2 Mga Taga-Corinto 12:6

Ang Biblia 2011

Bisan pa kon buot ako nga magpasigarbo, dili ako magpakabuang kay magsulti man ako sa tinuod. Apan naglikay ako niini aron walay bisan kinsa nga mag-isip kanako nga labaw pa kay sa akong pagkamao sumala sa iyang nakita kanako o sa iyang nadungog gikan kanako.

Cross References

Job 24:25

Kon kini dili tinuod, kinsa ang mopamatuod nga ako bakakon, ug mopadayag nga ang akong pakigpulong walay bili?”

Roma 9:1

Nagsulti ako sa tinuod diha kang Cristo, wala ako mamakak; ang akong tanlag nagsaksi niini kanako diha sa Espiritu Santo,

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

2 Mga Taga-Corinto 1:18

Ingon nga ang Dios kasaligan, ang among pulong kaninyo dili “Oo” ug unya “Dili.”

2 Mga Taga-Corinto 11:16

Sublion ko ang pag-ingon, ayaw ipaisip ni bisan kinsa nga ako buangbuang; apan bisan kon inyo man ako nga isipon nga ingon, dawata ako ingon nga buangbuang aron ako usab makapasigarbo hinuon ug diyotay.

2 Mga Taga-Corinto 11:31

Ang Dios ug Amahan sa Ginoong Jesus, siya nga dalaygon hangtod sa kahangtoran, nasayod nga ako wala magbakak.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 12:7

Ug aron dili ako magmapahitas-on niini tungod sa kadaghan sa mga gipadayag kanako, ako gihatagan ug tunok dinhi sa unod, usa ka sulugoon ni Satanas, aron dili ako magmapahitas-on.

2 Mga Taga-Corinto 5:13

Kay kon kami wala sa among kaugalingon, kini alang sa Dios; ug kon kami anaa sa maayo nga panimuot, kini alang kaninyo.

2 Mga Taga-Corinto 7:14

Kay kon kamo gipasigarbo nako kaniya, wala ako maulawi; tungod niini apan kay tinuod man ang tanan namong gisulti mahitungod kaninyo, busa nasuta nga matuod ang among pagpasigarbo ngadto kang Tito.