2 Mga Taga-Corinto 12:18

Ang Biblia 2011

Akong gihangyo si Tito sa pag-anha diha, ug gipakuyogan ko siya ug igsoon. Nagpahimulos ba si Tito kaninyo? Dili ba naggawi man kami diha sa mao rang espiritu? Dili ba mao ra man ang among mga lakang?

Cross References

Nehemias 5:14

Dugang pa, sukad sa panahon nga ako gitudlo aron mahimo nilang gobernador sa yuta sa Juda, sukad sa ika-20 nga tuig hangtod sa ika-32 nga tuig ni Artaxerxes nga hari, napulo ug duha ka tuig, ako o ang akong mga kaigsoonan wala mokaon sa pagkaon sa gobernador.

Numeros 16:15

Si Moises nasuko pag-ayo ug miingon sa Ginoo, “Ayaw tagda ang ilang halad! Wala ako magkuha bisan usa ka asno gikan kanila o magdaot sa usa kanila.”

Roma 4:12

Amahan usab siya sa mga tinuli, sa mga tawo nga dili lamang tinuli kondili nagsunod usab sa mga lakang sa pagtuo sa atong amahan nga si Abraham bisan sa dili pa siya tinuli.

1 Mga Taga-Corinto 4:21

Unsa may inyong gitinguha? Moanha ba ako kaninyo uban ang bunal o diha ba sa gugma inubanan sa espiritu sa kalumo?

2 Mga Taga-Corinto 7:2

Hatagi kami ug luna diha kaninyo; wala kami magbuhat ug sayop kang bisan kinsa, wala kami mangdaot ug wala kami mamintaha.

2 Mga Taga-Corinto 7:6

Apan ang Dios nga naglipay sa mga masulub-on, milipay kanamo pinaagi sa pag-abot ni Tito.

2 Mga Taga-Corinto 8:6

Tungod niini, si Tito among giagda nga padayonon usab niya diha kaninyo ang iyang nasugdan nga buhat sa gugma.

1 Pedro 2:21

Kay alang niini gitawag kamo, tungod kay si Cristo nag-antos usab alang kaninyo, nga nagbilin kaninyo ug usa ka panag-ingnan aron kamo magsunod sa iyang mga tunob.