2 Mga Taga-Corinto 12:19

Ang Biblia 2011

Nagdahom ba kamo nga sulod niining panahona kami nagsulti sa pagpanalipod sa among kaugalingon sa inyong atubangan? Sa atubangan sa Dios kami nagsulti diha kang Cristo, ug kining tanan alang sa paglig-on kaninyo, mga hinigugma.

Cross References

Roma 12:19

Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”

Roma 14:19

Busa tinguhaon nato ang pakigdait ug paglig-on sa usa ug usa.

Roma 15:2

Ang matag usa kanato kinahanglang magpahimuot sa atong isigkatawo alang sa iyang kaayohan aron siya malig-on.

Roma 9:1

Nagsulti ako sa tinuod diha kang Cristo, wala ako mamakak; ang akong tanlag nagsaksi niini kanako diha sa Espiritu Santo,

1 Mga Taga-Corinto 10:14

Tungod niini, akong mga hinigugma, likayi ninyo ang pagsimba ug mga diosdios.

1 Mga Taga-Corinto 10:33

sama nga ako nagpahimuot sa tanan diha sa tanang butang sa walay pagpangita sa kaugalingon nakong kaayohan, kondili alang sa kadaghanan aron sila maluwas.

1 Mga Taga-Corinto 14:26

Busa unsa man, mga igsoon? Inigtigom ninyo, ang matag-usa andam na nga may alawiton, may pagtulun-an, may pinadayag, may laing pinulongan, o hubad sa kahulogan niini. Ipahimo ang tanan alang sa pagpalig-on.

2 Mga Taga-Corinto 10:8

Kay bisan kon palabihan pa ug diyotay ang akong pagpasigarbo tungod sa kagahom nga gihatag kanamo sa Ginoo alang sa pagpalig-on ug dili sa pagpukan, ako dili maulawan.

2 Mga Taga-Corinto 11:10

Ingon nga ang kamatuoran ni Cristo ania kanako, kining maong pagpasigarbo nako dili mahunong didto sa mga kayutaan sa Acaya.

2 Mga Taga-Corinto 11:31

Ang Dios ug Amahan sa Ginoong Jesus, siya nga dalaygon hangtod sa kahangtoran, nasayod nga ako wala magbakak.

2 Mga Taga-Corinto 12:15

Apan ikalipay gayod nako nga ako mogasto ug magasto alang sa inyong mga kalag. Kon milabaw man kadako ang akong paghigugma kaninyo, mogamay ba diay ang inyong paghigugma kanako tungod niini?

2 Mga Taga-Corinto 13:10

Busa ako nagsulat niining mga butanga samtang layo ako kaninyo aron nga sa pag-anha unya nako, dili na unta kinahanglan nga magmahigpit pa ako sa akong paggamit sa kagahom nga gihatag kanako sa Ginoo alang sa paglig-on ug dili sa paglumpag.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 3:1

Nagsugod na ba usab kami karon sa pagdayeg sa among kaugalingon? O gikinahanglan ba namo, sama sa uban, ang mga sulat sa pagpaila nganha kaninyo o gikan kaninyo?

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Mga Taga-Filipos 4:1

Busa, akong mga igsoon, hinigugma ug hinandom, akong kalipay ug purongpurong, barog kamo nga lig-on diha sa Ginoo, akong mga hinigugma.

1 Mga Taga-Tesalonica 5:11

Busa pagdinasigay kamo ug lig-ona ninyo ang usa ug usa, sama sa inyong gibuhat karon.

Mga Hebreo 6:9

Apan bisan tuod nagsulti kami sa ingon niini mahitungod kaninyo, mga hinigugma, nagtuo gayod kami sa labaw pa ka maayong mga butang labot sa kaluwasan.