2 Mga Taga-Corinto 12:2

Ang Biblia 2011

Nakaila ako ug usa ka tawo nga anaa kang Cristo, napulo ug upat ka tuig na karon nga gibayaw ngadto sa ikatulong langit, diha ba sa lawas o sa gawas, wala ako masayod; ang Dios lamang ang nasayod.

Cross References

1 Mga Hari 18:12

Ug sa diha nga ako mobiya na gikan kanimo, ang Espiritu sa Ginoo magdala kanimo sa dapit nga wala nako mahibaloi, ug busa kon ako moanhi ug magsugilon kang Ahab, ug siya dili makakaplag kanimo, iya akong patyon, bisan ug ako nga imong sulugoon nahadlok sa Ginoo sukad sa akong pagkabatan-on.

1 Mga Hari 8:27

“Apan tinuod ba gayod nga ang Dios magpuyo dinhi sa kalibotan? Tan-awa, ang langit ug ang kinahabogan nga langit dili makaigo kanimo, unsa pa kaubos kining balay nga akong gitukod!

2 Mga Hari 2:16

Ug sila miingon kaniya, “Tan-awa karon, ania sa imong mga sulugoon ang 50 ka kusgan nga mga tawo. Palakta sila, kami naghangyo kanimo, ug ipapangita ang imong agalon, tingali ug ang Espiritu sa Ginoo mikuha kaniya ug gibutang siya sa kabukiran o sa kapatagan.” Ug siya miingon, “Ayaw sila ipadala.”

Salmo 148:4

Dayega siya, kamong mga kinahabogang kalangitan, ug kamong katubigan nga anaa sa ibabaw sa kalangitan!

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Ezequiel 11:24

Ang Espiritu mibayaw kanako ug midala kanako sa usa ka panan-awon pinaagi sa Espiritu sa Dios ngadto sa Caldea, ngadto sa mga binihag. Unya ang panan-awon nga akong nakita mibiya kanako.

Ezequiel 43:5

ang Espiritu mibayaw kanako ug gidala ako ngadto sa sulod nga hawanan, ug ang himaya sa Ginoo milukop sa Templo.

Lucas 24:51

Ug samtang nagpanalangin siya kanila, siya mibiya gikan kanila ug gibayaw ngadto sa langit.

Juan 6:56

Ang mokaon sa akong unod ug moinom sa akong dugo magpabilin kanako ug ako diha kaniya.

Mga Buhat 14:6

Sa pagkahibalo nila niini, mipalayo sila ngadto sa Listra ug Derbe, mga siyudad sa Licaonia, ug ngadto sa naglibot nga kayutaan.

Mga Buhat 22:17

“Sa diha nga mibalik na ako sa Jerusalem ug nag-ampo didto sa Templo, gipanglimotan ako,

Roma 16:10

Ipangumosta ako kang Apeles nga namatud-an diha kang Cristo. Ipangumosta ako sa mga sakop sa banay ni Aristobulo.

Roma 16:3

Ipangumosta ako kang Prisca ug Aquila, ang akong mga kauban nga magbubuhat diha kang Cristo Jesus.

Roma 16:7

Ipangumosta ako kang Andronico ug kang Junia, mga kauban nako nga binilanggo. Kini sila inila sa mga apostoles, ug sila una pa kanako diha kang Cristo.

Roma 16:9

Ipangumosta ako kang Urbano, ang atong kauban nga magbubuhat diha kang Cristo, ug kang Stacos nga akong minahal.

Roma 8:1

Busa sila nga anaa kang Cristo Jesus dili na karon mga hinukman.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

2 Mga Taga-Corinto 11:11

Ngano man? Tungod ba kay wala ako mahigugma kaninyo? Ang Dios nasayod.

2 Mga Taga-Corinto 13:5

Susiha ang inyong kaugalingon kon anaa ba kamo sa pagtuo. Sulayi ang inyong kaugalingon. Wala ba ninyo masinati nga si Jesu-Cristo anaa kaninyo?—gawas kon nangapakyas kamo.

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Taga-Galacia 1:22

Ug wala pa ako mailhi sa nawong gayod sa mga iglesia nga iya ni Cristo didto sa Judea,

Mga Taga-Galacia 5:6

Kay diha kang Cristo Jesus bisan ang pagkatinuli o ang pagkadili tinuli dili magpulos, kondili ang pagtuo nga nagbuhat pinaagi sa gugma.

Mga Taga-Efeso 4:10

Siya nga nanaog, siya usab ang misaka sa ibabaw, saylo pa sa tanang kalangitan, aron mapuno niya ang tanang mga butang.

Deuteronomio 10:14

Tan-awa, ngadto sa Ginoo nga imong Dios iya ang langit ug ang langit sa mga langit, ang yuta uban ang tanan nga anaa niini.

1 Mga Taga-Tesalonica 4:17

Ug kita nga mga buhi pa nga nahibilin, sakgawon unya ngadto sa mga panganod uban kanila sa pagsugat sa Ginoo diha sa kahanginan. Ug sa ingon niini kita makig-uban na kanunay sa Ginoo.

Mga Hebreo 4:14

Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

Gipadayag 1:10

Sa adlaw sa Ginoo diha ako sa Espiritu, ug sa akong luyo nadungog nako ang usa ka kusog nga tingog nga daw trumpeta

Gipadayag 12:5

Siya nanganak ug batang lalaki nga mao ang maghari sa tanang kanasoran pinaagi sa bunal nga puthaw, apan ang iyang anak gisakgaw ngadto sa Dios ug ngadto sa iyang trono.

Gipadayag 4:2

Dihadiha gigamhan ako sa Espiritu, ug tan-awa, dihay usa ka trono sa langit, ug sa trono dihay naglingkod!