2 Mga Taga-Corinto 12:7

Ang Biblia 2011

Ug aron dili ako magmapahitas-on niini tungod sa kadaghan sa mga gipadayag kanako, ako gihatagan ug tunok dinhi sa unod, usa ka sulugoon ni Satanas, aron dili ako magmapahitas-on.

Cross References

Genesis 32:25

Ug sa pagkakita sa tawo nga siya dili makabuntog kang Jacob, gisumbag niya ang tampihak sa iyang bat-ang ug nalisa ang bat-ang ni Jacob samtang siya nakiglayog pa kaniya.

Genesis 32:31

Ug nasidlakan siya sa adlaw sa iyang pagsaylo sa Peniel ug nagtakiang siya tungod sa iyang bat-ang.

2 Cronicas 26:16

Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso.

2 Cronicas 32:31

Apan mahitungod sa buhat sa mga sinugo sa mga pangulo sa Babilonia, nga gipadala ngadto kaniya aron sa pagpakisayod sa katingalahan nga nabuhat didto sa yuta, ang Dios mibiya kaniya, aron sa pagsulay kaniya ug sa pag-ila sa tanan nga anaa sa iyang kasingkasing.

Job 2:6

Ang Ginoo miingon kang Satanas, “Tan-awa, anaa siya sa imong gahom, ilikay lamang ang iyang kinabuhi.”

Job 2:7

Busa milakaw si Satanas gikan sa atubangan sa Ginoo, ug gipaantos si Job pinaagi sa mga hubag nga makalilisang, gikan sa lapalapa sa iyang tiil hangtod sa alimpulo.

Ezequiel 28:24

“Ug alang sa balay sa Israel, wala nay sampinit nga makatunok o tunok nga mosamad kanila taliwala sa tanan nilang mga silingan nga nagtamay kanila, ug sila makaila nga ako mao ang Ginoong Dios.

Daniel 5:20

Apan sa diha nga nagmapahitas-on ang iyang kasingkasing ug nagmagahi ang iyang espiritu, nga tungod niana siya nagkinabuhi nga mapahitas-on, gipapha siya gikan sa iyang trono nga harianon, ug ang iyang himaya gikuha gikan kaniya.

Oseas 2:6

Busa, akong alihan ang iyang dalan sa mga tunok ug maghimo ako ug kuta batok kaniya aron dili siya makatultol sa iyang mga agianan.

Numeros 33:55

Apan kon kamo dili mopapahawa sa mga nagpuyo sa yuta gikan sa inyong atubangan, kadtong inyong gitugotan nga magpabilin gikan kanila mahimong sama sa mga puling sa inyong mga mata ug ingon sa mga tunok diha sa inyong mga kilid, ug sila magsamok kaninyo sa yuta diin kamo magpuyo.

Mateo 26:67

Unya gilud-an nila ang iyang nawong ug gibunalan siya ug ang uban misagpa kaniya

Mateo 4:10

Unya si Jesus miingon kaniya, “Pahawa, Satanas! Kay nasulat kini, ‘Maoy simbaha ang Ginoo nga imong Dios, ug siya lamang ang alagara.’ ”

Lucas 13:16

Ug kining babaye nga anak ni Abraham nga gigapos ni Satanas sulod sa napulo ug walo ka tuig, dili ba kinahanglan nga badbaran siya sa gapos sa adlaw nga igpapahulay?”

1 Mga Taga-Corinto 4:11

Hangtod karon, kami gigutom ug giuhaw, nagkagidlay, dinagmalan, walay kaugalingong mga puluy-anan,

1 Mga Taga-Corinto 5:5

itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 10:5

sa tanang mga pangatarongan ug sa tanang mapahitas-ong babag nga nag-ali batok sa kahibalo sa Dios, ug nagbihag sa tanang panghunahuna aron kini magmasinugtanon kang Cristo.

2 Mga Taga-Corinto 11:20

Kay antoson man lang ninyo kon may tawo nga mag-ulipon kaninyo o maghukhok kaninyo o mamintaha kaninyo o magpataas sa iyang kaugalingon o mosagpa kaninyo sa nawong.

2 Mga Taga-Corinto 12:1

Kinahanglan nga magpasigarbo ako bisan pa ug walay makuha niini. Hisgotan nako ang mga panan-awon ug mga gipadayag gikan sa Ginoo.

Mga Taga-Galacia 4:13

Kamo nasayod nga tungod sa balatian sa akong lawas, nagsangyaw ako kaninyo sa Maayong Balita sa unang higayon.

Deuteronomio 17:20

aron dili niya bayawon ang iyang kasingkasing sa ibabaw sa iyang mga igsoon ug nga aron dili siya motipas gikan sa sugo, ngadto sa tuo o sa wala, aron nga makapadayon siya ug dugay sa iyang gingharian, siya ug ang iyang mga anak, sa Israel.

Deuteronomio 8:14

unya ang inyong kasingkasing magmapahitas-on ug malimot kamo sa Ginoo nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan,

1 Timoteo 3:6

Kinahanglan nga siya dili bag-o pang nakabig, kay tingali unya ug magpagarbo siya ug mahulog ngadto sa paghukom sa yawa.

Mga Maghuhukom 2:3

Busa karon moingon ako, ‘Dili nako sila papahawaon gikan sa inyong atubangan apan mahimo silang mga kaaway alang kaninyo ug ang ilang mga dios mahimong usa ka lit-ag alang kaninyo.’ ”