2 Mga Taga-Corinto 11:6

Ang Biblia 2011

Ug bisan ako dili batid nga mamumulong, apan sa kahibalo wala ako makulangi, hinuon sa tanang paagi kini gipakita na namo kaninyo diha sa tanang mga butang.

Cross References

1 Mga Taga-Corinto 1:17

Kay si Cristo wala magpadala kanako aron sa pagpamautismo, kondili sa pagwali sa Maayong Balita, dili pinaagi sa maalamon nga mga pulong, aron ang krus ni Cristo dili mawad-an sa gahom.

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

1 Mga Taga-Corinto 12:8

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

1 Mga Taga-Corinto 2:13

Ug kini among gisulti pinaagi sa mga pulong nga wala itudlo sa tawhanong kaalam kondili sa gitudlo sa Espiritu, naghubad sa mga espirituhanong butang ngadto sa mga nagbaton sa Espiritu.

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 12:12

Ang mga ilhanan sa pagka-apostol nahimo sa taliwala ninyo diha sa akong hingpit nga pailob, inubanan sa mga ilhanan ug mga katingalahan ug mga milagro.

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

2 Mga Taga-Corinto 5:11

Busa sa nasayran namo ang pagkahadlok sa Ginoo, kami nangdani sa mga tawo. Hinuon, kami nasayran na sa Dios, ug ako naglaom nga kini masayran usab sa inyong mga tanlag.

2 Mga Taga-Corinto 6:6

sa kaputli, sa kahibalo, sa pagpailob, sa pagkamaluluy-on, sa Espiritu Santo, sa matuod nga gugma,

2 Mga Taga-Corinto 7:2

Hatagi kami ug luna diha kaninyo; wala kami magbuhat ug sayop kang bisan kinsa, wala kami mangdaot ug wala kami mamintaha.

Mga Taga-Efeso 3:4

Sa inyong pagbasa niini kamo makasuta sa akong pagsabot sa tinago mahitungod kang Cristo.