali ngadto sa uban, mahimo akong sinalikway.

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Mga Taga-Galacia 2:20

Gilansang ako sa krus uban kang Cristo, dili na ako ang nabuhi, kondili si Cristo ang nabuhi sa sulod nako, ug ang kinabuhi nga karon akong gikinabuhi sa unod akong gikinabuhi diha sa akong pagtuo sa Anak sa Dios nga nahigugma kanako ug mitugyan sa iyang kaugalingon alang kanako.

Mga Taga-Galacia 4:19

Mga anak ko, nga gikasakitan nako pag-usab hangtod nga si Cristo mahulma diha sa sulod ninyo!

Mga Taga-Galacia 6:4

Papamatud-i sa matag usa ang iyang kaugalingong binuhatan, ug ang iyang pagpasigarbo diha lamang sa iyang kaugalingon, ug dili sa laing tawo.

Mga Taga-Efeso 3:17

ug aron si Cristo magpuyo diha sa inyong mga kasingkasing pinaagi sa pagtuo, aron kamo, ingon nga mga pinagamot ug pinasukad diha sa gugma,

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

Mga Taga-Colosas 2:19

Ang maong tawo wala madugtong sa Ulo, nga gikan niini ang tibuok nga lawas gibuhi ug gisumpay diha sa mga lutahan ug mga kaugatan, nagtubo diha sa pagtubo nga gikan sa Dios.

Mga Taga-Colosas 2:7

pinagamot ug pinatubo diha kaniya ug gilig-on diha sa pagtuo, ingon nga gitudloan kamo niini, nag-awas sa pagpasalamat.

1 Timoteo 2:15

Apan ang babaye maluwas pinaagi sa iyang pagpanganak kon siya magpadayon diha sa pagtuo ug gugma ug pagkabalaan inubanan sa kaligdong.

2 Timoteo 3:8

Ingon nga si Janes ug si Jambres misupak kang Moises, kining mga tawhana nagsupak usab sa kamatuoran, mga tawo nga dunot ug panghunahuna ug mga mini ug pagtuo.

Tito 1:13

Tinuod kini nga pagpamatuod. Busa badlonga sila pag-ayo aron malig-on sila diha sa pagtuo,

Tito 1:16

Sila nagpahayag nga nakaila sila sa Dios, apan naglimod kaniya pinaagi sa ilang mga binuhatan. Sila dulumtanan, masinupakon ug dili mapuslan alang sa tanang maayong buhat.

Tito 2:2

Ang gulanggulang nga mga lalaki kinahanglan nga magmapinugnganon sa kaugalingon, magmaligdong, mabuot, lig-on diha sa pagtuo, sa gugma ug sa pagkamapailobon.

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

Mga Hebreo 4:1

Busa angay kitang mahadlok, samtang nagpadayon pa ang saad sa pagsulod ngadto sa iyang kapahulayan, tingali unya ug aduna kaninyoy maisip nga wala makakab-ot niini.

Mga Hebreo 6:8

Apan kon kini mamunga man ug mga sampinit ug mga kadyapa, kini walay bili ug hapit na matinunglo, ang kataposan niini mao ang pagsunog.

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.

1 Pedro 5:9

Sukol kamo kaniya ingon nga kamo lig-on sa inyong pagtuo, sa nahibaloan ninyo nga ang samang mga pag-antos kinahanglan gayod masinati ninyong tanan nga kaigsoonan nga ania sa kalibotan.

Gipadayag 2:5

Busa hinumdomi diin ikaw gikan sa imong pagkahulog, ug paghinulsol ug buhata ang mga buhat nga imong gihimo kaniadto. Kay kon dili, anhaon ko ikaw ug kuhaon nako ang imong lamparahan gikan sa iyang dapit, gawas kon ikaw maghinulsol.