2 Mga Taga-Corinto 12:1

Ang Biblia 2011

Kinahanglan nga magpasigarbo ako bisan pa ug walay makuha niini. Hisgotan nako ang mga panan-awon ug mga gipadayag gikan sa Ginoo.

Cross References

Ezequiel 11:24

Ang Espiritu mibayaw kanako ug midala kanako sa usa ka panan-awon pinaagi sa Espiritu sa Dios ngadto sa Caldea, ngadto sa mga binihag. Unya ang panan-awon nga akong nakita mibiya kanako.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Juan 16:7

Apan sultihan ko kamo sa tinuod, makaayo alang kaninyo nga mobiya ako kay kon dili ako mobiya, ang Manlalaban dili moanha kaninyo. Apan kon mobiya ako, siya akong ipadala nganha kaninyo.

Juan 18:14

Si Caifas mao ang mihatag ug tambag ngadto sa mga Judio nga maayo nga usa lamang ka tawo ang mamatay alang sa katawhan.

Mga Buhat 18:9

Ug usa ka gabii niana, pinaagi sa panan-awon, ang Ginoo miingon kang Pablo, “Ayaw kahadlok kondili sulti ug ayaw pagpakahilom,

Mga Buhat 23:11

Sa pagkasunod gabii, ang Ginoo mitungha kaniya ug miingon, “Pagmaisogon, kay ingon nga nagsaksi ikaw mahitungod kanako dinhi sa Jerusalem, kinahanglan nga magsaksi usab ikaw didto sa Roma.”

1 Mga Taga-Corinto 10:23

“Ang tanang butang gitugot,” apan dili ang tanang butang makaayo. “Ang tanang butang gitugot,” apan dili ang tanang butang mopalig-on.

1 Mga Taga-Corinto 14:6

Karon, mga igsoon, kon moanha ako kaninyo nga magsulti ug laing pinulongan, unsa may inyong makuha kanako gawas kon magsulti ako kaninyo diha sa pagpadayag, o kahibalo o propesiya o pagtulun-an?

1 Mga Taga-Corinto 6:12

“Ang tanang butang gitugot kanako,” apan dili ang tanang butang makaayo. “Ang tanang butang gitugot kanako,” apan dili ako magpaulipon sa bisan unsang butang.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 12:5

Kining tawhana akong ipasigarbo apan sa akong kaugalingon dili ako magpasigarbo gawas sa akong mga kaluyahon.

2 Mga Taga-Corinto 12:7

Ug aron dili ako magmapahitas-on niini tungod sa kadaghan sa mga gipadayag kanako, ako gihatagan ug tunok dinhi sa unod, usa ka sulugoon ni Satanas, aron dili ako magmapahitas-on.

2 Mga Taga-Corinto 12:9

apan siya miingon kanako, “Ang akong grasya igo alang kanimo kay ang akong gahom gihingpit diha sa kaluyahon.” Sa ingon niana, labaw nakong gikalipay ang pagpasigarbo tungod sa akong mga kaluyahon aron ang gahom ni Cristo molandong nganhi kanako.

2 Mga Taga-Corinto 8:10

Ug niining butanga ako mohatag sa akong tambag: maayo alang kaninyo ang pagtapos sa inyong nasugdan sa miaging tuig, dili lamang sa pagpadayon niini kondili sa pagtinguha usab,

Mga Taga-Galacia 1:12

Kay wala nako kini madawat gikan sa tawo, wala ako tudloi niini, kondili pinaagi sa pagpadayag ni Jesu-Cristo.

Mga Taga-Galacia 2:2

Mitungas ako sumala sa usa ka pagpadayag, ug gipadayag nako kanila ang Maayong Balita nga akong giwali ngadto sa mga Gentil, apan ngadto lamang kanila nga mga tinamod, kay tingali unya ug maningkamot ako o nakapaningkamot na ba hinuon sa wala lamay kapuslanan.

Mga Taga-Efeso 3:3

nga pinaagi sa pagpadayag, ang tinago gipahibalo dinhi kanako, sama sa akong gisulat sa minubo.

1 Mga Taga-Tesalonica 4:15

Kay kini among ipahayag kaninyo sumala sa pulong sa Ginoo, nga kitang mga buhi nga nagpabilin pa hangtod sa pag-abot sa Ginoo, dili mag-una kanila nga mga nangamatay.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.