2 Mga Taga-Corinto 12:9

Ang Biblia 2011

apan siya miingon kanako, “Ang akong grasya igo alang kanimo kay ang akong gahom gihingpit diha sa kaluyahon.” Sa ingon niana, labaw nakong gikalipay ang pagpasigarbo tungod sa akong mga kaluyahon aron ang gahom ni Cristo molandong nganhi kanako.

Cross References

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

Salmo 8:2

Gikan sa baba sa mga gagmayng bata ug sa mga masuso gipahimutang nimo ang kalig-on tungod sa mga nakigbatok kanimo aron mapahilom nimo ang kaaway ug ang tigpanimalos.

Isaias 11:2

Ang Espiritu sa Ginoo mopuyo diha kaniya, ang espiritu sa kaalam ug pagsabot, ang espiritu sa pagtambag ug kagahom, ang espiritu sa kahibalo ug ang kahadlok sa Ginoo.

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Sofonias 3:17

Ang Ginoo, ang imong Dios, anaa sa imong taliwala, usa ka manggugubat nga maghatag ug kadaogan; siya magmaya tungod kanimo uban ang kalipay, siya magbag-o kanimo diha sa iyang gugma; siya magmalipayon tungod kanimo uban ang pag-awit,

Mateo 28:18

Ug si Jesus miduol ug miingon kanila, “Ang tanang kagahom sa langit ug sa yuta gihatag kanako.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

1 Mga Taga-Corinto 10:13

Walay pagsulay nga miabot kaninyo nga wala masinati sa tawo. Ang Dios kasaligan, ug dili niya itugot nga kamo sulayon labaw sa inyong masarangan, apan uban sa pagsulay siya magtagana usab ug lutsanan, aron makasugakod kamo niini.

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Mga Taga-Corinto 2:3

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

1 Mga Taga-Corinto 2:5

aron ang inyong pagtuo dili diha sa kaalam sa mga tawo kondili diha sa gahom sa Dios.

2 Mga Taga-Corinto 11:30

Kon kinahanglan man ako nga magpasigarbo, maoy akong ipasigarbo ang mga butang nga nagpadayag sa akong kahuyang.

2 Mga Taga-Corinto 12:1

Kinahanglan nga magpasigarbo ako bisan pa ug walay makuha niini. Hisgotan nako ang mga panan-awon ug mga gipadayag gikan sa Ginoo.

2 Mga Taga-Corinto 12:10

Busa tungod kang Cristo ikalipay nako ang mga kaluyahon, mga pagbugalbugal, mga kalisdanan, mga paglutos ug mga kasakitan kay sa diha nga luya ako, lig-on hinuon ako.

2 Mga Taga-Corinto 12:15

Apan ikalipay gayod nako nga ako mogasto ug magasto alang sa inyong mga kalag. Kon milabaw man kadako ang akong paghigugma kaninyo, mogamay ba diay ang inyong paghigugma kanako tungod niini?

2 Mga Taga-Corinto 12:5

Kining tawhana akong ipasigarbo apan sa akong kaugalingon dili ako magpasigarbo gawas sa akong mga kaluyahon.

Mga Taga-Efeso 3:16

aron nga sumala sa iyang naghingapin nga himaya, itugot unta niya nga malig-on kamo sa gahom pinaagi sa iyang Espiritu diha sa kinasuloran sa inyong pagkatawo,

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Taga-Colosas 1:11

Hinaot unta nga malig-on kamo sa tanang kusog, sumala sa iyang mahimayaong gahom, alang sa tanang paglahutay ug pagpailob uban sa kalipay,

1 Timoteo 1:14

Ug ang grasya sa atong Ginoo miawas pag-ayo uban ang pagtuo ug gugma diha kang Cristo Jesus.

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

Mga Hebreo 4:16

Sa ingon niana, uban sa pagsalig manuol kita ngadto sa trono sa grasya, aron makadawat ug kaluoy ug makakaplag ug grasya nga makatabang kanato sa panahon sa pagpanginahanglan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”