2 Mga Taga-Corinto 12:20

Ang Biblia 2011

Kay ako nahadlok nga inig-abot nako diha tingali ug makaplagan ko kamo sa kahimtang nga dili nako buot, ug nga makaplagan ako ninyo sa kahimtang nga dili ninyo buot. Tingalig makaplagan ko kamo nga may panaglalis, kasina, kapungot, pag-iya-iya, mga pagdinaotay sa dungog, linibakay, pagpanghambog ug kagubot.

Cross References

Salmo 41:7

Ang tanan nga nagdumot kanako naghiusa sa paglibak kanako; naghunahuna sila ug labing daotan alang kanako.

Mga Panultihon 16:28

Ang tawo nga masukihon nagsabwag ug panagbingkil, ug ang usa ka tighunghong nagpabulag sa suod nga managhigala.

Roma 1:29

Sila napuno sa tanang matang sa pagkadili matarong, pagkadaotan, kahakog, kangil-ad. Puno sila sa kasina, pagpatay, pakig-away, pagpangilad, daotang tinguha, pagpanglibak, pagdaot sa dungog;

Roma 1:30

madumtanon sila sa Dios, mayubiton, mapahitas-on, tigpanghambog, tigmugna ug daotan, masupilon sa mga ginikanan,

Roma 2:8

apan kasuko ug kapungot alang niadtong naghunahuna lamang sa ilang kaugalingon ug wala magtuman sa kamatuoran kondili nagsunod hinuon sa pagkadili matarong.

1 Mga Taga-Corinto 1:11

Kay gisuginlan man ako sa mga tawo ni Cloe nga adunay panagbingkil diha kaninyo, mga igsoon ko.

1 Mga Taga-Corinto 14:33

Kay ang Dios dili Dios sa kasamok, kondili sa kalinaw. Sama sa batasan sa tanang mga iglesia sa mga balaan,

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

2 Mga Taga-Corinto 1:23

Apan ako nagtawag sa Dios ingon nga saksi batok sa akong kinabuhi—aron malikay kamo sa kasakit wala na lang ako moanha diha sa Corinto.

2 Mga Taga-Corinto 10:2

Ako nangamuyo kaninyo nga kon anaa na ako diha dili unta ako mapugos sa pagpakita sa kaisog tungod sa akong pagsalig ingon nga buot nakong ipakita niadtong naghunahuna nga kami nagkinabuhi sumala sa unod.

2 Mga Taga-Corinto 10:6

Ug kami andam sa pagsilot sa tanang pagsupil, sa dihang mahingpit ang inyong pagkamasinugtanon.

2 Mga Taga-Corinto 12:21

Nahadlok ako nga inig-anha nako diha pag-usab, tingalig maulawan ako sa akong Dios diha sa inyong atubangan, ug nga masubo ako sa daghan kanila nga nagpakasala kaniadto apan wala maghinulsol sa kahugaw, sa salawayong pakighilawas ug sa pagpatuyang nga ilang gihimo.

2 Mga Taga-Corinto 13:2

Gipasidan-an ko sila nga nagpakasala kaniadto ug ang tanan gayod ug magpasidaan ako karon kanila samtang wala pa ako karon diha uban kanila: sama sa akong gibuhat kaniadto sa akong ikaduhang pag-anha, nga kon ako moanha na pag-usab, dili ko gayod sayloan,

2 Mga Taga-Corinto 2:1

Kay ako nakahukom nga dili na lang moanha kaninyo pag-usab diha sa kasubo.

Mga Taga-Galacia 5:15

Apan kon kamo magpinahitay ug magtinukbanay sa usa ug usa, pagbantay kamo nga dili kamo mahurot pinaagi sa usa ug usa.

Mga Taga-Galacia 5:26

Dili kita magpagarbo sa atong kaugalingon o maghagit sa usa ug usa o masina ang usa batok sa usa.

Santiago 4:11

Mga igsoon, ayaw kamo pagdinaotay batok sa usa ug usa. Siya nga nagdaot sa usa ka igsoon o naghukom sa iyang igsoon, nagdaot sa balaod ug naghukom sa balaod. Apan kon ikaw maghukom sa balaod, dili ikaw tigbuhat sa balaod kondili maghuhukom.

1 Pedro 2:1

Busa, biniyaan ang tanang pagkadaotan ug ang tanang panglimbong ug pagpakaaron-ingnon ug kasina ug ang tanang pagpangdaot sa dungog,

2 Pedro 2:18

Kay sa dihang magsulti sila ug mga pagpanghambog, pinaagi sa mapatuyangong kahidlaw sa lawas nangdani sila sa mga tawo nga hapit na makalingkawas gikan sa nagkinabuhi sa kasaypanan.

Judas 1:16

Kini sila mga bagulbolan, tigmulo, nagsunod sa ilang mga pangibog, ug ang ilang mga baba nagsulti ug mga hambog, nag-ulog-ulog sa mga tawo aron sa pagpamintaha.